УӶАНАС ПАЛА МАНУШЭСТИ ЖЫЗНЯ
Мэ стердэм кода, со трэбуй сас тэ стерав
МАЙ бут чем 30 бэрш о Дональдо Ридли сас адвокато, саво защитияс лэ Иеговастирэ свидетелёнэн андэ сындоря. Во бут со стердя, кай тэ поможый лэ манушэнди тэ полэн, кай кодэлэндэ, ко камэл тэ личийпэ, исин право тэ отԥэндён кодэлэстар, кай лэнди тэ пэрэшон о рат. Во поможысардя, кай амари арӷанизацыя тэ вицэлэл бут дила, кала жанас и барэ сындоря андэ Америка. О Доно, сар пэр лэстэ ԥэнэнас лэстирэ друӷоря, любияс тэ терэл дила, на гиндояс пала пэстэ бут и во жалас бут пэр со, кай тэ терэл аврэнди лашимос.
Андо 2019 бэрш кай о Доно виарақлэ фартэ ридко насвалимос, саво на виличийпэ. О насвалимос йто розжаласпэ и во муля 16 августа андо 2019 бэрш. Акэ лэсти жызня.
Мэ арақаделэм андо 1954 бэрш андо форо Сент-Пол (када штато Миннесота, США). Мэ сымас анда католическо ери, саво сас най фартэ барвало, и андэ саво сас панч бэяцэ. Мэ сымас дуйто бэято андо ери. Кала сымас бэятоса, мэ ԥиравас андэ католическо школа, ай инке поможысаравас лэ рашасти, кала жалас служба андэ қандири. Но и Библия мэ почти на ӷанавас. Хоть мэ и патявас, кай исин Дэл, саво вся стердя, но мэ парашэлэм тэ патяв кодэлэсти, со ԥэнэнас андэ қандири.
УӶАНАВ О ЧАЧИМОС ПАЛА ДЭЛ
Кала мэ сытювавас пэ пэрво курсо андо Юридическо колледжо Уильяма Митчелла, мандэ цэрэ авелэ лэ Иеговастирэ свидетеля. Тоди манди сас най кала, мэ халававас и кирпы, и вонэ ковлэс соӷласисайлэ тэ авэн пэ авэр разо. Кала вонэ сас трэбуй тэ авэн, мандэ ужэ сас дуй вопросоря. «Васо лэ найлашэ манушэндэ май бут лашимос, чем кай лашэ?» и «Со трэбуй важ и бах?». Вонэ динэ манди книжка «Истина, ведущая к вечной жизни» и «Библия. Нэвэ мироско переводо», сави сас андэ зэлэно ярко обложка. Мэ соӷласисайлэм тэ сытював па Библия, и када ԥэрнадя манди и яқа. Мэ сымас лошало тэ уӷанав, кай лэ Дэвлэско Царство, када правительство, саво фартэ трэбуй лэ манушэнди, и саво лэла тэ правий па вся и ԥув. Мэ полэм, кай кодэлэстар, кай правин и мануша, нисо на вижыля. Вонэ стердэ, кай пэ ԥув ашэля фартэ бут ԥаримос, нэсправедливость и биды и о миро мучийпэ.
Андэ пэрви шона андэ 1982 бэрш, мэ дэм алав лэ Иеговасти тэ жував важ лэстэ. Ай май интя, андэ кодэва жэ бэрш мэ болделэм по канӷрэсо «Истина Царства», саво прожалас андэ бари здания андо форо Сент-Пол. Пэ авэр курко андэ кадэя жэ здания, мэ сдавас экзамено, кай тэ ашав адвокатоса. Андэ пэрви числоря андо октябрё манди ԥэндэ, кай мэ сдэм о экзамено и акана моӷу тэ терав бути, сар адвокато.
Пэ кодэва жэ канӷрэсо мэ уӷанглэм лэ ԥралэс о Майко Ричардсоно, саво служыяс андо Вефилё, андо Бруклино. Во ԥэндя манди, кай котэ андэ ӷлавно управления появисайля юридическо отдело. Манди динэ по гиндо лэ евнухостирэ алава анда Деяния 8:36 и мэ пушлэм пэстар: «Со ритярэл ман, кай тэ на терав бути андо юридическо отдело?» Кадя мэ подэм заявления, кай тэ служысарав андо Вефилё.
Мэрнэ дадэсти и ла дати най фартэ чалёлас, кай мэ ашэлэм лэ Иеговаско свидетелё. О дад пушля мандар, сар манди поможыя мэрни бути андо Вефилё тэ авав май лашэ адвокатоса. Мэ ԥэндэм лэсти, кай пала мэрни бути манди дэна 75 долларов кажно шон, сар и всаворэ вефильцонэнди.
Андо 1984 бэрш мэ дотердэм мэрни дила андо сындо, сави теравас и лаглэм тэ служысарав андо Вефилё андо Бруклино (Нью-Йорк). Котэ манди динэ тэ терав бути андо юридическо отдело. Кода, кай мэ теравас бути андо сындо, поможысардя манди тэ терав бути андо Вефилё.
РЕМОНТО АНДО ТЕАТРО СТЭНЛИ
Кацаво сас о театро Стэнли, кала лэс тиндям
Андо ноябрё андо 1983 бэрш амари арӷанизацыя тиндя о театро Стэнли андо Джерси-Сити (штат Нью-Джерси). И ԥрала подинэ заявления, кай тэ стерэн о вудуд и о паи андэ кодэя здания. Вонэ диқлэпэ лэ барэдэрэнца андо форо и ԥэндэ лэнди, кай камэн, кай андо театро Стэнли тэ прожан и канӷрэсоря, савэ исин кай лэ Иеговастирэ свидетеля. И андэ када сас проблема. Андэ законоря важ о форо Джерси-Сити сас пистромэ, со можно тэ терэн андэ кодэла здании. Котэ сас ԥэндо, кай и здании, кай тэлён лэ Дэвлэсти трэбуй тэ авэн кати андэ кодэлэ раёноря, кай жувэн и мануша. Ай о театро Стэнли сас андо цэнтро форо андэ кацаво раёно, кай сас здании кати важ и бути. Важ када и барэдэра на динэ лэнди тэ терэн о ремонто. И ԥрала инке еқвар жылэ каринг и барэдэра андо форо, но лэнди упалэ отԥэндэ.
Кодэва жэ курко, сар кати лэм тэ служысарав андо Вефилё, и арӷанизацыя пэрэдя кадэва вопросо андо сындо. Жы каринг кода мэ теравас дуй бэрша андо сындо андо форо Сент-Поле. Важ када мэ ужэ ӷанавас, сар терэлпэ кацави дила. Ек анда амарэ адвокаторя ԥэндя кацаво гиндо. Май англал андо театро Стэнли о миро стидэласпэ важ кода, кай тэ диқэн и киноря и тэ ашунэн и рок-концэрторя. Васо тоди котэ нащи тэ стидэнпэ, важ кода кай тэ тэлён лэ Дэвлэсти? Кала андо сындо роздиқлэ кадэя дила, тоди ԥэндэ, кай и барэ мануша андо форо Джерси-Сити на стодэ патив пэ кода, кай лэ манушэндэ исин право свободно тэ тэлён лэ Дэвлэсти. О сындо приԥэндя, кай кадэва форо тэ дэл амэнди розришэния, сави амэнди трэбуй. Тоди мэ пэрво разо додиқлэм, сар о Иегова поможый, кай лэстири арӷанизацыя тэ победий андэ сындоря важ кода, кай тэ на тердёл и дила, сави терэл лэ Дэвлэско Царство. Мэ сымас лошало хоть набут тэ поможысарав андэ кадэя дила.
И ԥрала линэ тэ терэн баро ремонто андэ здания. Май набут, чем через епаш бэрш, посли кода, сар заляпэ о ремонто, 8 сентября андо 1985 бэрш, андо Зало важ и канӷрэсоря андэ Джерси-Сити проандярдэ и проӷрамма важ о выпуско 79 класо анда Школа Галаад. Мэ фартэ сымас лошало, кай еқэҭанэ аврэ адвокатонэнца поможысаравас андэ дила, сави терэл лэ Дэвлэско Царство. Кадэлэстар мэ сымас пэ бутэстэ май бахтало, чем кала май англал теравас бути, сар адвокато. Мэ дажэ на ӷанавас скати инке кацави дила дэла манди тэ стерав о Иегова.
ЗАЩИТИСАРАС ЛЭ МАНУШЭСКО ПРАВО ТЭ ЛИЧИЙПЭ, КАЙ ТЭ НА ПЭРЭШОН О РАТ
Андэ 1980 бэрша и врачоря на стонас патив пэ кода, кай лэ Иеговастирэ свидетеля, касти ужэ сас 18 бэрш, камэнас, тэ личинпэ, би кодэлэско, кай лэнди тэ на пэрэшон о рат. Инке май ԥарэс сас лэ ԥэянди, савэндэ трэбуй сас тэ авэл бэято. Важ кода кай и сындомаря гиндонас, кай лэндэ па законо нинай право тэ отԥэндёнпэ тэ пэрэшон о рат. И сындомаря ԥэнэнас, кай о бэято можэт тэ ашэлпэ би дако, если лати на пэрэшона о рат.
Андэ 1988 бэрш 29 декабря и ԥэй Дениз Николо хасардя фартэ бут рат посли кода, сар андя лэ шавэс. Латэ фартэ пэля о гемоӷлабино, май тэлэ, чем 50 граммов пэ ек литра. Лако врачо, саво ла личияс камэлас, кай вой тэ соӷласийпэ тэ пэрэшол о рат. И ԥэй Николо отԥэнделяпэ. Пэ авэр дес тэсара и врачоря андэ больница жылэ андо сындо, кай лэнди тэ дэн лил, кай тэ пэрэшон о рат. И врачоря гиндонас, кай би кадэлэско вонэ на обжанапэ. О сындо на дя ла ԥьяти чи латирэ хуласти тэ росԥэнэн, васо вонэ отԥэндёнпэ лэ ратэстар, и дажэ на ԥэндя лэнди, кай дя лэ врачонэнди лил, кай лати тэ пэрэшон о рат.
Андэ пятница 30 декабря ла ԥьяти Николо пэрэшутэ о рат. Вонэ на диқлэ пэ кода, кай лако хулай и лако родо, савэ сас андэ палата, ԥэнэнас, кай тэ на терэн кадя. Вэчэром, андэ кодэва жэ дес, дэкас анда лако родо и дэсавэн старейшынонэн залинэ андо бар. Лэн залинэ, важ кода кай вонэ кабута на домэкэнас лэ врачонэн тэ пашон каринг лати кровать и тэ пэрэшон о рат. Пэ авэр дес, 31 декабря, пала када вся росԥэндэ андэ ӷазеты, па радио и па телевизоро андо Нью-Йорко и Лонг-Айлендо.
Лэ Филипоса Брамли
Андо понедельнико тэсараса мэ диқлэмпэ лэ сындомареса, савэс ақарэнас Милтоно Моллено. Мэ росԥэндэм лэсти, сар вся сас па чачимастэ. Май бут мэ шутэм сама пэ кода, кай о сындо дя о лил, кай тэ пэрэшон о рат, би лэнго. И о сындо дажэ на виашундя, васо вонэ отԥэндёнпэ лэ ратэстар. О сындомари Моллено мангля ман тэ зажав лэстэ потом, кай тэ подас дума пала дила и пала законоря, савэ поджан каринг кадэва вопросо. Вэчэром мэ авелэм каринг лэстэ лэ надзирателёса, савэс ақарэнас Филипо Брамли. О сындомари кадяжэ ақардя лэ адвокатос, саво сас пала врачоря андэ кодэя больница. Котэ амэ доԥэнасас ек еқэсти. И сас маменто, кала о ԥрал Брамли пистросардя и сыкадя манди андо блокното алава: «Дэ дума май ковлэс». Акана мэ полав, кай када сас манди фартэ трэбуй, важ кода кай мэ фартэ доԥэнавас, кай о адвокато, саво защитияс лэ врачонэн, сас нэправо.
Диқэн па карточка слева направо. Катэ и адвокаторя Ричардо Моук, Грегори Олдз, Пол Полидоро, Филипо Брамли, мэ и о Марио Морено. Кадэя карточка сас стерди, кала сас о Верховно сындо андэ США тоди, кала розлэнас и дила «Общество Сторожевой башни против поселка Страттон». (Диқэн «Пробудитесь!» лэ 8 январёстар 2003 бэрш андэ 1, 2, 3 и 4 статьи.)
Прожыля варикай лак часо, и о сындомари Моллено ԥэндя, кай тэсара спэрва лэна тэ роздиқэн амари дила. Кала амэ ужасас, во ԥэндя: «Тэся лэ адвокатости, саво защитий лэ врачонэн, авэла ԥарэс». Кадэла алава сыкавэнас, кай лэ адвокатости авэла ԥарэс тэ доԥэнэн, кай и врачоря стердэ правильно. Тоди мэ полэм, кай о Иегова сыкавэл манди, кай амэ можэм тэ победисарас. Мэ сымас фартэ блаӷодарно лэ Иеговасти, важ кода кай во через амэндэ терэл кода, со загиндосардя.
Жы рятятэ амэ гиндосарасас, со ԥэнаса по сындо. И здания, кай прожанас и сындоря, сас фартэ пашэ паша бруклинско Вефилё. Важ када почти всаворэ мануша анда амаро найбаро юридическо отдело авелэ кордэ. Штар сындомаря виашундэ амэн и прижанглэ, кай нащи сас тэ дэн о лил, кай тэ пэрэшон о рат. По сындо виандярдэ ришэния, сави доԥэнэнас, кай и ԥэй Николо сас право. Ай кадяжэ по сындо ԥэндэ, кай нащи тэ подпистрон о лил, саво на дэл лэ манушэнди право, саво исин лэндэ па законо, если спэрва на виашундэ лэ манушэс, саво личийпэ.
Йто посли када, о само баро сындо андо штато Нью-Йорко, кадяжэ ԥэндя, кай ла ԥьятэ Николо исин право тэ личийпэ би ратэско. Када сас пэрво анда штар ришэнии пала рат, савэ виандярдэ само барэ сындоря анда разни штаторя. И манди випэля бах тэ авав пэр лэндэ, сар адвокато. (Диқэн и рамка «Амарэ победы андэ верховни сындоря андэ США».) Мэ кадяжэ поможысаравас аврэ адвокатонэнди анда Вефилё, кала лэндэ сас вопросоря пала опекунство, пала разводоря, пала законоря, со можно тэ терэн ла ԥувьяса и лэ зданиенца.
КАЛА МЭ ЖЭНИСАЙЛЭМ
Ла Дэнизаса, мэрня хулаяса
Еқвар мэ додиқлэм ла ԥья, савя ақарэн Дэниз. Вой розжыляпэ лэ хуласа и барярэлас тринэ бэятонэн. Вой екжэни праварэлас лэ ерес и инке служыяс пианероса. Андэ лати жызня сас ԥаримос, но вой на парашэлас тэ кандэн лэ Иеговас. И када манди фартэ чалеля. Андо 1992 бэрш по обласно канӷрэсо «Носители света», саво прожалас андо Нью-Йорко, мэ ԥэндэм лати, кай камав ласа общяца и тэ уӷанав ла май драго. Через бэршэстэ амэ жэнисайлям. О Иегова подарисардя манди хулая, савятэ сас лащи дружба лэ Иеговаса и сави радуияспэ ла жызняти. И Дэниз вся и жызня радуияс мэрно ди (Притчи 31:12).
Кала амэ жэнисайлям, лэ бэятонэнди сас 11, 13 и 16 бэрш. Мэ камавас тэ авав важ лэндэ лашэ дадэса. Важ када мэ старысававас тэ адиносарав и тэ прилав вся, со виарақавас андэ амари литература, пала родителя, савэ барярэнас най пэстирэ бэятонэн. Амэндэ сас пэско ԥаримос, но прожыля время и бэяцэ прилинэ ман, сар друӷос и любящёнэ дадэс. Вонэ ӷанэнас, кай амарэ цэрэстирэ вудара вся и время ԥэрнадэ важ лэндирэ друӷоря. И амэнди чалёлас, кала паша амэндэ стидэнаспэ и тэрнэ мануша, савэ радуинаспэ ла жызняти.
Андо 2013 бэрш амэ ла Дэнизаса пэрэлаглям андо штато Висконсин, кай тэ заботисавас пала родителя, савэ сас андэ ԥурэ бэрша. Мэ удивисайлэм, кала манди ԥэндэ, кай мэ моӷу тэ на парашав тэ служысарав андо Вефилё. Мэ поможысаравас сар адвокато лэ ԥралэнди андэ арӷанизацыя, сар временно добровольцо.
И ЖЫЗНЯ ПАРУДЁЛПЭ
Андо сентябрё андо 2018 бэрш мэ шутэм сама, кай лэм часто тэ отхасавпэ. Мэ жылэм каринг о врачо, но во нэ смоӷ тэ ԥэнэн, со манца. Потом авэр врачо ԥэндя манди тэ жав каринг о невропатолого. Андо январё андо 2019 бэрш кадэва врачо ԥэндя манди, кай мандэ, файма, ридко насвалимос, саво через и время розжалапэ па вся тила.
Через трин дес мэ катысававас пэ конькоря и ԥаглэм о право вас. Мэ вся и жызня катысавав пэ конькоря, и нисо кацаво манца на сас. Кадя мэ полэм, кай мэрни тила парашэля ман тэ кандэл. Мэ на аштяравас, кай кадэва насвалимос кадя йто розжалапэ. Манди ашэлас май ԥарэс тэ ԥирав, тэ дав дума и тэ нақавав.
Мэ кадя радо, кай смоӷ тэ поможысарав лэ ԥралэнди андэ лэ Иеговастири арӷанизацыя, кала теравас адвокатоса. Кадяжэ мэ бахтало, кай смоӷ тэ пистросарав бут статьи важ и журналоря, савэ адинон и врачоря, юристоря и сындомаря. Мэ кадяжэ ԥэнавас речи па вся и люма пала кода, кай лэ Дэвлэстирэ народостэ исин право тэ личийпэ, кай тэ на пэрэшон о рат. И всаек пала пэстэ мэ ԥэнава алавэнца, савэ запистромэ андэ Луки 17:10: «Мэ рабо, саво нисо на ашэл. Мэ стердэм кода, со трэбуй сас тэ стерав».