Ту можэш тэ авэс па чачимастэ бахтало

1. Сар тэ полас и алава «тэ ашэл май пашэ каринг о Дэл» и сар када связано кодэлэса, кай о мануш тэ авэл бахтало?

БАХ — када най просто радость андо ди, сави можэт адес тэ авэл, ай тэся тэ на авэл. О мануш можэт тэ авэл бахтало вся и жызня. О Иисусо андэ пэстири ашунгли дума ԥэндя: «Бахтало кодэва, ко старыийпэ тэ ашэл май пашэ каринг о Дэл» (Матф. 5:3). Со сыкавэн лэ Иисусостирэ алава «тэ ашэл май пашэ каринг о Дэл»? Во ӷанэнас, кай и мануша сас создани кадя, кай лэндэ тэ авэл бари жэлания тэ уӷанэн лэ Создателёс, лэ Иеговас, и тэ тэлён лэсти. О Иегова — «бахтало Дэл», и кодэла, ко лэсти служын, тожэ моӷут тэ авэн бахталэ (1 Тим. 1:11).

2, 3. а) Сар па лэ Иисусостирэ алава дицол, ко можэт тэ авэл бахтало? б) Со амэ роздиқаса андэ кадэя статья и васо када важно?

² Трэбуй амэндэ тэ авэл идеально жызня, кай тэ авас бахталэ? Па чачимастэ най! Андэ пэстири ашунгли дума о Иисусо ԥэндя удивительно гиндо: «Бахтало кодэва, касти ԥарэс по ди». Када сыкавэл, кай о мануш можэт тэ авэл бахтало, дажэ если лэсти ԥарэс через о бэзэх, саво во стердя или через дэсавэ трудности андэ жызня. Кадяжэ о Иисусо ԥэндя, кай «бахтало кодэва, кас ӷонин важ и правильно дила» и пэр кастэ ԥэнэн и найлашэ алава через лэско алав (Матф. 5:4, 10, 11). Но сар о мануш можэт тэ авэл бахтало андэ кацавэ маменторя?

³ О Иисусо сытярэлас, кай о мануш можэт тэ авэл бахтало най кодэлэстар, кай лэстэ идеально жызня, ай кай во старыийпэ тэ авэл май пашэ каринг о Дэл (Иак. 4:8). Со важ када трэбуй? Андэ кадэя статья амэ роздиқаса трин маменторя, савэ сыкавэна, сар тэ авас па чачимастэ бахталэ.

ТЕР ВСЯ, КАЙ ТИРИ ВЕРА ТЭ АВЭЛ САСТИ

4. Саво пэрво совето поможый тэ авас бахталэ? (Псалом 1:1—3).

⁴ Пэрво совето. Кай тэ авас бахталэ, трэбуй тэ терас вся, кай амари вера тэ авэл састи. Кай тэ жувэн, и мануша и жывотни трэбуй тэ хан о хамос. Но кати о мануш можэт тэ терэл вся, кай лэстири вера тэ авэл састи, и када фартэ трэбуй важ и жызня. Акэ со о Иисусо ԥэндя: «Важ и жызня лэ манушэсти трэбуй най кати о марно, но и вся, со ԥэнэн о Иегова» (Матф. 4:4). Важ када трэбуй тэ на прожал ни ек дес би кодэлэско, кай амэ тэ на адиносарас лэ Дэвлэско Алав, и Библия. Акэ саво гиндо ԥэндя о псалмопевцо: «Бахтало кодэва ко... радуийпэ лэ Иеговастирэ законости, и во лэс адиной... дес и рят». (Проадинон Псалом 1:1—3.)

5, 6. а) Со можно тэ уӷанас анда Библия? б) Сар кода, кай амэ адиносарас и Библия, можэт тэ поможый амэнди?

⁵ О Иегова амэн фартэ любий. И важ када во андэ Библия росԥэндя, сар амэ трэбуй тэ андярас бахтали жызня. Андар латэ амэ полям, со о Дэл аштярэл амэндар, сар тэ ашас лэстирэ друӷоря и со тэ терас, кай во тэ простий амарэ ӷрехоря. Кадяжэ амэ уӷанглям пала лашымос, саво авэла англэ (Иер. 29:11). Блаӷодаря кодэлэсти, кай амэ изучаем лэ Дэвлэско алав, амэ ӷанас кадэва чачимос, и через када амэндэ лошавэл оди.

⁶ Амэ ӷанас, кай андэ Библия исин фартэ бут мудри советоря пэ кажно дес. Если амэ лэн прилас, амэ ашас май бахталэ. Кала амэндэ андэ жызня исин трудности, трэбуй тэ витидас май бут время, кай тэ адиносарас и Библия и тэ гиндосарас пала кода, со адиносардям. О Иисусо ԥэндя: «Бахталэ кодэла, ко ашунэл лэ Дэвлэско алав и терэл кадя!» (Луки 11:28).

7. Со трэбуй тэ терас, кай кала адиносарас и Библия, када тэ анэн амэнди май бари польза?

⁷ Кала адинос лэ Дэвлэско алав, и Библия, на грабисав. Адиносар ла кадя, кай када тути тэ чалёл. Акэ ек примеро. Прецтавь, кай важ о мануш приӷотовили лэско любимо хамос. Ай во тай похал вся сразу! Возможно, во грабияспэ или лэско шэро сас замардо разнонэ гиндонэнца. Ай кала и тарелка ашэля шущи, во поля, кай на трэбуй сас кадя дэ ӥто тэ хал. Трэбуй сас тэ роспробует кажно котороро. Сас тутэ кацаво, кай ту кадя жэ дэ ӥто адиносас и Библия, нисо нэ успевал тэ полэс, и када тути на анэнас и радость? Кала адинос и Библия, на грабисав. Мэк када чалёл тирэ одести. Прецтавляй пэсти вся и ситуацыя: ко и сар дэл дума. И розмышляй пала кода, со уӷанглян. Кала ту лэса кадя тэ терэс, ту ашэса май бахтало.

8. Сар «о кандино и годявэрно рабо» терэл и дила, сави лэсти динэ? (Диқэн кадяжэ и сноска).

⁸ О Иисусо стодя «кандинэ и годявэрнэ рабос», кай тэ дэл амэнди вся важ и лащи дружба лэ Иеговаса, кала када трэбуй (Матф. 24:45)b. Вся, со во амэнди дэл, стердо па Свынто Писания (1 Фес. 2:13). Блаӷодаря кадэлэсти амэ полас лэ Иеговастирэ гиндоря, савэ запистромэ андэ Библия. Важ када амэ адиносарас и «Сторожэво башня», «Прошонпэ!» и статьи пэ амаро сайто jw.org. Кадяжэ амэ ӷотовимся каринг всаворэ собрании и диқас кажно шон о Бродкастинго. Вся када поможый амэнди тэ пэрэжас каринг о дуйто маменто, кай тэ ашас па чачимастэ бахталэ.

ЖУВ ПА ЛЭ ИЕГОВАСКО ЗАКОНО

9. Саво дуйто совето поможый амэнди тэ авас бахталэ?

⁹ Дуйто совето. Кай тэ авас бахталэ, трэбуй тэ жувас па лэ Иеговаско законо. О псалмопевцо ԥэндя: «Бахтало кажно, ко дарал лэ Иеговастар и ко ԥирэл лэстирэ дромэса» (Пс. 128:1). «И дар, важ кода кай стос патив по Иегова» поможый тути тэ дурёс всаворэстар, со стерэла лэ Иеговасти больно (Прит. 16:6). Важ када амэ анда вся зор старысавас тэ жувас па лэско законо, саво пистромэ андэ Библия и сыкавэл со лашо, ай со най (2 Кор. 7:1). Амэ ашас май бахталэ, если терас кода, со любий о Иегова и дурювас кодэлэстар, со во нэнавидит (Пс. 37:27; 97:10; Рим. 12:9).

10. Со аштярэл о Иегова амэндар, сар ԥэнэнпэ андэ Римлянам 12:2?

¹⁰ Проадинон Римлянам 12:2. Лэ манушэсти трэбуй най кати тэ ӷанэн, кай лэ Иеговастэ исин право тэ стол о законо, саво сыкавэл, со лашымос, ай со най. Во кадяжэ трэбуй тэ жувэл па кадэва законо. Акэ примеро. О мануш можэт тэ ӷанэн, кай и власти стон и оӷраничении по дром, скати о мануш трэбуй тэ ладэл. Но тэ приритярдёл кадэлэсти во на камэл, и важ када во вся и время превышает и скорость. Па амари дила дицол, прижанас амэ, кай лэ Иеговаско законо со май лашо, чи най (Прит. 12:28). Кадя гиндояс о Давидо. Во ԥэндя лэ Иеговасти: «Ту сыкавэс манди ла жызняко дром. Важ мандэ бари радость тэ авав паша тутэ. Тэ авав па право вас тутар, када вечно бах» (Пс. 16:11).

11, 12. а) Васо трэбуй тэ авас осторожни, кала амэнди ԥарэс или кала амэ пала варисо пэрэжываем? б) Сар и алава анда Филиппийцам 4:8 моӷут тэ поможын амэнди тэ витидас и развличении?

¹¹ Дэкала через о ԥаримос или пэрэжывании, амэндэ можэт тэ авэл жэлания варисо тэ стерас, кай и проблемы тэ на замарэн о шэро. И понятно васо. Но андэ кадэва маменто амэнди трэбуй тэ авас осторожни, кай тэ на стерас кода, со о Иегова нэнавидит (Эф. 5:10—12, 15—17).

¹² О Павло андо Письмо филиппийцам пистросардя лэ христианонэнди, кай вонэ вся и время тэ розмышляют пала кода, «со праведно, со вужо, со дэл зор, кай тэ любин... [и] пала вся со лашо». (Проадинон Филиппийцам 4:8.) Хоть о Павло и на пистросардя пала развличении, лэстирэ алава моӷут тэ поможын амэнди тэ витидас лэн годяса. Проадиносар кадэва стихо па аврятэ, например кадя: «На парашэн тэ розмышляете пала диля, савэ вужэ; пала киноря и книӷи, андэ савэ нинай билажавардимос и пала видеоигры, савэ лашэ». Када поможыя тэ полас, чалён лэ Иеговасти и развличении, савэ амэ камас тэ витидас, или най. Амэ камас тэ жувас па лэско законо (Пс. 119:1—3). Тоди амэндэ авэла вужи совесть, и амэ сможэм тэ прилас андэ пэстири жызня о трито совето, саво сыкавэл, сар тэ авас па чачимастэ бахталэ (Деян. 23:1).

МЭК О ИЕГОВА АВЭЛА АНДЭ ТИРИ ЖЫЗНЯ ПО ПЭРВО ҬАН

13. Саво трито совето поможый тэ авас бахталэ (Иоанна 4:23, 24).

¹³ Трито совето. Тер вся, кай о Иегова тэ авэл андэ тири жызня по пэрво ҭан. О Иегова — амаро Создателё, и важ када во достойно, кай амэ тэ тэлювас кати лэсти (Отк. 4:11; 14:6, 7). Вижал, и служэния лэсти трэбуй тэ авэл ӷлавно андэ амари жызня. Во аштярэл, кай лэстирэ служытеля лэна тэ тэлён «андо свынто духо и чачимос». (Проадинон Иоанна 4:23, 24.) Кала амэ тэлювас лэ Дэвлэсти, важно тэ домэкас, кай о свынто духо тэ андярэл амэн. Тоди амари служэния лэсти авэла кацави, сар ԥэнэнпэ андэ Библия. И поклонения лэ Иеговасти трэбуй тэ авэл само ӷлавно андэ амари жызня, дажэ если амэ жувас андэ страна, кай исин оӷраничении или стодо запрето. Адес май бут чем 100 амарэ ԥрала и ԥэя бэшэн андо баруно, важ кода кай вонэ лэ Иеговастирэ свидетеляc. Но вонэ всаек на хасарэн и радость и терэн вся, со па лэнго зор. Например, вонэ на парашэн тэ мангэнпэ, тэ изучают и Библия и тэ росԥэнэн аврэнди пала Дэл и пала лэско Царство. Нисавэ найлашэ алава и преследовании на залэна амари бах, важ кода кай амэ ӷанас, кай о Иегова амэнца, и во обязательно амэн блаӷословия (Иак. 1:12; 1 Пет. 4:14).

ПРИМЕРО АНДА ЖЫЗНЯ

14. Со тердяпэ еқэ тэрнэ ԥралэса анда Таджикистано и васо?

¹⁴ Дэсавэ ԥрала и ԥэя сас па чачимастэ бахталэ, хоть лэндэ сас бут трудности. Васо? Вонэ прилэнас андэ жызня и трин советоря, пала савэ амэ подям дума. Акэ саво случаё сас кай о ԥрал Джовидон Бободжонов, савэсти 19 лет. Во анда Таджикистано. Во отԥэнделя тэ служый андэ армия. Важ када 4 октября андо 2019 бэрш лэс нахально залинэ цэрал и дэсавэ шона на одмэкэнас. Котэ лэса обжанаспэ сар приступникоса. Пала кадэя нэсправедливость уӷанглэ и андэ авэр страны. Андэ новости росԥэнэнаспэ, кай лэс марэнас, кай тэ заставин тэ прилэл и присяга и тэ лэл пэр пэстэ и воено форма. Тоди лэсти виандярдэ о приӷоворо и одбишалдэ андо баруно. Сар прожыля время, о президенто андэ страна зля и обвинении па Джовидоно, и лэс одмэклэ. Андэ вся кадэя испытания о Джовидоно на парашэлас тэ ашэлпэ предано лэ Дэвлэсти и тэ авэл бахтало. Сар лэстэ када вижалас? Во всегда сэрэлас, кай трэбуй тэ терэл вся, кай тэ авэл май пашэ каринг о Дэл.

15. Сар о Джовидоно андо баруно терэлас вся, кай лэстири вера тэ авэл састи?

¹⁵ Андо баруно о Джовидоно терэлас вся, кай лэстири вера тэ авэл састи, дажэ кала лэстэ на сас Библия и амари литература. Сар кацаво возможно? И катутнэ ԥрала и ԥэя анэнас лэсти о хамос, ай пэ пакеторя пистронас о стихо по дес. Важ када лэстэ кажно дес сас возможность тэ адиной и Библия и тэ розмышляет пала латэ. Акэ саво совето во дя посли кода, сар лэс одмэклэ: «Кодэлэнди, кастэ инке на сас ԥарэ испытании, фартэ важно мудро тэ используют пэстири свобода и тэ терэн вся, кай и дружба лэ Иеговаса тэ авэл май састи. Важ када трэбуй тэ адинон и Библия и амари литература».

16. Пала со старыияспэ тэ гиндой о Джовидоно?

¹⁶ О Джовидоно жувэлас па лэ Иеговаско законо. Во на подэласпэ кодэлэсти, со камэл и ӷрешно тила и андярэлас пэс достойно. Амаро ԥрал вся и время гиндояс пала Иегова и пала кода, со во цэний. Лэсти фартэ чалёлас тэ диқэл пэ кода, со создал о Дэл. О Джовидоно вспоминает: «Утром мэ прошаваспэ кодэлэстар, кай дилабэн и птицы, ай и рят мэ диқавас пэ луна и звёзды. Лэ Иеговастири тварения поможысардя манди тэ ашавпэ радосно и придэлас манди зор». Если амэ блаӷодарни лэ Иеговасти пала всаворэ лэстирэ подаркоря и пала кода, со дэл о кандино и годявэрно рабо, андэ амаро ди авэла бари радость, и кадэя радость поможыя амэнди вся тэ пэрэандярас.

17. Сар и алава анда 1 Петра 1:6, 7 поможына кодэлэсти, кастэ кацави жэ ситуацыя, сар кай о Джовидоно?

¹⁷ Важ о Джовидоно сас со май ӷлавно андэ жызня — тэ тэлёл лэ Иеговасти. Во ӷанэнас пэскати дэ важно тэ ашэлпэ предано лэ чачунэ Дэвлэсти. О Иисусо ԥэндя: «Тэлю тирэ Дэвлэсти лэ Иеговасти и служысар кати лэсти» (Луки 4:8). И рая и халавдэ камэнас, кай о Джовидоно тэ отԥэндёл пэстиря вератар. Ай во кажно дес и кажно рят мангэлас лэ Иеговас тэ поможый лэсти тэ ашэлпэ верно. О Джовидоно вся виритярдя, хоть лэса и жэстоко обжанаспэ. Акана во бахтало, важ кода кай лэстири вера ашэля май састи через о аресто и баруно. (Проадинон 1 Петра 1:6, 7.)

18. Сар тэ ашаспэ бахталэ?

¹⁸ О Иегова ӷанэн, со амэнди трэбуй важ и чачуни бах. И трин советоря, пала савэ амэ подям дума андэ кадэя статья, поможына амэнди тэ авас бахталэ и тэ на хасарас кадэя бах, кала амэндэ ԥаримос. И тоди амэ сможэм тэ пэнас: «Бахтало о народо, каско Дэл о Иегова!» (Пс. 144:15).