DONDZRO 6

Ku Khanyisa Matizrela Ya Tsralwa

Yohan 10:33-36

NKATSRAKANYU: U nga gamele ka ku dondzra tsralwa ntsena u va u tlulela ka yinhla leyi landzrelaka. Tiyiseka leswaku vayingiseti va ku vona hi ku khanya ku yelana loku nga kone a makazri ka tsralwa ledzri u dzri dondzraka ni mhaka leyi u yi tlhamuxelaka.

MAYENTXELA YA KONE:

Hlawula mazritu lama khomiki mhaka. Ntsrhaku ka loko u dondzre tsralwa, kandzrakanya mazritu lama yelanaka hi ku kongoma ni yinhla ya lisima. U nga yentxa leswi hi ku phindha-phindha mazritu lawo kumbe hi ku hamba xivutiso lexi kokelaka vayingiseti leswaku va gungula mazritu lama khomiki mhaka.

Loko u tizrisa mazritu lama hambaniki leswaku u khanyisa mongo wa tsralwa, tiyiseka leswaku vayingiseti va nga tama va vona ha hombe ndlela leyi mazritu lama nga Bibeleni ma fambisanaka ha yone ni yinhla ya lisima.
Tshimisisa yinhla. Loko u nhingenise tsralwa na u ni xivangelo lexi twalaka xa ku dzri dondzra, tlhamuxela ndlela leyi mazritu lama khomiki mhaka ya tsralwa ledzro ma yelanaka ha yone ni xivangelo xa kone.

Loko u li kazri u tlhamuxela tsralwa, u nga pfale Bibele. Leswi swi pfuna vayingiseti ku twananisa mazritu yaku ni ndzrimana leyi u yi dondzriki.
Nabyalisa matizrela ya ndzrimana. U nga nyikele mintlhamuxelo leyi nga fambisanikiki ni yinhla ya lisima. Hi ku ya hi leswi vayingiseti vaku va swi tivaka hi mhaka ya kone, hlawula leswaku i dzrungula dzra ku gama kwini ledzri djulekaka leswaku va twisisa yinhla ya kone.