Сар фалту, со ажюкярелту май англи?

СО ПЕНЕЛ И БИБЛИЯ

«[О Дел] касти косэл ся ли яфта ди пай ленгы яка, ай и моартя ни касти май аел, ниш скырба, ниш роемата, ниш дука ни касти май аен. Со сас накляу» (Откровение 21:4).

СО ДАШТИЛ ТИ ДЕЛТУ ГАДАЯ

Ик буки кай чялёлту ай кай ни кэресла дижяба (Исаия 65:21—23).

Касти астрас ла болатар, ла дукатар ай ла скырбатар (Исаия 25:8; 33:24).

И вяца лащи кай ни касти май мунтуильпи ничикдата, аниктан ки нямуренца (Псалом 37:11, 29).

ВАРИ ДАШТИС ТИ ПАКЯС АНДИ ГАДАЯ, СО ПЕНЕЛ И БИБЛИЯ?

Ея, ай сы сос май ханцы дуй причинуря:

• Ли Девлес сылес зор ти кэрел, со пендяу. И Библия пенел, кы нума о Дел о Иегова довидил ся, кы лес сылес ся и зор (Откровение 15:3). Гадая сыкаел, кы оу даштил ти дикэрел песко алау, ти скимбол о миру, ка ти аел май мишто. Анди Библия пенельпи, кы «о Дел даштил ся» (Матфея 19:26).

• О Дел камел ти дикэрел песко алау. Гындитату, о Иегова зуралес камел ти трезол ли мулен. Анди Библия пенельпи, кы лескы зуралес лескы дору лендар (Иов 14:14, 15).

  Ай ынкы, и Библия сыкаел, кы о Щяу ли Девлеску, о Исус Христос ортолас ли маношэн. Ти на камлино ти ажутолли, вари ажутоласли лен? (Марка 1:40, 41). О Исус сыкадяу сос май мишто, саестар сылу леско Дад, кана оу ажутолас годолен кас трубулас (Иоанна 14:9).

  Даштис ти пакяс, кы о Иегова ай о Исус камен ти ден амен и вяца лащи кай касти аел! (Псалом 72:12—14; 145:6; 2 Петра 3:9).