Саво лашымос амэндэ можэт тэ авэл через лэ Иеговастири любовь?

1. Сар амэ можэм тэ радосарас лэ Иеговас?

ПОГИНДОСАР пала кацаво примеро: ту подарисардян пашутнэ манушэсти шукарно и лашо подарко, ай во стодя лэс андо шкафо и бистэрдя пала лэстэ! Канешно, тути када фартэ на чалёла. Но если ту диқэс, кай кадэлэ манушэсти куч тиро подарко и во пользуийпэ лэса, када радуий тиро ди. Со сыкавэл кадэва примеро? О Иегова тожэ стердя важ амэндэ подарко — отдя пала амэндэ пэстирэ Шавэс. Если амэ цэнисарас лэстири любовь, во фартэ лошало! (Иоан. 3:16; Римо 5:7, 8).

2. Со амэ уӷанаса анда кадэя статья?

² Но через дэсави время амэ можэм тэ лас тэ бистрас, пэскати дэ куч лэ Исусостири жэртва. Када всаек со тэ гаравэс лэ Дэвлэско кучутно подарко андо шкафо. Спэрва ту радуисаспэ, ай потом забистэрдян пала лэстэ. Со поможыя амэнди тэ на парашас тэ авас блаӷодарни? Трэбуй вся и время тэ згиндосарас важ кода, со стердя важ амэндэ о Дэл и о Христос. Андэ када амэнди поможыя кадэя статья. Амэ роздиқаса, саво лашымос через лэ Исусостири жэртва исин амэндэ акана и авэла англэ. Кадяжэ амэ уӷанаса, сар тэ сыкавас, кай амэ блаӷодарни лэ Иеговасти, особено кала жал и Вечеря.

САВО ЛАШЫМОС ИСИН АМЭНДЭ УЖЭ АКАНА

3. Со ужэ адес исин амэндэ через лэ Исусостири смэрть?

³ Амэндэ исин бут лашымос через лэ Исусостири смэрть. Например, через кадэя жэртва о Иегова простий амарэ бэзэха. Во необязано када тэ терэл, но во фартэ када камэл. О Давидо сас блаӷодарно важ када и кочай дилабэлас: «Ту, Иегова... [ковлэ одеско] и ӷотово тэ простис» (Пс. 86:5; 103:3, 10—13).

4. Кас витиндя о Иегова? (Лука 5:32; 1 Тимафеё 1:15).

⁴ Дэко гиндой, кай во на ашэл кода, кай о Иегова тэ простий лэс. Па чачимастэ, ни ек мануш када на ашэл. О апостало Павло полэлас када и ԥэндя: «Мэ... на затердэм, кай пэр мандэ тэ ԥэнэн апостало». И всаек во ԥэндя: «Но о Дэл здиқля пэр мандэ па пэско баро ковло ди, и акана мэ кацаво, саво мэ сым» (1 Кр. 15:9, 10). Кала амэ каисавас, о Иегова простий амэн. Васо? Най важ кода, кай амэ када затердям, ай важ кода, кай во любий амэн. Со, если тут хал о гиндо, кай ту на ашэс, кай о Иегова тэ простий тут? Сэр, кай о Иегова потиндя бари цэмин най важ и идеальни мануша, ай важ и бэзэхэстирэ, савэ каинпэ. (Проадинон Лука 5:32; 1 Тимафеё 1:15.)

5. Можэт варико тэ гиндой, кай о Иегова трэбуй лэс тэ простий? Росԥэнэн.

⁵ Ни ек мануш на трэбуй тэ гиндой: «О Иегова трэбуй ман тэ простий, важ кода кай мэ андярав лэстири время ужэ бут бэрша». Канешно, о Иегова цэний вся, со амэ важ лэстэ терас (Евр. 6:10). Но о Дэл витиндя амэн най важ кода, кай амэ затердям када пэстиря диласа. Када сас лэско подарко анда вся ди. Важ када авелоп неправильно тэ гиндосарас, кай, если амэ бут со стердям важ о Иегова, во трэбуй амэн тэ простий. Тоди када сыкадоп, кай амэ на цэнисарас лэ Исусостири жэртва и кай во муля евья. (Диқэн Галатия 2:21.)

6. Васо о Павло пристолас бут зор андэ лэ Иеговастири дила?

⁶ О Павло ӷанэнас, кай, со бы о мануш тэ на терэл, лэстэ никала на вижала тэ затерэл, кай о Иегова тэ простий лэс. Васо тоди во пристолас скати зор андэ лэ Дэвлэстири дила? Во на старыияспэ тэ доԥэнэн лэ Иеговасти, кай во трэбуй сас лэс тэ простий, ай терэлас када, кай тэ сыкавэл, сар дэ фартэ во блаӷодарно лэсти (Еф. 3:7). Амэ тожэ анда вся ди терас лэ Дэвлэстири дила. И терас када най важ кода, кай амэнди варисо тэ пэрэл лэстар, ай важ кода, кай амэ блаӷодарни лэсти, кай во анда ди жалуий амэн.

7. Со ужэ адес исин амэндэ через лэ Исусостири жэртва? (Римо 5:1; Иаково 2:23).

⁷ Через лэ Исусостири жэртва амэ ужэ адес можэм тэ авас андэ лэ Иеговаско ериa. Сар ԥэнэнаспэ андэ кодэя статья, через о бэзэх нико на арақадёл сразу андэ лэ Дэвлэско ери. Но через лэ Исусостири жэртва амэ можэм «тэ примирисавас лэ Дэвлэса» и тэ ашас май пашэ каринг лэстэ. (Проадинон Римо 5:1; Иаково 2:23.)

8. Васо амэнди трэбуй тэ цэнисарас, кай амэ можэм тэ мангаспэ лэ Иеговасти?

⁸ Роздиқаса, сави бах випэля кодэлэнди, ко андэ лэ Иеговаско ери. Вонэ моӷут тэ мангэнпэ лэсти. О Иегова ашунэл най кати кодэла молитвы, кала и мануша стидэнпэ еқэҭанэ, например пэ собрания, но и кала кажно андар лэндэ мангэлпэ екжэно. Кала амэ мангаспэ, амэнди ашэл май спокойно по ди. Но амэ мангаспэ най ек важ када. Кала амэ дас дума лэ Дэвлэса, амэ ашас май пашэ каринг лэстэ (Пс. 65:2; Иак. 4:8; 1 Иоан. 5:14). Кала о Исусо жувэлас пэ ԥув, во часто мангэласпэ. Во ӷанэнас, кай о Иегова ашунэл лэс. Через и молитвы во ашэлас май пашэ каринг лэстэ (Лука 5:16). Через лэ Христостири жэртва амэ тожэ можэм тэ авас андо ери кай о Хулай па вся и люма и дажэ тэ дас дума лэса. Амэ када фартэ цэнисарас!

САВО ЛАШЫМОС АШТЯРЭЛ АМЭН АНГЛЭ

9. Со о Дэл стерэла англэ важ пэстирэ кандинэ мануша?

⁹ Со о Дэл стерэла англэ важ пэстирэ кандинэ мануша? Во дэла лэнди вечно жызня. Бут ко гиндой, кай када не можэт тэ авэл. Важ кода кай, скати о миро ужэ жувэл пэ люма, и мануша мэрэн. Но о Иегова загиндосардя, кай и мануша тэ жувэн вечно. Тэ на стердоп о Адамо бэзэх, нико дажэ на погиндосардоп, кай кацави жызня — када варисави сказка. И хоть щас амэнди найвушэро тэ полас, со када тэ жувас вечно, инке май ԥарэс тэ полас, сави цэмин потиндя о Иегова, кала отдя важ амэндэ пэстирэ любимонэ Шавэс (Римо 8:32).

10. Со аштярэл англэ лэ избранонэн и аврэ бакрорэн?

¹⁰ Хоть и вечно жызня авэла англэ, о Иегова камэл, кай амэ тэ гиндосарас важ латэ ужэ акана. Кай и избрани авэла бут дила по небо, кала вонэ лэна тэ правин вместе лэ Христоса (Тайна 20:6). Ай «авэр бакрэ» лэна тэ жувэн андо раё пэ ԥув, кай нико на лэла тэ мучийпэ, тэ ровэл и никастэ на авэла нисави дук (Тайна 21:3, 4). Если ту анда «авэр бакрэ», на гиндосар, кай и вечно жызня пэ ԥув на сыстояпэ ла жызняса, сави авэла кай и избрани. Имено важ кацави жызня о Иегова и стердя лэ манушэс! Важ када и жызня пэ ԥув авэла кацави, кай о мануш никала на чалёла бахтатар.

11, 12. Со ту аштярэс андо раё пэ ԥув? (Кадяжэ диқэн и картинка.)

¹¹ Кати погиндосар, сави авэла жызня пэ райкани ԥув! Амэнди будэр на трэбуй авэла тэ дарас, кай занасваваса или мэраса (Ис. 25:8; 33:24). О Иегова стерэла вся о лашымос, саво камэл тиро ди. Соса ту камэс тэ залэспэ? Май бут тэ уӷанэс пала жывотни? Тэ сытёс тэ рисуис или тэ дилабэс? Андо раё авэна фартэ трэбуй и мануша, савэ ӷанэн тэ строин, тэ терэн пэ маля и тэ вибарярэн варисо анда ԥув. Но авэла и бут авэр дила. Трэбуй авэла тэ гитосарас тэ хас, тэ терас инструменторя и тэ заботисавас пала шукаримос пэ ԥув (Ис. 35:1; 65:21). Ту лэса тэ жувэс вечно и сможэш тэ стерэс вся када и вся авэр, со тути дэла андо шэро.

¹² Савэ дэ лошалэ и дэ радосни амэ аваса, кала ласа тэ диқас кодэлэн, ко жунделя! (Дила 24:15). И сар дэ приятно авэла инке май бут тэ уӷанас пала Иегова через кода, со во стердя (Пс. 104:24; Ис. 11:9). И со инке май фэдэр, ту никала на лэса тэ терэс нисо вэрыто и тути никала на прижалапэ тэ мангэс прощения! Отԥэндёса ту всаворэ кадэлэ лашымастар, кай «тэ лошавэ[с] лэ бэзэхэсти набут время»? (Евр. 11:25). Канешно най! И райкани жызня, сави амэндэ можэт тэ авэл англэ, пэбутэстэ май фэдэр, чем вся, со амэндэ можэт тэ авэл акана андэ кадэя люма. И на́ бистрэн: амэ на ласа вся и вечность тэ аштярас кацави лащи жызня. Авэла время, и амэ ласа кажно дес тэ лошавас кацавя жызняти. Вся када ашэля возможно кати важ кода, кай о Иегова фартэ любий амэн и закамля тэ отдэл важ амэндэ пэстирэ Шавэс!

САР ТЭ СЫКАВАС, КАЙ АМЭ БЛАӶОДАРНИ ЛЭ ИЕГОВАСТИ

13. Сар амэ можэм тэ сыкавас, кай блаӷодарни лэ Иеговасти? (2 Каринфо 6:1).

¹³ Сар амэ можэм тэ сыкавас лэ Иеговасти, кай блаӷодарни важ лэ Исусостири жэртва? Трэбуй, кай лэ Дэвлэстири дила вся и время тэ авэл амэндэ по пэрво ҭан андэ жызня (Матф. 6:33). О Исусо муля, «кай кодэла, ко жувэл, тэ жувэн ужэ най важ пэстэ, ай важ кодэва, ко муля пала лэндэ и жунделя» (2 Кр. 5:15). Амэ никала на камас тэ бистрас, состэ о Иегова здиқэл пар мэндэ «па пэско баро ковло ди». (Проадинон 2 Каринфо 6:1.)

14. Сар тэ сыкавас лэ Иеговасти, кай амэ патяс лэсти и кандас лэс?

¹⁴ Кадяжэ амэ сыкавас, кай блаӷодарни лэ Иеговасти, если патяс лэсти и кандас лэс. Сар када дицол пэ дила? Например, амэнди трэбуй тэ пушас совето кай о Иегова, кала амэ прилас решэния, каринг тэ жас тэ сытювас или сави бути тэ витидас (1 Кр. 10:31; 2 Кр. 5:7). Кала амэ терас кадя, сар ԥэнэн о Иегова, амэ пэ дила сыкавас, кай патяс лэсти и через када ашас инке май пашэ каринг лэстэ. Тоди амэндэ авэла инке май бут зор тэ аштярас и лащи время, сави авэла англэ (Римо 5:3—5; Иак. 2:21, 22).

15. Сар англа Вечеря и посли латэ тэ сыкавас, кай амэ блаӷодарни лэ Иеговасти важ лэ Исусостири жэртва?

¹⁵ Сар инке амэ можэм тэ сыкавас, кай блаӷодарни лэ Иеговасти важ лэ Исусостири жэртва? Кодэлэса, со амэ терас англа Вечеря и посли латэ. Амэ най кати екжэнэ камас тэ авас пэ Вечеря, но и камас тэ росԥэнас пала кадэва дес аврэнди (1 Тим. 2:4). Росԥэн, сар прожал и Вечеря кодэлэнди, кас камэс тэ ақарэс. Сыкав лэнди пэ амаро сайто видео «Васо о Иисусо муля?» и «На бистрэн, кай о Иисусо муля пала амэндэ». И старейшыноря пристона зор, кай тэ ақарэн лэ ԥралэн и лэ ԥэян, савэ парашэлэ тэ ԥирэн пэ собрания. Кати погиндосар, сар дэ фартэ лэна тэ радуинпэ по небо и пэ ԥув, если каринг о Иегова ринапэ лэстирэ бакрорэ, савэ хасарделэ! (Лука 15:4—7). Ай кала амэ аваса пэ Вечеря, давайте тэ шас сама най кати ек еқэс, но и кодэлэн, ко авеля пэрво разо или ужэ дэлмут пэр латэ на сас. Амэ камас, кай всаворэнди тэ авэл драго (Римо 12:13).

16. Васо трэбуй тэ погиндос пала кода, кай тэ терэс май бут важ о Иегова англа Вечеря и посли латэ?

¹⁶ Можэш ту инке май бут тэ росԥэнэс важ о Дэл англа Вечеря и посли латэ? Кадя ту сыкавэса, кай блаӷодарно лэ Иеговасти и лэстирэ Шавэсти важ вся, со вонэ стердэ важ тутэ. Со май бут время амэ отдас андэ лэ Дэвлэстири дила, со май драго амэ диқас лэ Иеговаско вас андэ пэстири жызня и со май фартэ лас тэ патяс лэсти (1 Кр. 3:9). Кадяжэ адиносар и стихоря анда Библия, савэ сас витидэ важ кадэя время. Лэн можно тэ виарақэс андэ брашура «Уӷанас май драго и Писания кажно дес» или андэ тетрадка, кай тэ сытювас «Дром и служэния». Можэт, дэсавэ стихоря ту закамэса май драго тэ розуӷанэс, кала тутэ авэла важ када время.

17. Со лэ Иеговас лэл лэ одестар? (Кадяжэ диқэн и рамка «Сар ту можэш тэ сыкавэс, кай блаӷодарно лэ Иеговасти».)

¹⁷ Андэ кадэя статья сас бут лашэ советоря. Но можэт, тутэ на вижал тэ терэс май бут андэ лэ Дэвлэстири дила. Тоди сэр, кай о Иегова на сыстой кода, со ту терэс, кодэлэса, со терэн авэр. Во ӷанэн, кай ту лэс любис. Лэ Иеговас лэл лэ одестар кода, кай ту блаӷодарно пала лэско подарко — пала лэ Исусостири жэртва (1 Сам. 16:7; Мар. 12:41—44).

18. Васо амэ блаӷодарни лэ Иеговасти и лэ Исусости?

¹⁸ Тэ на отдиноп о Исусо пэс важ амэндэ, о Иегова никала на простисардоп амэнди амарэ бэзэха, на линоп амэн андэ пэско ери и на диноп надежда тэ жувас вечно. Мэк амари жызня доԥэнэн, кай амэ блаӷодарни лэ Иеговасти важ вся о лашымос, саво во важ амэндэ терэл, и важ лэстири любовь (1 Иоан. 4:19). Кадяжэ давайте тэ сыкавас пэ дила, кай амэ блаӷодарни лэ Исусости, саво любий амэн кадя фартэ, кай отдя важ амэндэ пэстири жызня! (Иоан. 15:13).