СТАТЬЯ ВАЖ И ИЗУЧЕНИЯ 26
ДИЛИ 123 Терас кадя, сар ԥэнэн о Дэл
Васо драго варисо тэ на ӷанас?
«Фартэ баро лэско зор» (ИОВ 37:23).
АМЭ УӶАНАСА
Амэ на ӷанас, со авэла англэ. Через када можэт тэ авэл ԥарэс, но если амэ ласа май бут тэ гиндосарас пала кода, со амэ ӷанас, и тэ патяс лэ Иеговасти, амэнди авэла май вушэро.
1. Сар о Иегова амэн создал и васо?
О ИЕГОВА амэн создал кадя, кай амэ тэ гиндосарас, тэ уӷанас варисо нэво и тэ прилас годявэрнэ решэнии. Во камэл, кай амэ тэ уӷанас пала лэстэ и тэ служысарас лэсти годяса (Прит. 2:1—5; Римо 12:1).
2. а) Со амэ не можэм тэ ӷанас? (Иов 37:23, 24). (Кадяжэ диқэн и картинка.) б) Васо драго тэ прижанас, кай амэ най вся ӷанас?
2 Хоть амэ можэм варисости тэ сытювас, но тэ ӷанас вся амэ не можэм. (Проадинон Иов 37:23, 24.) Погиндон пала Иово. О Иегова задя лэсти бут вопросоря, и во поля, кай инке бут со на ӷанэн. И дума лэ Дэвлэса поможысардя лэ Иовости май набут тэ гиндой пала пэстэ и тэ парувэл пэско гиндо (Иов 42:3—6). Если и амэ прижанас, кай най вся ӷанас, када анэна амэнди кати о лашымос. Када поможыя амэнди май фартэ тэ патяс лэ Иеговасти, кала амэнди прижалапэ тэ прилас варисави решэния. Амэ патяс: о Дэл дэла амэнди вся, со чаче трэбуй тэ ӷанас (Прит. 2:6).
О Иово прижанэнас, кай най вся ӷанэн. Амэ можэм тэ лас лэстар примеро. (Диқэн абзацо 2.)
3. Пала со амэ даса дума андэ кадэя статья?
3 Андэ кадэя статья амэ подаса дума пала кода, со амэ на ӷанас и савэ амэндэ трудности моӷут через када тэ авэн. Кадяжэ амэ диқаса, васо драго варисо тэ на ӷанас. Вся када поможыя амэнди инке май фартэ тэ патяс, кай о Иегова дэла амэнди тэ ӷанас кода, со трэбуй, важ кода кай во ӷанэн вся (Иов 37:16).
АМЭ НА ӶАНАС, КАЛА АВЭЛА КОНЕЦ КАДЭЛА ЛЮМАТИ
4. Со амэ на ӷанас, сар ԥэнэнпэ андо Марко 13:32?
4 Проадинон Марко 13:32. Амэ на ӷанас, кала авэла конец кадэла люмати. Дажэ о Иисусо, кала жувэлас пэ ԥув, на ӷанэнас ни о дес, ни о часоa. Потом во ԥэндя лэ апосталонэнди, кай кати лэ Иеговастэ исин право тэ стол время и сроко кодэлэсти, со трэбуй тэ авэл (Дила 1:6, 7, сноска). О Иегова ужэ стодя и время, кала лэ Сатанастири люма авэла уничтожэно. Но амэ не сможэм тэ виадиносарас, кала имено када авэла.
5. Савэ трудности моӷут тэ авэн, кай на ӷанас, скати инке тэ аштярас?
5 Вижал, амэ на ӷанас, скати инке трэбуй тэ аштярас. Дэко аштярэл лэ Иеговаско дес ужэ дэлмут, и через када можэт тэ хасарэл и терпения или тэ умэкэл и вас. Ай варикасти ԥарэс, кай лэндар подасалпэ лэнго ери или авэр мануша (2 Пёт. 3:3, 4). И амэ можэм тэ гиндосарас: «Акэ тэ ӷанав мэ о точно дес и о часо, тоди манди авелоп пэ бутэстэ май вушэро».
6. Васо драго, кай амэ на ӷанас, кала авэла лэ Иеговаско дес?
6 Па чачимастэ, дажэ драго, кай о Иегова на ԥэндя, кала авэла лэско дес. Кадя амэ можэм тэ сыкавас амарэ Дадэсти, кай любисарас лэс и патяс лэсти. Амэ камас тэ служысарас лэ Иеговасти вся и вечность, ай най кати андэ кадэя люма. Кай амари вера на вижал о сроко. Давайте на ласа фартэ бут тэ гиндосарас, кала авэла лэ Иеговаско дес. Фэдэр май бут сама шам пэ кода, скати лашымос анэна кодэва дес. Када поможыя тэ састярас и дружба амарэ Дэвлэса и тэ терас вся, со па амаро зор, кай тэ радосарас лэс (2 Пёт. 3:11, 12).
7. Со амэ ӷанас?
7 Давайте тэ гиндосарас пала кода, со амэ точно ӷанас. Па библейски пророчества андо 1914 бэрш залинэпэ и послидни деса. Андэ Библия подробно росԥэнэнпэ, со лэла тэ терэлпэ андэ люма кодэла времятар. Важ када амэ точно ӷанас: лэ Иеговаско дес пашэ (Соф. 1:14). Кадяжэ амэ ӷанас, кай о Иегова дя амэнди важно дила — тэ росԥэнас со май бутэ манушэнди «и лащи новость пала Царство» (Матф. 24:14). Кадэя новость росԥэнэн варикай андэ 240 страны май бут чем пэ 1000 шыба. Амэнди не обязательно тэ ӷанас о дес и о часо, кай анда вся оди тэ терас кадэя важно дила.
АМЭ НА ӶАНАС САР ИМЕНО О ИЕГОВА ЛЭЛА ТЭ ДЭЛ АМЭНДИ ЗОР
8. Со сыкавэн и алава «и дила лэ чачунэ Дэвлэстири» андэ Экклезиаст 11:5?
8 Амэ най всегда ӷанас «и дила лэ чачунэ Дэвлэстири». (Проадинон Экклезиаст 11:5.) Пала сави дила жал и дума? Дэсо о Иегова можэт тэ стерэл екжэно, ай варисо тэ домэкэл. Амэ на ӷанас, васо о Иегова варисо домэкэл. Кадяжэ амэ на ӷанас, сар имено во амэнди лэла тэ поможый (Пс. 37:5). Амэ не можэм до конца тэ ӷанас лэ Дэвлэстири дила кадя жэ, сар на ӷанас, сар барёл о бэято, кала инке на арақаделя. Дажэ и учони идоси полностью на полэн, сар када терэлпэ.
9. Савэ трудности амэндэ моӷут тэ авэн через кода, кай на ӷанас, сар о Иегова лэла тэ поможый?
9 Через кода, кай амэ най всегда ӷанас, сар о Иегова лэла амэнди тэ поможый, амэ можэм тэ дарас тэ ласпэ пала варисави дила. Амэнди можэт тэ авэл ԥарэс варисостар тэ отԥэндювас, например, тэ жувас май просто или тэ пэрэладас интя, кай трэбуй май бут вазвещятеля. Ай инке амэ можэм тэ на допатяс, кай о Иегова довольно амэнца. Кацаво можэт тэ авэл, кала амэндэ на вижал тэ домардювас пэстирэ цэли. Или кала амэ бут служысарас, ай здэлпэ, кай нико на ашунэн. Или амэндэ моӷут тэ авэн трудности андэ дила, сави дя амэнди тэ терас амари арӷанизацыя.
10. Сости амэ можэм тэ сытювас через кода, кай на ӷанас, сар имено о Иегова лэла амэнди тэ поможый?
10 Через кода, кай амэ на ӷанас, сар имено о Иегова лэла амэнди тэ поможый, амэ старысавас тэ на гиндосарас пала пэстэ фартэ бут и тэ авас май скромни. Амэ не сможэм полностью тэ полас лэ Иеговастирэ гиндоря и лэстири дила (Ис. 55:8, 9). Кадяжэ амэ сытювас инке май фартэ тэ патяс лэ Иеговасти важ кода, кай во можэт тэ поможый амэнди андэ любо дила. Кала амэндэ вижал драго тэ стерас и дила андэ служэния, амэ пала када хвалисарас амарэ небеснонэ Дадэс (Пс. 127:1; 1 Кр. 3:7). Но дажэ если вся жал най кадя, сар трэбуй, амэ трэбуй тэ сэрас, кай о Иегова пала вся диқэл (Ис. 26:12). Кала амэ терас амари дила, амэ можэм тэ авас уверени, кай о Иегова точно стерэла пэстири дила. Канешно, амэ на ласа тэ гиндосарас, кай о Дэл стерэла важ амэндэ чудеса, сар во када терэлас андэ библейско время. Но амэ патяс, кай во амэнди и дальшэ лэла тэ поможый (Дила 16:6—10).
11. Со амэ ӷанас пала Иегова?
11 Амэ ӷанас, кай о Иегова любящё, справедливо и мудро. Амэ ӷанас, кай во фартэ цэний вся, со амэ терас важ лэстэ и важ амарэ ԥрала и ԥэя. И амэ ӷанас, кай о Иегова всегда блаӷословий кодэлэн, ко лэс кандэл (Евр. 11:6).
АМЭ НА ӶАНАС, СО АВЭЛА ТЭСЯ
12. Со амэ на ӷанас, сар ԥэнэнпэ андо Иаково 4:13, 14?
12 Проадинон Иаково 4:13, 14. Чаче, амэ на ӷанас, со амэнца авэла тэся. Андэ кадэя люма бывает важ всаворэ «время и случаё» (Эккл. 9:11). Важ када амэ на ӷанас, стераса амэ кода, со загиндосардям, чи най, и вобще аваса жундэ, кай тэ дотерас и дила.
13. Со амэндэ можэт тэ авэл по ди, кала на ӷанас, со авэла англэ?
13 Кала на ӷанэс, со авэла англэ, через када можэт тэ авэл ԥарэс. Васо? Кала амэ пала када загрыжосавас, амэ можэм тэ хасарас и радость. Если андэ амари жызня неожидано терэлпэ варисави бида, када можэт тэ хал зорэстар. Ай кала на ашэл кадя, сар амэ камлям, амэндэ моӷут тэ умэкэнпэ и вас (Прит. 13:12).
14. Состар зависит амари бах? (Кадяжэ диқэн и картинки).
14 Кала амэ виритярас варисаво ԥаримос, кадя амэ сыкавас, кай служысарас амарэ небеснонэ Дадэсти важ кода, кай любисарас лэс, ай най важ кода, кай камас пэсти варисави выӷода. Андэ Библия ԥэнэнпэ, кай о Иегова на фэрий амэн всаворэ ԥаримастар и на роспистрой амари жызня. Во ӷанэн, кай амари жызня не зависит кодэлэстар, ӷанас амэ, со авэла англэ, чи най. Амэ бахталэ, кала мангас совето лэ Иеговастар и кандас лэс (Иер. 10:23). Кала амэ прилас решэния и мангас помощь лэ Иеговастар, амэ кабута ԥэнас: «Если лэ Иеговасти авэла уӷодно, амэ аваса жундэ и стераса кода или када» (Иак. 4:15).
Если амэ мангас совето лэ Иеговастар и кандас лэс, тоди амэндэ авэла бари защита. (Диқэн абзацоря 14, 15.)b
15. Со авэла англэ?
15 Хоть амэ на ӷанас, со авэла тэся, но амэ ӷанас, кай о Иегова дя алав тэ дэл амэнди и вечно жызня. Варико жувэла по небо, ай варико пэ ԥув. Амэ ӷанас, кай о Дэл не можэт тэ хохавэл и нисо не помешает лэсти тэ зритярэл всаворэ пэстирэ обещянии (Титу 1:2). Кати во росԥэнэн, «со авэла англэ, и жы анда дэлмутни время пала кода, со [во стерэла]». Вся, со трэбуй сас тэ терэлпэ андэ библейско время, стердяпэ. Кадяжэ авэла кода, со ԥэндя о Дэл (Ис. 46:10). Амэ точно ӷанас: нисо на заставия лэ Иеговас тэ парашэл тэ любий амэн (Римо 8:35—39). Во лэла тэ дэл амэнди спокойство по ди, мудрость и зор, кай амэ тэ виритярас любо ԥаримос. О Иегова всегда лэла тэ поможый амэнди и тэ блаӷословий амэн (Иер. 17:7, 8).
АМЭ ПОЛНОСТЬЮ НА ПОЛАСА, ПЭ СКАТИ ДЭ ДРАГО АМЭН ӶАНЭН О ИЕГОВА
16. Со о Иегова ӷанэн пала кажно мануш и со тумэндэ кадэлэстар по ди?
16 Проадинон Псалом 139:1—6. Амаро Создателё ӷанэн пала амэндэ вся. Во само сначала диқэлас, сар амэ барювасас, сар амэ парудювасас и со амэ пэрэжудям. Во на парашэл и щяс пала амэндэ тэ диқэл. Во ӷанэн, со амэ дас дума и васо, со амэ терас и состэ. О Давидо пистросардя, кай о Иегова заботийпэ пала амэндэ, шол сама амэн и всегда паша амэндэ, кай тэ поможый. Кати погиндон: амаро Всевышнё Дэл, ко создал о небо и ԥув, шол бари сама пэр тумэндэ! Со тумэндэ по ди кадэлэстар? Наверно, тумэ, сар и о Давидо, ԥэнэна: «Мэ удивисавав кодэлэсти, сар дэ драго ту ман ӷанэс. Мэрни годи не можэт када тэ полэл» (Пс. 139:6).
17. Васо амэнди можэт тэ авэл найвушэро тэ патяс, кай о Иегова амэн любий и драго полэл?
17 Через кода, сар и кай амэ барелям и андэ сави вера самас, амэнди можэт тэ авэл найвушэро тэ полас лэ Иеговас сар Дадэс, саво амэн любий и шол сама. Или амэ можэм тэ гиндосарас, кай амарэ ошыбки сас кацавэ вэрыти, кай о Иегова на закамэла тэ дружый амэнца. Дэкала дажэ о Давидо кадя гиндояс (Пс. 38:18, 21). Ай дэсавэнди фартэ ԥарэс тэ парудён, кай тэ радуин лэ Дэвлэс. И кацаво мануш можэт тэ пушэл: «Если о Дэл чаче ман полэл, тоди васо мэ трэбуй тэ парудював, если мэ кацаво, саво исин?»
18. Васо трэбуй тэ патяс, кай о Иегова амэн ӷанэн май драго, чем амэ пэс?
18 Трэбуй тэ патяс, кай о Иегова май драго амэн ӷанэн, чем амэ пэс. Во диқэл, со лашо исин андэ амаро ди, дажэ если амэ када на диқас. Да, амэ на угараваса лэстар пэстирэ ошыбки, но во всаек амэн любий важ кода, кай во полэл, васо амэ варисо терас или со амэндэ по ди (Римо 7:15). О Иегова всегда диқэл, савэ манушэса амэ можэм тэ ашас. Если амэ сэрас пала када, амэндэ авэла май бут зор и радость андэ служэния.
О Иегова поможый амэнди май фартэ тэ патяс, кай андо раё авэла райкани жызня. Через када амэ май вушэро сможэм тэ пэрэандярас и неожыдани трудности. (Диқэн абзацоря 18, 19.)c
19. Со амэ точно ӷанас пала Иегова?
19 Амэ ӷанас, кай о Иегова — када любовь. Амэ андэ када уверени (1 Иоан. 4:8). Во мангэл амэн варисо тэ терас или тэ на терас важ кода, кай любий амэн и камэл важ амэндэ со май лащи жызня. Амэ ӷанас, кай о Иегова камэл, кай амэ тэ жувас вечно. Важ када во дажэ отдя важ амэндэ пэстирэ шавэс лэ Иисусос. Амэ несовершэни, но через лэ Христостири смэрть амэ можэм тэ радосарас лэ Иеговас (Римо 7:24, 25). Амэ ӷанас, кай «о Дэл май баро амарэ одестар и ӷанэн вся» (1 Иоан. 3:19, 20). О Иегова драго полэл амарэ гиндоря, и со амэндэ по ди. И во точно ӷанэн, кай амэндэ вижала тэ терас кода, со во камэл.
20. Со поможыя фартэ тэ на пережываем пала кода, со на ӷанас?
20 О Иегова росԥэнэн пэстирэ служытелёнэнди вся, со вонэ трэбуй тэ ӷанэн. Важ када амэ на трэбуй тэ пережываем пала кода, со на ӷанас. Фэдэр тэ шас сама пэ кода, со па чачимастэ важно. Кадя амэ сыкаваса, кай полностью патяс лэ Иеговасти — кодэлэсти, «ко ӷанэн вся» (Иов 36:4). Да, щяс амэ полас най вся, но амэ ӷанас, кай ласа тэ сытювас кай о Иегова вечно. Амэ нащи доаштярдювас кодэя время, важ кода кай вся и вечность аваса тэ уӷанас варисо нэво пала амаро удивительно Дэл (Эккл. 3:11).
ДИЛИ 104 Свынто духо — подарко лэ Дэвлэстар
a О Иисусо жала войнаса против кадэя найлащи лэ Сатанастири люма. Важ када можно точно тэ ԥэнас, кай щяс во ӷанэн, кала авэла о Армагедоно и кодэва дес, кала во победия (Тайна 6:2; 19:11—16).
b ПЭ КАРТИНКА. О дад и о шаво стидэн о тревожно рюкзако, кай вся о ери тэ авэл ӷотово, кала варисо неожыдано терэлапэ.
c ПЭ КАРТИНКА. О ԥрал, савэстэ исин трудности андэ жызня, гиндой пала райкани жызня андо раё пэ ԥув.