Сас ли варисо парудо андэ Книӷа лэ Дэвлэстар?

Дэсавэ гиндон, кай андэ лэ Дэвлэстири Книӷа моӷли варисо тэ парувэн. Но о пророко Исаия ԥэндя, кай «о алав амарэ Дэвлэско авэла вечно» (Исаия 40:8). Катар амэ ӷанас, кай андо Алав лэ Дэвлэстар пистромэ кодэва жэ гиндо, саво сас спэрва?

Кай о Дэл исин зор тэ фэрий пэстири Книӷа, кай андэр латэ нисо тэ на парувэн. Лэстирэ пророкоря пистронас по материало, саво йто римояспэ. Кай тэ ашэлпэ кода, со ԥэндя лэнди о Дэл, дэсавэ мануша стонас бут зор, кай точно тэ пэрэпистрон и Свынто Писания. Вонэ виадинонас кажно буква, кай андэ Писания тэ на авэл нисо достодо, парудо или промэкло. Но, сар и всаворэ мануша, кодэла, ко пэрэпистронас, слинэ найсовершэни и важ када вонэ домэкэнас найбарэ ошыбки, савэ на парувэнас о гиндо.

КАТАР АМЭ ӶАНАС, КАЙ АНДЭ КНИӶА ЛЭ ДЭВЛЭСТАР НИСО НА ПАРУДЕЛЯ?

Адес исин най ек тысяча тексторя, савэ пэрэпистросардэ лэ вастэса, па Свынто Писания. Дажэ если андэ ек варисаво тексто исин ошыбка, ла вушэро тэ виарақэс, если тэ сыстос аврэ текстонэнца. (Май бут пала када можно тэ виарақэс андэ статья «Есть ли в тексте Библии изменения или подделки?» пэ русско шыб по сайто jw.org^®.)

Например, шаса сама пэ дэлмутнэ тексторя, савэ виарақлэ андо 1947 бэрш андэ пещеры паша Мёртво моря. Андэ кадэла тексторя исин дэсавэ части анда Свынто Писания. Лэнди май бут чем 2 000 бэрш! И учони мануша сыстосардэ и Свынто Писания, сави исин адес, кадэлэ дэлмутнэ текстонэнца. Со жэ вонэ виарақлэ?

И учони, кала вся драго продиқлэ, полинэ, кай и Свынто Писания, сави исин адес, точно сжалпэ лэ дэлмутнэ текстонэнцаa. Дицол, кай о Создателё драго фэрияс пэстири Книӷа, кай андэр латэ тэ на парудёл о гиндо.

Важ када, кала амэ адиносарас и Свынто Писания, амэ можэм тэ патяс, кай андэр латэ запистромэ кодэла жэ алава, савэ камля тэ ԥэнэн амэнди о Дэл. Ай акана давай уӷанаса, со пала Дэл ԥэнэнас лэстирэ пророкоря.