Со гындисту дянди Библия?

СО ПЕНЕЛ И БИБЛИЯ

«Ся со скрииме андо Лил Сфынту пурдино ли Девлестар» (2 Тимофею 3:16).

СО ДАШТИЛ ТИ ДЕЛТУ ГАДАЯ

Ажутолту ти жянес, со камес ти жянес сос май бут (Притчи 2:1—5).

Сфатуря кай даштин ти ажутонту агес (Псалом 119:105).

Ажутолту ти ажюкярес ся ли илеса о миштимос кай касти аел (Римлянам 15:4).

ВАРИ ДАШТИС ТИ ПАКЯС АНДИ ГАДАЯ, СО ПЕНЕЛ И БИБЛИЯ?

Ея, ай сы сос май ханцы трын причинуря:

• Анди ся и Библия сылу ик гынду. И Библия скриисадела кайта 40 ди манош, ай скриисадела ик мия шоу шэла бэрш. Бут дянда ленди ни жянглепи ек паврести. Да скриисаде сяур са ек!

• Ли манош, кай скриисаде и Библия ни хохаде. Бут манош сыкаде ангараен, со сас насул ленгы нородости. Да годола, кон скриисаде и Библия пенде чячес, со кэрдине он най чячес ай со кэрдяу ленго нороду най чячес (2 Летопись 36:15, 16; Псалом 51:1—4).

• Ли пророчествуря кай ымплинонпи. Кайта ефта шэленца бэрш англа ти аел о Мессия пи пуу, и Библия пендяу, кы оу касти кэрельпи андо Вифлеем, ик фору цыноро дянда Иудея (Михея 5:2). Кай кэрдяпи о Исус? Оу кэрдяпи кяр андо гадауа фору Вифлеем! (Матфея 2:1—6).

  Бут дянды пророчества ла Библиякы ымплиносайле алау алаеса. Вари ни сыкаел гадая, кы и Библия сыли о Алау ли Девлеску? (2 Петра 1:21).