Сар о Иегова лэла тэ сындой лэ манушэн, кала авэла бари бида?

1. Васо можно тэ ԥэнас, кай амэ жувас андэ особено время?

АМЭ ЖУВАС андэ особено время! Кажно дес пэ амарэ яқа исполнинпэ и библейски пророчества. Например, амэ диқас, сар о северно и о южно царё боринпэ пала кода, кай тэ хулаин всаворя люмаса (Дан. 11:40). Кадяжэ амэ шас сама, кай и лащи новость пала лэ Дэвлэско Царство росԥэнэнпэ па вся и люма кадя, сар никала, и каринг латэ приашундёнпэ милионоря мануша (Ис. 60:22; Матф. 24:14). Инке амэ вовремя получисарас о дэвликуно хамос (Матф. 24:45—47).

2. Хоть амэ на ӷанас вся, со авэла англэ, андэр со амэ можэм тэ патяс?

² О Иегова полокорэс поможый амэнди тэ полас, со амэн аштярэл англэ (Прит. 4:18; Дан. 2:28). Трэбуй тэ прижанас, кай варисо амэ пока на ӷанас. Но амэ можэм тэ патяс, кай кала залэлапэ и бари бида, амэ ласа тэ ӷанас вся, со трэбуй, кай тэ кандас лэ Дэвлэс и тэ ладисарас ек еқэса андэ найвушэро время. Андэ кадэя статья спэрва подаса дума, васо амэ пэрэдиқлям кода, со ԥэнасас май данглал пала бари бида. Ай посли роздиқаса, со амэ ӷанас пала кода, со авэла англэ и со лэла тэ терэл амаро небесно Дад.

СО АМЭ НА ӶАНАС

3. Раньшэ амэ гиндосарасас, кай авэла время, кала ужэ нико нэ сможэт тэ авэл андэ лэ Иеговаско народо. Со амэ ԥэнасас пала када и васо?

³ Со амэ май данглал гиндосарасас пала время, кала залэлапэ и бари бида? Амэ ԥэнасас, кай тоди нико анда мануша, савэ на ашэлэ лэ Иеговастирэ свидетеля, нэ смоӷут тэ авэн андэ лэ Иеговаско народо и тэ пэрэжувэн о Армагедоно. Васо амэндэ сас кацаво гиндо? Амэ поласас, кай вся со сас андо потопо андэ лэ Ноёстирэ деса, сыкавэл пэ кода, со авэла англэ. Амэ гиндосарасас кадя: англа кода, сар тэ залэлпэ о потопо, о Иегова ԥандадя и двэри андо ковчеӷо. Точно кадяжэ, кала залэлапэ и бари бида, во, ԥэнаса, ԥандавэла и двэри, и тоди будэр никастэ на авэла возможность тэ спасынпэ (Матф. 24:37—39).

4. Гиндосарас амэ, кай вся, со сас андо потопо, сыкавэл пэ кода, со трэбуй тэ авэл англэ? Росԥэнэн.

⁴ Трэбуй амэнди тэ гиндосарас, кай англэ авэла вся кадя жэ, сар сас андо потопо? Най. Васо? Важ кода кай андэ Библия пала када на ԥэнэнпэa. О Исусо чаче сыстосардя лэ Ноёстирэ деса ла времяса, кала во рияпэ. Но во на ԥэндя, кай вся, со терэласпэ англа потопо, лэла кадя жэ тэ терэлпэ и англэ. Кадяжэ во на ԥэнэнас, кай кала о Иегова ԥандадя и двэри андо ковчеӷо, во камэлас кадэлэса тэ сыкавэл, со авэла англэ. И всаек кода, со сас андэ лэ Ноёстирэ деса, можэт варисости амэн тэ сытярэл.

5. а) Сар о Ноё сыкадя пэстири вера англа потопо? (Евреёря 11:7; 1 Пётро 3:20). б) Соса амари дила шолпэ пэ лэ Ноёстири?

⁵ О Ноё приля лэ Иеговастирэ алава, сыкадя пэстири вера и строисардя о ковчеӷо. (Проадинон Евреёря 11:7; 1 Пётро 3:20.) Кадяжэ и адес и мануша, савэ ашунэн и лащи новость пала Царство, трэбуй тэ терэн кадя, сар ашундэ (Дила 3:17—20). О Пётро ԥэндя, кай о Ноё «росԥэнэнас пала... [лэ Дэвлэско] законо» (2 Пёт. 2:5). Сар ужэ уӷанглям андэ статья, сави сас май данглал, амэ на ӷанас, росԥэнэнас о Ноё пала потопо кажнонэ манушэсти, саво жувэл пэ ԥув, чи най. Адес и лащи новость пала Царство ашундёл па вся и люма. И всаек, скати бы зор амэ тэ на пристас, амэндэ на вижала тэ подас дума кажнонэ манушэса жы каринг кода, сар тэ пашол и время кадэла люмати. Васо?

6, 7. Васо можно тэ ԥэнас, кай амэндэ на вижала тэ росԥэнас и лащи новость кажнонэ манушэсти пэ ԥув англа кода, сар тэ пашол и время кадэла люмати?

⁶ Роздиқаса лэ Исусостирэ алава. Во ԥэндя: «Па вся и ԥув росԥэнэна и лащи новость пала Царство, кай ла тэ ашунэн всаворэ народоря» (Матф. 24:14). Кадэла алава исполнинпэ андэ амари время. Новость пала Царство ашундёл май бут чем пэ 1000 шыба, и через амаро сайто jw.org ла моӷут тэ уӷанэн фартэ бут мануша. Кацаво инке никала на сас.

⁷ Но о Исусо кадяжэ ԥэндя пэстирэ учениконэнди, кай англа кода, сар во тэ авэл, вонэ «инке на обжана всаворэ фороря». Аврэ алавэнца, вонэ нэ успеют тэ подэн дума кажнонэ манушэса (Матф. 10:23; 25:31—33). О Исусо ԥэндя чачимос, и кадэла алава исполнинпэ андэ амари время. Милионоря мануша жувэн котэ, кай запретисардэ тэ росԥэнэн о чачимос пала Дэл. Ай инке андэ кажно минута арақадён фартэ бут бэяцэ. Амэ терас вся, кай тэ росԥэнас и лащи новость лэ манушэнди «анда всаворэ нацыи, породы и народоря» (Тайна 14:6). Но ԥэнаса сар исин: амэндэ на вижала тэ росԥэнас и лащи новость кажнонэ манушэсти пэ ԥув жы каринг кода, сар тэ пашол и время кадэла люмати.

8. Савэ вопросоря амэндэ моӷут тэ авэн пала кода, сар о Иегова лэла тэ сындой лэ манушэн англэ? (Диқэн кадяжэ и картинка.)

⁸ Через када появинпэ вопросоря: «Со авэла кодэлэнца, кастэ на сас возможность тэ ашунэн и лащи новость жы каринг кода, сар тэ залэлпэ и бари бида? Со кадэлэ манушэнца стерэна о Иегова и лэско Шаво, савэсти во дя право тэ андярэл о сындо?» (Иоан. 5:19, 22, 27; Дила 17:31). Андо ӷлавно стихо андэ кадэя статья ԥэнэнпэ, кай о Иегова «на камэл, кай варико тэ хасарэл и жызня». О Дэл «камэл, кай всаворэ тэ каинпэ» (2 Пёт. 3:9; 1 Тим. 2:4). И всаек амэ пока на ӷанас вся пала кода, сар во лэла тэ сындой лэ манушэн, савэндэ на сас возможность тэ ашунэн и лащи новость. О Иегова амэнди пала када инке на росԥэндя. Канешно, во и нэ обязано тэ росԥэнэн амэнди пала вся, со лэла тэ терэл.

9. Со о Иегова дя амэнди тэ полас через и Библия?

⁹ Но дэсо анда кода, со о Иегова камэл тэ стерэл, амэ ӷанас. Например, через и Библия во дя амэнди тэ полас, кай рия каринг и жызня лэ манушэн, савэ терэнас нэправильно, важ кода кай лэндэ на сас возможность тэ прилэн и лащи новость и тэ парудён (Дила 24:15; Лука 23:42, 43). Но кала амэ гиндосарас пала када, амэндэ моӷут тэ появинпэ авэр важни вопросоря.

10. Савэ инке моӷут тэ авэн вопросоря?

¹⁰ Лэла о Иегова тэ рий каринг и жызня кодэлэн, кас на ашэля андэ бари бида, или лэндэ будэр на авэла надия пэ када? Андэ Библия ԥэнэнпэ, кай о Иегова на рия каринг и жызня пэстирэ вороӷонэн, савэн во и небесни халавдэ умарэна андо Армагедоно (2 Фес. 1:6—10). Ай со можно тэ ԥэнэс пала кодэла, ко андэ бари бида мэрэла через о насвалимос, ԥурэ бэрша и варисави бида, или пала кодэла, кас умарэна и мануша? (Эккл. 9:11; Зах. 14:13). Авэла варико андар лэндэ машкар кодэла, «ко терэлас нэправильно» и кас о Дэл рия каринг и жызня андо раё пэ ԥув? Ответоря пэ кадэла вопросоря амэ на ӷанас.

СО АМЭ ӶАНАС

11. Пэр со о Исусо лэла тэ шол сама, кала лэла тэ сындой лэ манушэн и тэ розделий лэн пэ бакрэ и бузнэ?

¹¹ Но дэсо амэ ӷанас. О Исусо лэла тэ сындой лэ манушэн и роздилия лэн пэ бакрэ и бузнэ. Кала во лэла када тэ терэл, во шола сама, сар и мануша обжанаспэ лэстирэ ԥралэнца (Матф. 25:40). Кодэла, ко подритярэнас лэс и лэстирэ ԥралэн, пэр лэндэ во ԥэнэна бакрорэ. Кадяжэ амэ ӷанас, кай посли кода, сар залэлапэ и бари бида, дэсавэ лэ Христостирэ ԥрала инке варисави время лэна тэ жувэн пэ ԥув и жана по нэбо кати англа кода, сар тэ залэлпэ о Армагедоно. Пока лэ Христостирэ ԥрала авэна пэ ԥув, лэ манушэндэ, савэндэ лашо ди, наверно, авэла возможность тэ подритярэн лэн андэ дила, сави вонэ терэн (Матф. 25:31, 32; Тайна 12:17).

12, 13. Сар, возможно, дэсавэ мануша андярэна пэс, кала диқэна, кай «о Ашунгло Вавилоно» розмардо? (Диқэн кадяжэ и картинки.)

¹² Сар амэ ӷанас, и бари бида залэлапэ кодэлэстар, кай розмарэна «о Ашунгло Вавилоно». Тоди дэсавэ мануша, возможно, вспомнят, кай лэ Иеговастирэ свидетеля ужэ дэлмут ԥэнэнас, кай када авэла. Побудия када дэсавэ манушэн тэ залэн лэ Иеговастири риг? (Тайна 17:5; Иез. 33:33).

¹³ Погиндосараса пала кода, со сас андэ лэ Маисеёстирэ деса. Кала и израильтяноря вижанас анда Египто, лэнца жылэ бут «мануша анда разни народоря» (Исх. 12:38). Возможно, варико андар лэндэ патяя андо Иегова тоди, кала диқля, сар исполнинпэ лэ Маисеёстирэ алава пала дэш биды. Кала авэла розмардо о Ашунгло Вавилоно, дэсавэ мануша, возможно, закамэна тэ пашон каринг о Иегова тоди, кала ашэлапэ набут время жы каринг о Армагедоно. Если вонэ кадя стерэна, хэба амэнди када на чалёла? Наоборот, амэ аваса кати ради! Амэ камас тэ авас кацавэ жэ, сар амаро небесно Дад. Во Дэл, саво «полэл и жалуий анда вся оди, на грабий тэ холявэл, никала на ашавэл и лэстири преданно любовь фартэ бари» (Исх. 34:6)b.

14, 15. Зависит лэ манушэстири вечно жызня кодэлэстар, кала во муля или кай во жувэл? Росԥэнэн (Псалом 33:4, 5).

¹⁴ Дэко можэт тэ гиндой кадя: «Важ манушэстэ, саво на служый лэ Иеговасти, авэла фэдэр, если лэс на ашэла жы каринг и бари бида. Тоди лэстэ точно авэла надия, кай о Дэл рия лэс каринг и жызня». Кала и мануша ԥэнэн кадя, вонэ камэн лашымос важ кацаво мануш. Но хэба лэ манушэстири вечно жызня зависит кодэлэстар, кала во муля? О Иегова — идиально сындомари, и во сындой справедливо и правильно. (Проадинон Псалом 33:4, 5.) Амэ можэм тэ патяс, кай «о Сындомари всаворя ԥувьяко» андярэл пэс справедливо (Быт. 18:25).

¹⁵ Кадяжэ амэ можэм тэ ԥэнас, кай лэ манушэстири вечно жызня нэ зависит кодэлэстар, кай во жувэл. Адес милионоря мануша жувэн андэ страны, кай лэндэ нинай возможность тэ ашунэн и лащи новость пала Царство. Просто нэвозможно тэ авэл кадя, кай о Иегова тэ ԥэнэн пэ всаворэ кадэла мануша, кай вонэ «бузнэ»! (Матф. 25:46). О справедливо Сындомари всаворя ԥувьяко пэрэжывает пала кадэла мануша пэ бутэстэ май фартэ, чем амэ пала лэндэ. Амэ на ӷанас, сар о Иегова лэла тэ влияет пэ кода, со терэлапэ андэ люма, кала залэлапэ и бари бида. Кала о Иегова сыкавэла всаворэ́ народонэнди, кай во свынто, возможно, дэсавэ анда кадэла мануша патяна андэр лэстэ и залэна лэстири риг (Иез. 38:16).

16. Со амэ ӷанас пала Иегова? (Диқэн кадяжэ и картинка.)

¹⁶ Анда Библия амэ уӷанглям, пэскати дэ куч важ о Иегова лэ манушэстири жызня. Во отдя пэстирэ Шавэс, кай амэ моӷли тэ жувас вечно (Иоан. 3:16). Амэ вса́ворэ лэ одеса полас, кай во глаба пала амэндэ (Ис. 49:15). О Дэл ӷанэн кажнонэс андар мэндэ па алавэстэ. Во ӷанэн лэ манушэн кадя драго, кай если варикас на ашэла, во можэт тэ рий лэсти и жызня. Во сэрэл вся, со сас амэндэ андэ жызня, кажно маменто, и идиально ӷанэн амаро характеро (Матф. 10:29—31). Амэ можэм всаворэ́ одеса тэ патяс, кай о Иегова сар сындомари прилэла идиально ришэния пала кажно мануш. Важ кода кай амаро небесно Дад годявэрно, всегда андярэл пэс правильно и жалуий (Иак. 2:13).

17. Со амэ уӷанаса анда авэр статья?

¹⁷ Сар кода, кай амэ лям тэ полас май драго кадэла гиндоря, влияет пэ амари служэния? Амэ полас, кай тэ росԥэнас пала Дэл ашэл инке май важно. Васо можно кадя тэ ԥэнас? И со побудий инке май бут тэ пристас о зор тэ росԥэнас важ о Дэл? Ответоря пэ кадэла вопросоря амэ май драго уӷанаса анда авэр статья.