I Lecția 11

Entuziasmo

Romani 12:11

OBIECTIVO: De duma anda ilo caște îndemnos codolen cai așunen-tu te nachen ca fapte.

Șiu ilo cana pregătis-tu. Cana cheres chi prezentarea, gândisar-tu chichi de importanto si so cames te phenes le manușenghe. Prinjiar mișto o materialo caște daștis te des duma anda chio ilo.
Gândisar-tu codolende cai așunen-tu. Gândisar-tu sar daștin te ajutin le manușen le informații cai va avela te citisares-le sau va pheneia-le lenghe. Rode sar te phenes le informații cadea te jial ande lengo ilo.
Șiu viața ande chi prezentarea. De duma anda sea o ilo. Caște sicaves so șimțos cadaia trebul te dichiol-pe pe chio mui hai sar des anda che vast.

Na cher sa codol gesturi, pentru că o auditorio va dichela-le sar ticuri hai va avena atento tute na soste cames te phenes. Che gesturi trebun te ajutin chi prezentarea. Trebul te avel-tu mai but entuziasmo cana sicaves idei importanto hai cana îndemnos codolen cai așunen-tu te nachen ca fapte. Na încăr sa codo tono entuziasto sea i prezentarea pentru că cadaia va chiniarela le manușen.