На параш тэ патяс, кай о Иегова простисардя тут

1, 2. Со амэндэ по ди, кала о Иегова простий амарэ бэзэха? (Кадяжэ диқэн и картинка.)

О ЦАРЁ Давидо мучияспэ через и бэзэха, савэ во варикала стердясас. Лэс халас и дош (Пс. 40:12; 51:3). Но во анда вся ди каисайля и поля, сави дэ бари када бах, кала о Иегова тут простий (2 Сам. 12:13; Пс. 32:1).

² Амэ тожэ можэм тэ полас, со када, кала о Иегова анда ди жалуий и простий амэн. Сар дэ вушэро ашэл по ди, кала амэ ӷанас, кай о Иегова камэл тэ простий амарэ бэзэха, дажэ если вонэ фартэ барэ! Важ када амэнди трэбуй па чачимастэ тэ каисавас, тэ прижанас пэстири дош и тэ пристас вся о зор, кай будэр кадя тэ на терас (Прит. 28:13; Дила 26:20; 1 Иоан. 1:9). Ай инке амаро ди радуийпэ, кай посли када о Иегова никала на шола амэнди пэ яқа амарэ бэзэха и на спушэла важ лэндэ (Иез. 33:16).

3, 4. а) Со сас по ди кай ек ԥэй, посли кода сар вой болделя? б) Пала со амэ подаса дума андэ кадэя статья?

³ Дэкала амэнди ԥарэс тэ патяс, кай о Иегова простисардя амэн. Кадя сас кай и Дже́ннифер. Вой бареля андо ери, саво андярэлас лэ Иеговастири время. Кала вой набут подбареля, вой ля найдраго пэс тэ андярэл и гаравэлас када лэ родителёнэндар. Прожылэ бэрша, и Дженнифер рисайля каринг о Иегова. Вой полностью паруделя и болделя. Вой росԥэнэн: «Кала мэ дурелэм лэ Иеговастар, мэ дилявавас бут тэ пав, тэ затерав май бут ловэ и тэ андярав роспутно жызня. Кода время мэ сымас фартэ холинако мануш. Но потом мэ каисайлэм и фартэ мангавас, кай о Иегова тэ простий ман. Ла годяса мэ полавас, кай через лэ Иисусостири жэртва мэ моӷу тэ авав вужи андэ лэ Дэвлэстирэ яқа. Но тэ доԥэнав када мэрнэ одести мандэ нисар на вижалас».

⁴ Можэт, тути тожэ ԥарэс тэ патяс, кай о Иегова простисардя тут важ кодэла бэзэха, савэ ту варикала стердянас. Тоди старысав тэ гиндос пала царё Давидо. Во на парашэлас тэ патял, кай о Дэл жалуий лэс. О Иегова камэл, кай кацаво жэ патяимос тэ авэл и тутэ. Андэ кадэя статья амэ роздиқаса, васо амэ трэбуй тэ патяс, кай о Иегова амэн простисардя, и со амэнди андэ када поможыя.

ВАСО КАДЯ ВАЖНО ТЭ ПАТЯС, КАЙ О ИЕГОВА ТУТ ПРОСТИСАРДЯ

5. Саво хохаимос о Сатана камэл тэ замарэл амэнди андо шэро? Росԥэнэн примеро.

⁵ Если амэ патяс, кай о Иегова амэн простисардя, амэ на попэраса андэ лэ Сатанастирэ вас. На ласа тэ бистрас: о Сатана ӷотово тэ вижал анда цыпа, кай амэ тэ парашас тэ уӷодисарас лэ Иеговасти. Кай лэстэ када тэ вижал, во лэла тэ старыийпэ тэ доԥэнэн амэнди, кай амарэ бэзэха фартэ барэ и кай о Дэл никала амэн на простия. Погиндосарам, со тердясаспэ андо Коринфо андо пэрво вико. Ек мурш сас дурярдо ла собраниятар важ кода, кай терэлас билажавардимос (1 Кр. 5:1, 5, 13). Потом кадэва христианино каисайля, но о Сатана камэлас, кай и ԥрала и ԥэя тэ на авэн ӷотови тэ простин лэс — кай вонэ тэ авэн пэр лэстэ холинати и тэ на радуинпэ кодэлэсти, кай во рисайля. Тэ на простисардоп и ԥрала и ԥэя кадэлэ манушэс, во гиндосардоп, кай на ашэл, кай о Дэл тэ простий лэс. Тоди лэсти ашэлоп инке май вэрыто и во парашэлоп тэ андярэл лэ Дэвлэстири время. Сости амэ сытювас? О Сатана на паруделя, но «амэ ӷанас пала лэско гиндо» (2 Кр. 2:5—11).

6. Со поможыя амэнди тэ парашас тэ дошалярас корко пэс?

⁶ Если амэ патяс, кай о Иегова амэн простисардя, амэ сможэм тэ парашас тэ дошалярас корко пэс. Кала амэ терас бэзэх, амэн важ када можэт тэ хал и дош (Пс. 51:17). И када дажэ драго, важ кода кай тоди амэ закамаса тэ парудювас и тэ андярас пэс правильно (2 Кр. 7:10, 11). Но если амэ ужэ дэлмут каисайлям и всаек на парашас тэ розрандас пэско ди через и дош, то можэм тэ вимардювас анда зор. Если амэ патяс, кай о Иегова амэн простисардя, амэнди трэбуй тэ парашас тэ хас пэс зорэстар. Тоди амэндэ вижала тэ терас лэ Дэвлэстири дила, точно тэ ӷанас, кай уӷодисарас лэсти и упалэ тэ авас бахталэ — имено када и камэл о Иегова важ амэндэ (Клс. 1:10, 11; 2 Тим. 1:3). Ай со, если тути всаек ԥарэс тэ патяс, кай о Иегова тут простисардя? Со тути можэт тэ поможый?

САР ТЭ ПАТЯС, КАЙ О ИЕГОВА ТУТ ПРОСТИСАРДЯ

7, 8. Со о Иегова ԥэндя пала пэстэ лэ Моисеёсти и андэр со важ када амэ можэм тэ патяс? (Исход 34:6, 7).

⁷ Гиндосар важ кода, со о Иегова росԥэнэн важ пэстэ. Например, шув сама, сар о Дэл дясас дума лэ Моисеёса по плай Синаёa. (Проадинон Исход 34:6, 7.) Кай о Иегова райкано характеро, но интересно, кай пэрво, пэр со во шутя сама, — када кай во «полэл и жалуий анда вся оди». Погиндосар: хэба кацаво Дэл отԥэндёла тэ простий пэстирэ манушэс, саво анда ди каийпэ? Канешно, най. Када авелоп най одялэс и жэстоко. О Иегова просто не можэт кадя тэ стерэл!

⁸ Амэ ӷанас, кай о Иегова никала на хохадоп пала пэстэ, важ кода кай во вся и время ԥэнэн ек о чачимос (Пс. 31:5). Акэ васо амэ можэм тэ патяс всаворэсти, со во ԥэнэн. Если тут на парашэл тэ хал и дош важ кода, со ту варикала стердянас, пуш пэстар: «Мэ патяв, кай о Иегова чаче полэл и жалуий анда вся оди и ӷотово тэ простий любонэс, ко па чачимастэ каийпэ? Тоди со на дэл манди тэ патяв, кай во простисардя и ман?»

9. Со амэ уӷанас анда Псалом 32:5 важ кода, сар простий о Иегова?

⁹ Гиндосар важ и стихоря, андэ савэ пистромэ, сар простий о Дэл. Роздиқаса, со ԥэндясас о Давидо. (Проадинон Псалом 32:5.) Во пистросардя: «Ту улян мандар мэрни дош пала мэрно бэзэх». О еврейско алав, саво пэрэандярдо сар «тэ улэс», инке можно тэ пэрэдэс, сар «тэ ваздэс», «тэ лэс» или «тэ ԥиравэс». Кала о Иегова простисардя лэ Давидос, во ԥэнэса ля лэстирэ бэзэха и ундярдя лэн. Тоди кай о Давидо ԥэнэса спэля бар па ди, и лэсти ашэля май вушэро (Пс. 32:2—4). Тути тожэ можэт тэ ашэл май вушэро по ди, сар и лэ Давидости. Если ту па чачимастэ каиспэ, тути будэр на трэбуй тэ розрандэс пэско ди дошатар. О Иегова полностью простисардя тут и ундярдя тирэ бэзэха.

10, 11. Со сыкавэл, кай о Иегова ӷотово тэ простий? (Псалом 86:5).

¹⁰ Проадинон Псалом 86:5. О Давидо ԥэнэн, кай о Иегова «ӷотово» тэ простий. Кадэла алава сыкавэн, кай о Иегова на грабий тэ холявэл, кала о мануш терэл варисо най кадя, и вся и время ӷотово тэ простий кодэлэс, ко каийпэ. Васо о Иегова кадя обжалпэ лэ манушэнца? Андэ кодэва жэ стихо ԥэнэнпэ, кай амаро Дэл анда вся оди любий всаворэн, ко взвийпэ каринг лэстэ. Анда кодэя статья амэ уӷанглям важно гиндо: кала варико анда вся оди любий варикас, када сыкавэл, кай во приԥандёл каринг лэстэ лэ одеса и никала лэс на ашавэл. Имено кадя любий о Иегова, важ када во анда вся оди простий всаворэн, ко каийпэ андэ пэстирэ бэзэха (Ис. 55:7). Если тути ԥарэс тэ патяс, кай о Иегова тут простисардя, пуш пэстар: «Патяв мэ, кай о Иегова ӷотово тэ простий всаворэн, ко каийпэ и мангэл лэс тэ здиқэл пэр лэстэ? Тоди со на дэл манди тэ патяв, кай во простисардя ман, кала мэ ясвэнца мангавас лэс тэ жалуий ман?»

¹¹ Инке амэ ӷанас, кай о Иегова драго полэл, сар пар мэндэ влияет о бэзэх. Сар дэ вушэро ашэл по ди кадэлэстар! (Пс. 139:1, 2). Давай роздиқаса инке ек лэ Давидостири дили, сави поможыя тути инке май фартэ тэ патяс, кай о Иегова чаче ӷотово тэ простий.

НА БИСТЭР КОДА, СО СЭРЭЛ О ИЕГОВА

12, 13. Пала со сэрэл о Иегова и со во важ када камэл тэ стерэл? (Псалом 103:14).

¹² Проадинон Псалом 103:14. О Давидо ԥэнэн важ о Иегова: «Во сэрэл, кай амэ прахо». Када ек маменто, васо о Иегова ӷотово тэ простий кодэлэн, ко каийпэ. Во никала на бистрэл, кай амэ найидеальни. Давай май драго роздиқаса кадэла алава.

¹³ О Давидо ԥэндя, кай о Иегова «драго ӷанэн, андар со амэ стердэ». О Дэл стердя лэ Адамос анда прахо и важ када во драго ӷанэн, со трэбуй кажнонэ манушэсти. Например, во трэбуй тэ ԥурдэл, тэ хал и тэ совэл, и дажэ о идеально мануш би кадэлэско на обжалапэ (Быт. 2:7). Но посли кода, сар о Адамо и Ева стердэ бэзэх, и алава «амэ прахо» линэ тэ пэрэдэн инке ек гиндо. Всаворэ мануша ашэлэ найидеальни и важ када лэн ля тэ цырдэл тэ андярэн пэс неправильно. Сар ԥэндя о Давидо, о Иегова най просто пала када ӷанэн — во сэрэл пала када. О еврейско алав, саво катэ пэрэандярдо сар «сэрэл», можэт тэ сыкавэл, кай о Дэл най кати пала амэндэ гиндой, но и варисо терэл важ амэндэ. Тоди и алава анда Псалом 103:14 можно тэ полас кадя: о Иегова ӷанэн, кай амэ ласа тэ шылисавас, но если амэ анда вся оди каисавас, то во жалуий амэн и простий (Пс. 78:38, 39).

14. а) Сар простий о Иегова? (Псалом 103:12). б) Саво примеро призындярдя о Давидо, кай тэ сыкавэл, сар простий о Иегова? (Диқэн и рамка «О Иегова простий и бистрэл».)

¹⁴ Сар простий о Иегова? (Проадинон Псалом 103:12.) О Давидо ԥэнэн, кай, кала о Иегова простий, во ундярэл амарэ бэзэха кадя дур, «сар дур ек еқэстар о востоко и о западо». О ҭан, кай о қам ваздэлпэ, и о ҭан, кай во бэшэл, находинпэ ек еқэстар фартэ дур и никала не моӷут тэ очутинпэ пашэ. Сар када поможый тэ полас, сар простий о Иегова? Андэ ек книжка каринг кадэва стихо сас пистромэ: «Кала о Дэл ундярэл амаро бэзэх, во терэл кадя, кай лэстар тэ на ашэлпэ ни о слидо, ни о запахо». Дэкала через о запахо амэнди можэт тэ авэл по гиндо кода, со сас варикала. Но кала амаро бэзэх простийпэ, лэстар на ашэлпэ дажэ о запахо. Када сыкавэл, кай лэсти будэр никала на авэла по гиндо амаро бэзэх и во на закамэла упалэ тэ дошалярэл или тэ спушэл амэндар (Иез. 18:21, 22; Дила 3:19).

15. Со тэ терас, если амэн на парашэл тэ хал и дош через и бэзэха, савэ амэ варикала стердямас?

¹⁵ Сар амэ можэм тэ прилас каринг пэстэ лэ Давидостирэ алава анда 103-то Псалом? Если тут на парашэл тэ хал и дош важ и бэзэха, савэ ту варикала стердянас, пуш пэстар: «На забистрав мэ кода, со сэрэл о Иегова? Можэт, мэ бистрав, кай о Иегова сэрэл, кай мэ найидеально и кай во простий всаворэн, ко каийпэ, и дажэ ман? На парашав мэ тэ сэрав кода, со о Иегова закамля тэ бистрэл — например, и бэзэха, савэ во манди простисардя и важ савэ во будэр никала на лэла тэ спушэл мандар?» О Иегова на болдэл андо шэро амарэ бэзэха, савэ амэ варикала стердямас. И амэнди на трэбуй када тэ терас (Пс. 130:3). Если ту патяса, кай о Иегова простисардя тут, тоди и ту сможэш тэ простис корко пэс и тэ жувэс вужэ одеса.

16. Васо авэла найдраго вся и время тэ дошалярас корко пэс важ и бэзэха, савэ амэ варикала стердямас? Росԥэнэн примеро. (Кадяжэ диқэн и картинка.)

¹⁶ Роздиқаса ек примеро. Кала варико ладэл пала рулё, во можэт дэкала тэ диқэл андэ юнглинда, кай тэ полэл, со терэлпэ палал. Но если во вся и время лэла кадя тэ терэл, во попэрэла андэ авария. Кай кацаво тэ на терэлпэ, лэсти трэбуй внимательно тэ диқэл англэ по дром. Со амэ можэм тэ полас анда кадэва примеро? Авелоп драго, кай дэкала и амэ тэ гиндосарас пала кода, сар амэ варикала шылисайлям, — када можэт тэ поможый тэ на бистрас, сости амэ сытелям, и будэр кадя тэ на терас. Но если амэ на парашас тэ гиндосарас пала бэзэх, саво о Иегова простисардя, амэ можэм тэ хасарас амари радость и амэндэ на вижала тэ терас андэ лэ Иеговастири дила вся, со па амаро зор. Со амэ трэбуй тэ терас? Давай ласа тэ диқас англэ, важ кода кай амэ жас па дром, саво андярэл андо раё, кай вся о найлашымос будэр «на авэла по ди» (Ис. 65:17; Прит. 4:25).

НА ПАРАШ ТЭ ПАТЯС, КАЙ О ИЕГОВА ТУТ ПРОСТИЙ

17. Васо амэ трэбуй тэ на парашас тэ доԥэнас пэстирэ одести, кай о Иегова любий амэн и вся и время ӷотово тэ простий?

¹⁷ Амэ трэбуй тэ на парашас тэ доԥэнас амарэ одести, кай о Иегова амэн любий и вся и время ӷотово тэ простий амэн (1 Иоан. 3:19). Васо важно када тэ терас? Важ кода кай о Сатана старыияпэ тэ доԥэнэн амэнди, кай о Дэл амэн на любий и никала на простия. Во камэл, кай амэ тэ парашас тэ кандас лэ Иеговас. О Сатана ӷанэн, кай лэстэ почти на ашэляпэ время, кочай во лэла тэ терэл када инке май баря холяса (Тайна 12:12). Пристам вся о зор, кай тэ на подаспэ лэсти!

18. Сар тэ доԥэнас пэстирэ одести, кай о Иегова любий амэн и вся и время ӷотово тэ простий?

¹⁸ И советоря анда кодэя статья, поможын амэнди тэ патяс, кай о Иегова любий амэн. Ай сар тэ доԥэнас пэстирэ одести, кай о Иегова амэн простисардя? Шув сама пэ кода, со о Иегова росԥэнэн важ пэстэ андэ Библия. Гиндосар важ и стихоря, андэ савэ пистромэ, сар во простий. На бистэр, кай во ӷанэн, кай ту не можэш совсем тэ на шылиспэ, и во лэла ковлэс тэ обжалпэ туса. И сэр: кала во простий, во терэл када анда вся ди. Тоди ту пар пэстэ полэса, сар о Иегова жалуий, и сможэш тэ ԥэнэс, сар о Давидо: «Наис, Иегова, кай ту простисардян ман» (Пс. 32:5).