Сар о Иегова атвечает пэ амарэ молитвы

1, 2. Саво вопросо можэт тэ авэл, кала амэ гиндосарас пала пэстирэ молитвы?

САС тутэ варикала кацавэ гиндоря: «Атвечает о Иегова пэ мэрнэ молитвы?» Бут ԥрала и ԥэя ԥэнэн, кай вонэ загиндонаспэ пала кадэва вопросо, особено, кала лэндэ сас проблемы. Кала амэндэ ԥаримос, амэнди можэт тэ авэл найвушэро тэ шас сама, сар о Иегова дэл атветоря пэ амарэ молитвы.

² Давайте роздиқаса, васо амэ можэм тэ патяс, кай о Иегова атвечает пэстирэ служытелёнэнди пэ молитвы (1 Иоан. 5:15). Кадяжэ амэ роздиқаса кацавэ вопросоря: васо дэкала можэт тэ здэлпэ, кай о Иегова на дэл атвето пэ амарэ молитвы? и сар о Иегова адес атвечает пэр лэндэ?

О ИЕГОВА МОЖЭТ ТЭ ДЭЛ АТВЕТО НАЙ КАДЯ, САР АМЭ АШТЯРАС

3. Васо о Иегова камэл, кай амэ лэсти тэ мангаспэ?

³ Андэ Библия ԥэнэнпэ, кай о Иегова амэн фартэ любий, и кай амэ важ лэстэ куч (Агг. 2:7; 1 Иоан. 4:10). Важ када во камэл, кай амэ тэ взвисавас каринг лэстэ пала помощь (1 Пёт. 5:6, 7). Кадяжэ во камэл амэнди тэ поможый, кай амари дружба лэса тэ авэл састи, и кай амэ моӷли тэ пэрэандярас о ԥаримос.

4. Катар амэ ӷанас, кай о Иегова атвечал пэстирэ служытелёнэнди пэ молитвы? (Диқэн кадяжэ и картинка.)

⁴ Андэ Библия амэ най еқвар адиносарас, сар о Иегова атвечал пэстирэ служытелёнэнди пэ молитвы. Можэш ту тэ вспомниш варисаво случаё? Возможно, ту сразу погиндосардян пала царё Давидо. Андэ лэстири жызня сас бут вороӷоря, и во часто взвияспэ каринг о Иегова пала помощь. Еқвар во мангэлас лэ Дэвлэс: «Иегова виашун мэрни молитва, ашун, кала мэ анда оди мангав пала помощь. Дэ атвето манди, важ кода кай ту праведно и никала на ашавэс» (Пс. 143:1). О Иегова дэлас атветоря пэ лэстирэ молитвы и спасыяс лэс (1 Сам. 19:10, 18—20; 2 Сам. 5:17—25). О Давидо моӷ всаворэ одеса тэ ԥэнэн: «О Иегова пашэ каринг всаворэ, ко ақарэл лэс». Кацаво и амэндэ можэт тэ авэл андо ди (Пс. 145:18).

5. Вся и время о Иегова атвечал пэстирэ служытелёнэнди пэ молитвы кадя, сар вонэ аштярэнас? Росԥэнэн примеро. (Диқэн кадяжэ и картинка.)

⁵ О Иегова най вся и время дэл атветоря пэ амарэ молитвы кадя, сар амэ аштярас. Например, о апостало Павло мангэлас лэ Дэвлэс тэ улэл «и колючка» анда лэстири тила. Тривар о Павло ԥэнэнас ворта пала кадэя серьёзно проблема. Атветил о Иегова пэ лэстири молитва? Да. Но най кадя, сар о Павло аштярэлас. О Иегова на уля лэстири проблема, но дя лэсти зор, кай во тэ на парашэл верно лэсти тэ служый (2 Кор. 12:7—10).

6. Васо дэкала можэт тэ здэлпэ, кай о Иегова нэ атвечает пэ амарэ молитвы?

⁶ Андэ амари ситуацыя дэкала о Иегова атвечает пэ молитвы най кадя, сар амэ камасас. Но амэ можэм тэ патяс, кай о Иегова точно ӷанэн, сар май драго амэнди тэ поможый. Во дажэ «можэт тэ стерэл май бут всаворэстар, пала со амэ мангас или можэм кати тэ погиндосарас» (Эф. 3:20). Важ када во дэкала атвечает пэ амарэ молитвы най кадя, сар амэ гиндосарас и най тоди, кала амэ када аштярас.

7. Васо дэкала трэбуй тэ мангаспэ пала варисо авэр? Росԥэнэн примеро.

⁷ Дэкала, кала амэ фэдэр полас, со камэл о Иегова, амэ диқас, кай трэбуй тэ мангаспэ пала варисо авэр. Уӷанам пала ԥрал Мартино Пётцингеро. Ӥто посли ябьяв и нацысторя бишалдэ лэс андо концлаӷерё. Спэрва во мангэлас лэ Иеговас, кай лэс тэ одмэкэн, кай во моӷ тэ заботийпэ пала хулаи и упалэ тэ служый. Прожыля дуй курте, но о Иегова нэ атветил пэ лэстири молитва, кай лэс тэ одмэкэн. Важ када во ля тэ мангэлпэ: «Иегова, мангав, сыкав, со ту мандар аштярэс». Ай потом во загиндосайля, саво ԥаримос пэрэандярэн авэр ԥрала андо лаӷерё. Бут андар лэндэ фартэ пэрэжывают пала пэстирэ хулая́ и бэяцэ. Тоди о ԥрал Пётцингеро мангляпэ: «Иегова, наис тути пала мэрни нэви дила! Поможысар манди тэ дав зор и тэ подритярав мэрнэ ԥралэн». Всаворэ 9 лет, савэ о Мартино Пётцингеро проандярдя андо концлаӷерё, во терэлас имено кадэя дила.

8. Пала со амэнди трэбуй тэ сэрас, кала мангаспэ?

⁸ Важно тэ сэрас, кай лэ Иеговастэ тожэ исин цэль и во стерэла кода, со загиндосардя андэ пэстири время. О Дэл навсегда улэла всаворэ проблемы, савэ анэн бут ԥаримос. Када и бида андэ природа, о насвалимос и смэрть. О Иегова стерэла кода, со загиндосардя через пэско Царство (Дан. 2:44; Отк. 21:3, 4). Но пока кадэя время на авеля, о Дэл домэкэл, кай о Сатана тэ правий ла люмаса (Иоан. 12:31; Отк. 12:9)b. Если о Иегова ужэ акана тэ ришысардоп всаворэ лэ манушэндирэ проблемы, тоди моӷло тэ здэлпэ, кай лэ Сатанастэ андэ дэсо вижал драго тэ правий. Важ када амэнди трэбуй тэ аштярас, пока о Иегова зритярэла всаворэ пэстирэ обещянии. Но када на сыкавэл, кай во амэнди на поможый. Давайте роздиқаса дэсавэ маменторя, сар о Иегова амэнди дэл зор.

САР О ИЕГОВА АДЕС АТВЕЧАЕТ ПЭ АМАРЭ МОЛИТВЫ

9. Сар о Иегова можэт тэ поможый амэнди тэ прилас ришэнии? Росԥэнэн примеро.

⁹ О Иегова дэл мудрость. Во обещяет, кай дэла амэнди мудрость, кала амэнди трэбуй тэ прилас лашэ ришэнии. Андэ савэ ситуацыи амэнди особено трэбуй мудрость лэ Дэвлэстар? Кала амэ прилас ришэнии, савэ моӷут тэ повлияют пэ вся амари жызня. Например, о ԥрал можэт тэ гиндой тэ ашэлпэ екжэно или тэ жэнийпэ, ай и ԥэй — тэ жал миростэ чи най (Иак. 1:5). Давайте роздиқаса, со сас кай и ԥэй Марияc, сави най миростэ. Вой служыяс, сар общё пианеро, и кацави жызня лати фартэ чалёлас. Но еқвар и Мария уӷангля еқэ ԥралэс. Вой росԥэнэн: «Амари дружба барёлас, и амэ лям тэ чалювас ек еқэсти. Мэ ӷанавас, кай манди трэбуй авэла тэ прилав ришэния. Мэ долӷо и анда вся оди мангаваспэ пала када. Мэ камавас, кай о Иегова тэ поможый манди, но мэ кадяжэ ӷанавас, кай во на прилэла ришэния важ мандэ». И Мария уверено, кай о Иегова атветил пэ латири молитва пала мудрость. Сар вой додиқля лэско атвето? Вой иследовала амарэ публикацыи и виарақля статьи, савэ поможысардэ лати всаворэ́ ригэндар тэ диқэл пэ пэстирэ вопросоря. Кадяжэ вой приашунделя каринг о мудро совето пэстиря датар, сави тожэ служый лэ Иеговасти. Кадэва совето поможысардя ла Марияти май драго тэ полэл, со латэ андо ди каринг кадэва ԥрал. Тоди вой смоӷла тэ прилэл мудро ришэния.

10. Сар о Иегова поможый пэстирэ служытелёнэнди, сар ԥэнэнпэ андэ Филиппийцам 4:13? Росԥэнэн примеро. (Диқэн кадяжэ и картинка.)

¹⁰ О Иегова дэл амэнди зор тэ виритярас и трудности. О Иегова на ашадя лэ Павлос. Ай значит, во дэла зор и амэнди тэ виритярас о ԥаримос. (Проадинон Филиппийцам 4:13.) О Иегова поможысардя лэ ԥралэсти, савэс ақарэн Бе́нджамино. Май бут пэстирэ тэрнэ бэрша во, ай кадяжэ лэстирэ родителя, и ԥрала и ԥэя жувэнас андо лаӷерё важ и бежэнцоря андэ Африка. Во росԥэнэн: «Мэ вся и время мангаваспэ лэ Иеговасти, кай во тэ дэл манди зор тэ терав кода, со лэсти чалёл. О Иегова атветил пэ мэрнэ молитвы. Во дя манди спокойство по ди, ай кадяжэ библейско литература, через сави мэ моӷ тэ састярав пэстири вера и тэ авав смило, кай и дальшэ тэ росԥэнав пала лэстэ». О Бенджамино инке ԥэнэн: «Кала мэ адиносаравас и случаёря, савэ сас кай и ԥрала и ԥэя, и уӷанавас, сар о Иегова поможыяс лэнди вся тэ виритярэн, через када мэ инке май фартэ камавас тэ на парашав тэ кандав лэ Дэвлэс».

11, 12. Сар о Иегова можэт тэ атветит пэ молитвы через варикастэ анда собрания? (Диқэн кадяжэ и картинка.)

¹¹ О Иегова поможый амэнди через и ԥрала и ԥэя. И рят, англа пэстири смэрть, о Иисусо анда вся ди мангэласпэ. Пала со во мангэлас лэ Иеговас? О Иисусо на камэлас, кай лэс тэ дошалярэн андэ кода, кай во ԥэнэн найлашэ алава по Дэл. Но о Иегова на зля пар лэстэ кадэя дош. Сар жэ во поможысардя пэстирэ Шавэсти? Во бишалдя еқэ анӷелос, лэ Иисусостирэ ԥралэс, кай во лэс тэ подритярэл (Луки 22:42, 43). О Иегова можэт кадяжэ тэ побудий варикас анда собрания тэ зажал каринг амэндэ или тэ позвоний. Важ када кажно андар мэндэ, можэт тэ родэл возможность, кай тэ ԥэнэн «лашо алав» лэ ԥралэнди и лэ ԥэянди (Прит. 12:25).

¹² Акэ со сас кай и ԥэй Ми́риам через дэсавэ курте посли кода, сар муля лако хулай. Вой сас екжэни цэрэ, ровэлас и нисар нэ моӷла тэ улэлпэ. Лати сас фартэ ԥарэс по ди и латэ на сас нисаво смысло андэ жызня. Лати трэбуй сас варикаса тэ подэл дума. Вой ԥэнэн: «Мэ никасти нэ моӷла тэ позвонисарав — зор совсем на сас. Важ када мэ просто манглэмпэ лэ Иеговасти. И катэ жэ зазвонисардя о телефоно. Када сас о барэдэр ԥрал анда собрания, о пашутно друӷо амарэ ерести». Кадэва ԥрал пэстиря хулаяса фартэ подритярдэ ла ԥья. Вой патял, кай када о Иегова побудисардя лэс тэ позвоний лати.

13. Росԥэнэн примеро, сар о Иегова атвечает пэ молитвы через кодэла, ко лэсти на служын?

¹³ О Иегова можэт тэ поможый амэнди через и мануша, савэ лэсти на служын (Прит. 21:1). Например, о Иегова побудисардя, кай о царё Артаксерксо тэ одмэкэл лэ Неемияс, кай во тэ рийпэ андо Иерусалимо и тэ ваздэл о форо (Неем. 2:3—6). Адес о Иегова тожэ можэт тэ поможый амэнди через кодэла, ко лэсти на служын.

14. Пэр со тумэ шутэ сама андэ кода, со сас андэ жызня кай и Су Цин? (Диқэн кадяжэ и картинка.)

¹⁴ И ԥэй, савя ақарэн Су Цин, гиндой, кай о Иегова поможысардя лати через о врачо. Кай лако шаво сас най ек психическо растройство. Кала лэса тердяпэ фартэ страшно бида, и Су Цин и лако хулай ашадэ и бути, кай тэ заботинпэ пала лэстэ. Кай лэнго ери сас фартэ ԥари ситуацыя лэ ловэнца. И Су Цин чуствовала, кай латэ совсем на ашэляпэ зор тэ терэл варисо. Вой росԥэндя пала вся, со латэ сас по ди, лэ Иеговасти и мангля лэстар помощь. Ек врачо закамля тэ поможый лати и латирэ ерести. Через када о ӷосударство дя лэнди помощь. Вонэ кадяжэ получисардэ ҭан, кай тэ жувэн. Посли када и Су Цин ԥэндя: «Амэ диқлям андэ пэстири жызня лэ Иеговаско вас. Во чаче ашунэл и молитвы» (Пс. 65:2).

АМЭНДИ ТРЭБУЙ ВЕРА, КАЙ ТЭ ДИҚАС И ТЭ ПРИЛАС И АТВЕТОРЯ ЛЭ ИЕГОВАСТАР

15. Сар ек ԥэй поля, кай о Иегова атвечает пэ латирэ молитвы?

¹⁵ Амэнди на трэбуй тэ аштярас, кай о Иегова лэла всегда тэ атвечает пэ молитвы варисар нэобычно. Но кажно разо, кала во атвечает пэ молитва, во дэл имено кода, со трэбуй, кай амэ лэс никала тэ на ашавас. Важ када старыинпэ тэ шон сама, сар во тумэнди атвечает. Ла ԥьяти, савя ақарэн Йоко, здэласпэ, кай латирэ молитвы о Иегова на ашунэл. Но потом вой ля тэ запистрой вся, пала со мангэл лэ Иеговас. Через дэсави время вой продиқля пэстирэ записи. И со жэ вой поля? О Иегова атветил пэ бут латирэ молитвы, дажэ пэ кодэла, пала савэ вой ужэ бистэрдя. Всаворэнди амэнди важно дэкала тэ розмышляем пала кода, сар о Иегова атвечает пэ амарэ молитвы (Пс. 66:19, 20).

16. Андэр со дицола амари вера? (Евреям 11:6).

¹⁶ Амари вера дицол най кати тоди, кала мангаспэ лэ Иеговасти, но и кала прилас лэстирэ атветоря, савэ бы вонэ тэ на авэн. (Проадинон Евреям 11:6.) Например, кай о Майко и кай лэстири хулаи Крисси сас цэль тэ служын андо Вефилё. О Майко росԥэнэн: «Амэ бут бэрша заполняли заявлении и вся и время мангасаспэ лэ Иеговасти пала амари цэль. Но амэн кадя и на ақардэ тэ служысарас андо Вефилё». О Майко и Крисси патянас, кай о Иегова май драго ӷанэн, андэ сави служэния вонэ тэ авэн. Вонэ на парашэнас анда оди тэ терэн кода, со па лэнго зор. Вонэ служынас сар общи пианероря котэ, кай на хутилэлас лэ вазвещятелёнэн, и участвовали андэ стройки кай амари арӷанизацыя. Адес вонэ участвуют андэ разъездно служэния. О Майко ԥэнэн: «О Иегова най вся и время атвечал пэ амарэ молитвы кадя, сар амэ аштярасас. Но во дэлас атветоря пэр лэндэ, тай инке кадя, сар амэ дажэ и прецтавить пэсти нэ моӷли».

17, 18. Сар ԥэнэнпэ андо Псалом 86:6, 7, андэр со амэ можэм тэ патяс?

¹⁷ Проадинон Псалом 86:6, 7. О Давидо патялас, кай о Иегова ашунэл лэстирэ молитвы и дэл атветоря пэр лэндэ. Андэ када амэ тожэ можэм тэ патяс. И примероря, пала савэ амэ подям дума андэ кадэя статья, сыкавэн, кай о Иегова дэла мудрость и зор тэ виритярас о ԥаримос. Во можэт тэ поможый через и ԥрала и ԥэя и дажэ через кодэла, ко лэсти на служын.

¹⁸ Чаче, о Иегова най вся и время атвечает пэ амарэ молитвы кадя, сар амэ аштярас. Но амэ ӷанас, кай во обязательно дэла атветоря пэр лэндэ. Во дэла амэнди кода, со трэбуй и кала када трэбуй. Важ када патя и на параш тэ мангэспэ. На домэк, кай тутэ тэ авэн сомнении, кай во пала тутэ позаботияпэ акана и андо раё пэ ԥув. О Иегова дэла пэстирэ служытелёнэнди вся, со вонэ камэн (Пс. 145:16).