На сжан па «Свынто дром»

1, 2. Сави важно ришэния трэбуй сас тэ прилэн и евреёря, савэ жувэнас андо Вавилоно? (Ездра 1:2—4).

О ЦАРЁ дя указо! И евреёря, савэ сас раборя андо Вавилоно почти 70 лет, акана моӷли тэ ринпэ андо Израилё. (Проадинон Ездра 1:2—4.) Када моӷ тэ стерэл кати о Иегова. Васо амэ можэм кадя тэ ԥэнас? Важ кода кай андо Вавилоно обычно на одмэкэнас пэстирэ рабонэн (Ис. 14:4, 17). Но андо Вавилоно паруделя о правителё и во ԥэндя, кай и евреёря моӷут тэ ринпэ пэ пэстирэ краёря. Ай тоди кажнонэсти андар лэндэ, особено лэ хуланди андо ери, трэбуй сас тэ витидэн: тэ ужан анда Вавилоно или тэ ашэнпэ. Тэ прилэн кацави ришэния сас найвушэро. Васо?

² Бутэнди сас найвушэро тэ жан андэ кадэва дром через кода, кай лэндэ сас ԥурэ бэрша. Аврэ евреёнэнди сас тожэ ԥарэс, важ кода кай вонэ арақаделэпэ андо Вавилоно, када сас кати ек форо, саво вонэ ӷанэнас. Важ лэндэ о Израилё сас просто ԥув лэндирэ папонэнди. Ай дэсавэ, наверно, фартэ розбарваделэ андо Вавилоно. Важ када лэнди, возможно, сас трудно тэ ашавэн пэстирэ лашэ цэра или пэстири бути и тэ жан пэ кодэя ԥув, сави на ӷанэнас.

3. Сави блаӷословения авелоп кай и евреёря, савэ рисайлоп андо Израилё?

³ И евреёря, савэ кандэнас лэ Дэвлэс, полэнас, саво лэндэ авэла лашымос, кала вонэ ринапэ андо Израилё и важ када вонэ сас ӷотови тэ жан пэ люби жэртвы. Важ лэндэ сас само бари блаӷословения — када тэ тэлён лэ Иеговасти. Хоть андо Вавилоно сас май бут чем 50 храморя, котэ на сас храмо важ о Иегова. Кай и израильтяноря на сас жэртвенико, кай вонэ моӷли бы тэ анэн жэртвы лэ Иеговасти, савэ сас трэбуй тэ анэн па лэ Моисеёско законо. На сас лэндэ и рашая, савэ слидинас пала порядко. И инке, лэ Иеговаско народо жувэлас машкар и мануша, савэ тэлёнас лэ хохавнэ дэвлэнди — када и мурша и жувля, савэ ӷрама на стонас патив по Иегова и пэ лэстирэ законоря. Важ када тысячи евреёря, савэ даранас лэ Дэвлэстар, нащи доаштярдёнас, кала ринапэ пэ пэстирэ краёря. Вонэ камэнас упалэ тэ тэлён лэ Иеговасти кадя, сар лэсти уӷодно.

4. Сави помощь о Иегова пообещал тэ дэл лэ евреёнэнди, савэ ринаспэ андо Израилё?

⁴ О дром анда Вавилоно андо Израилё сас найвушэро, и вонэ моӷли тэ жан варикай пар лэстэ штар шон. Но о Иегова дя алав тэ улэл всаворэ трудности па кадэва дром. О пророко Исая пистросардя: «Вужарэн о дром важ о Иегова! Вировнин важ тумаро Дэл о дром, саво прожал через и пустыня. [...] Мэк всаворэ буӷроря исчезнут, ай и найровно ԥув ашэла ровно» (Ис. 40:3, 4). Прецтавьте пэсти: андэ пустыня, машкар плая, жал буӷло и ровно дром. Пала кацаво дром мечтает любо мануш, саво любий тэ путешествует! Тэ жас пар лэстэ пэ бутэстэ май вушэро и май ӥто, чем тэ прожас через и плая и ущелья.

5. Сар назывался о образно дром, саво сас анда Вавилоно жы андо Израилё?

⁵ Адес, андэ амарэ деса, кай бут дрома и трасы исин названия или номеро. Кай о образно дром, пала саво пистросардя о Исая, тожэ исин названия. Амэ адиносарас: «Котэ авэла баро дром. Пэр лэстэ ԥэнэна свынто Дром. И найлашэ пар лэстэ на ԥирэна» (Ис. 35:8). Со кадэя обещяния дэлас лэ израильтянонэнди? И со када означает важ амэндэ адес?

«СВЫНТО ДРОМ»: АНДЭ ДЭЛМУТНИ ВРЕМЯ И АДЕС

6. Васо о дром назывался свынто?

⁶ «Свынто дром» — сави райкани названия! Но васо пэр лэстэ ԥэнэнас свынто? Важ кода кай андо пророчество сас ԥэндо, кай машкар израильтяноря, савэ рисайлэ, на авэла ни ек «найлашо» мануш. Вижал, машкар лэндэ на авэла ни ек евреё, саво закамэла тэ жувэл билажавардэс, тэ тэлёл лэ хохавнэ дэвлэнди или тэ терэл авэр баро бэзэх. О Израилё трэбуй сас тэ ашэл свынто народо важ пэско Дэл (Втор. 7:6). Канешно, када на сыкавэлас, кай кодэла, ко ужылэ анда Вавилоно, на трэбуй сас тэ парудён.

7. Со трэбуй сас тэ парувэн дэсавэ евреёря? Росԥэнэн примероря.

⁷ Сар ужэ сас ԥэндо, бут евреёря арақаделэ андо Вавилоно. И бут андар лэндэ, возможно, пэрэлинэ и обычаи кай вавилоняноря. Через дэсавэ бэрша посли кода, сар рисайлэ пэрви евреёря андо Израилё, о Ездра уӷангля, кай дэсавэ андар лэндэ жэнисайлэ пэ манушня, савэ тэлёнас лэ хохавнэ дэвлэнди (Исх. 34:15, 16; Езд. 9:1, 2). Инке ӷэт май интя о правителё Неемия фартэ удивисайля, кай дэсавэ бэяцэ, савэ арақаделэ андо Израилё, на дэнас дума пэ еврейско шыб (Втор. 6:6, 7; Неем. 13:23, 24). Хэба моӷли кадэлэ шаворэ и щеёра тэ полюбин лэ Иеговас и тэ тэлён лэсти, если вонэ на полэнас и шыб, пэ сави сас пистромэ и Свынто Писания? (Езд. 10:3, 44). Вижал, кодэлэ евреёнэнди трэбуй сас тэ пристон бут зор, кай бут со тэ парувэн. И андо Израилё лэнди авелоп тэ стерэн када пэ бутэстэ май вушэро, важ кода кай котэ по набут терэнас кадя, кай упалэ тэ авэл вужи поклонения лэ Иеговасти (Неем. 8:8, 9).

8. Васо важ амэндэ важно кода, со сас бут бэрша палпалэ?

⁸ Дэко можэт тэ гиндой: «Када, канешно, фартэ интересно. Но со манди дэл кода, со сас лэ евреёнэнца?» Када бут со дэл, важ кода кай амэ, можно тэ ԥэнэс, тожэ жас па «Свынто дром». И нэважно, амэ памазаникоря или амэ «авэр бакрорэ», амэнди трэбуй тэ ашаспэ пэ кадэва «Свынто дром» (Иоан. 10:16). Кадэва дром прожал через о духовно раё и андярэл амэн каринг и блаӷословении, савэ анэна лэ Дэвлэско Царствоb. Лэ 1919 бэршэстар ужэ милионоря мурша, жувля и бэяцэ линэ тэ жан па кадэва дром, кала вижылэ анда Вавилоно Велико — када всаворэ хохавнэ веры. Можэт тумэ тожэ стердэ кадя. Хоть о «Свынто дром» ԥэрнаделя варикай 100 лет палпалэ и подӷотовка каринг кадэва дром заляпэ пэ бутэстэ май раньшэ.

ПОДӶОТОВКА КАРИНГ О ДРОМ

9. Со пала подӷотовка каринг о «Свынто дром» ԥэнэнпэ андэ Исаия 57:14?

⁹ О Иегова позаботисайля пала евреёря, савэ вижан анда Вавилоно. Во уля па дром вся, со моӷло тэ мишает лэстирэ народости. (Проадинон Исайя 57:14.) Ай со можно тэ ԥэнас пала «Свынто дром» андэ амари время? Важ дэсавэ викоря жы каринг 1919 бэрш о Иегова через дэсавэ мурша, савэ кандэн лэс, розвужарэлас о дром анда Вавилоно Велико (Сыстон Исайя 40:3.) Вонэ стердэ бари дила, кай потом и мануша, савэндэ лашо ди, моӷли тэ вижан анда Вавилоно Велико и тэ зажан андо духовно раё, кай правильно тэ тэлён лэ Иеговасти. Но со ужалас андэ подӷотовка каринг кадэва дром? Давайте подаса дума.

10, 11. Сар через кода, кай линэ тэ печатают и тэ пэрэандярэн и Библии, лэ Дэвлэско чачимос ашэля май ашунгло?

¹⁰ Печатни книӷи. Варикай жы каринг о 1450 бэрш и Библии пэрэпистронас лэ вастэса. Пэ када ужалас фартэ бут время, важ када и Библии сас мало и вонэ сас фартэ кучутнэ. Но ӷэт май интя сас стердо печатно станко. Через када ашэля вушэро тэ терэн и Библии и тэ роздэн лэн.

¹¹ Переводо. Бут викоря и Библия сас кати пэ латинско шыб, сави полэнас кати и ӷрамотни мануша. Но кала и мануша, савэ стонас бари патив по Дэл, линэ тэ печатают и книӷи, вонэ моӷли тэ пэрэандярэн и Библия пэ шыба, савэ полэлас о просто народо. Акана и читателя моӷли тэ сыстон кода, сости лэн сытярэнас андэ қандири, кодэлэса, со па чачимастэ пистромэ андэ Библия.

12, 13. Росԥэнэн, сар и библейски иследователя андо 19 вико линэ тэ ԥэрнавэн лэ манушэндирэ яқа пэ ла қандиряко хохаимос.

¹² Публикацыи важ и изучении Библии. И библейски иследователя сас внимательни и бут со уӷанэнас анда лэ Дэвлэско Алав. Вонэ на ашэнас мулком и када холярэлас бутэ рашан. Например, андо 19 вико дэсавэ мурша, савэндэ сас искренё ди, линэ тэ вимэкэн и брашуры. Кадэла публикацыи ԥэрнавэнас лэ манушэнди и яқа по хохаимос, савэсти сытярэнас андэ қандири.

¹³ Варикай андо 1835 бэрш о Генри Гру, саво даралас лэ Дэвлэстар, вимэкля и брашура, андэ сави росԥэндя, со терэлпэ лэ манушэса, кала во мэрэл. Бут қандиря сытярэнас, кай кала о мануш арақадёл, лэстэ ужэ исин бисмертия. Но о Генри Гру па Библия доԥэндя, кай када най кадя, и кай и бисмертия можэт тэ дэл кати о Дэл. Андо 1837 бэрш о рашай Джорджо Сторрзо арақля кацави брашура андо поездо. Кала во проадиносардя ла, во поля важ пэстэ важно чачимос и закамля тэ росԥэнэн пала када аврэнди. Андо 1842 бэрш во ԥэндя разни речи пэ ек тема: «Вопросо: авэла кай и найлашэ мануша бисмертно жызня?». И иследовании, савэ терэлас о Джорджо Сторрзо драго повлияло по тэрно мануш, савэс ақарэнас Чарлзо Расселло.

14. Сар лэ Расселлости и лэстирэ сотрудниконэнди поможысардя кода, со ужэ сас стердо важ о «Свынто дром» май раньшэ?

¹⁴ Сар лэ Расселлости и лэстирэ сотрудниконэнди поможысардя кода, со ужэ сас стердо важ о «Свынто дром» май раньшэ? Кай май драго тэ полэн и Свынто Писания, вонэ диқэнас андэ словарёря, справочникоря важ и библейски стихоря и разни библейски переводоря, савэ сас стердэ май раньшэ. Кадяжэ лэнди фартэ динэ зор и иследовании, савэ стердэ о Генри Гру, о Джорджо Сторрзо и авэр. О ԥрал Расселло и лэстирэ сотрудникоря вимэкэнас бут книӷи и брашуры пэ разни библейски темы, када сас бари помощь важ «и духовно подӷотовка» кадэлэ «Свынтонэ дромэсти».

15. Савэ важни событии сас андо 1919 бэрш?

¹⁵ Андо 1919 бэрш лэ Дэвлэско народо вижыля анда Вавилоно Велико. Андэ кодэва жэ бэрш появисайля о кандино и годявэрно рабо. Во ля тэ поможый, кай и мануша, кастэ искренё ди, тэ жан па «Свынто дром» (Матф. 24:45—47). Блаӷодаря лэсти и кодэлэнди, ко раньшэ терэлас кадэва дром, и мануша смоӷли май бут тэ уӷанэн пала кода, со о Иегова загиндосардя (Прит. 4:18). Кадяжэ вонэ смоӷли тэ парувэн пэстири жызня кадя, сар чалёл лэ Иеговасти. Аштярэлас о Иегова пэстирэ служытелёнэндар, кай вонэ парудёна сразу жэ? Най, во по набут поможыяс пэстирэ народости тэ парудёл андэ лащи риг (Диқэн и рамка «О Иегова постепено вужарэл пэско народо».) Сар жэ амэ аваса бахталэ, кала сможэм тэ радосарас лэ Дэвлэс всаворэса, со ласа тэ терас! (Кол. 1:10).

«О СВЫНТО ДРОМ» ИНКЕ ԤЭРНАДО

16. Сави бути ля тэ жал по «Свынто дром» лэ 1919 бэршэстар? (Исайя 48:17; 60:17).

¹⁶ Пала любо дром трэбуй тэ диқэс, кай во тэ авэл лашо. Кадяжэ и лэ «Свынтонэ дромэса». И бути, сави заляпэ пэр лэстэ андо 1919 бэрш, жал идоси. Васо? Кай май бут мануша смоӷли тэ вижан анда Вавилоно Велико. Андо 1921 бэрш, посли кода, сар найдэлмут появисайля кандино и годявэрно рабо, во вимэкля и книжка «Арфа Божия». Вой трэбуй сас тэ поможый лэ манушэнди, тэ уӷанэн о библейско чачимос. Вой сас вимэкли пэ 36 шыба и ла сас варикай 6 милионов. Кадэя книжка дя зор бутэнди тэ уӷанэн о чачимос. Ай найдэлмут амэндэ появисайля розлащи нэви книжка, кай тэ проандярас и изучения Библия — «Жувэн вечно пэ бахтатэ!». Андэ послидни деса о Иегова через пэстири арӷанизацыя постояно праварэл всаворэн амэн па пэстири мисяйля. Када поможый, кай амэ тэ на сжас па «Свынто дром». (Проадинон Исайя 48:17; 60:17.)

17, 18. Каринг андярэл о «Свынто дром»?

¹⁷ Можно тэ ԥэнэс, кай кала о мануш соӷласийпэ тэ изучает и Библия, лэстэ появийпэ возможность тэ тердёл по «Свынто дром». Дэсавэ мануша лэн тэ жан пэ кадэва дром, но потом ашавэн лэс. Авэр ришыли тэ на сжан па кадэва дром до конца. Но каринг андярэл кадэва дром?

¹⁸ Кодэлэн, ко аштярэл и небесно жызня, о «Свынто дром» андярэл андэ «лэ Дэвлэско раё» по нэбо (Отк. 2:7). Ай кодэла, ко лэла тэ жувэл пэ ԥув, дожана па кадэва дром каринг о совершэнство, кала закончица и Тысячелетнё лэ Христостири правления. Если ту акана жас па кадэва дром, на обдиқпэ палпалэ и на ашав лэс, пока на дожаса до конца — каринг о раё пэ ԥув. Анда вся оди ԥэнас: «Тэ авэл тути о дром бахтало!»