Tisapulumuswa Tani Ku Madawo Na Kufa

35 Kodi musakumbuka kuti munthu wakutoma, Adamu, adawa? Iye aluza umaso na paradizu, na ife tonsene tisafambo, thangwi ndife anace.—Aroma 5:12; 3:23.

36 Mbatidakwanisa kutambira pontho umaso unoyu wa ungwiro, khala munthu unango wa ungwiro mbadapereka umaso wace kwa ife peno mbadatiombola mwa kufa.—1 Akorintu 15:45; Aroma 5:19, 21.

37 Yezu akhali Mwana wa Mulungu. Iye akhali munthu wa ungwiro. Iye hadadawa tayu.—Ayeberi 5:9; 7:26.

38 Iye apitawirisa kuphiwa na anthu akakhonda kufuna Mulungu.—Machitiro 2:23.

Ineyi ikhali ntsembe ya kupipereka ekhene kwa ife.—1 Timoti 2:6.

39 Yezu aikhwa m’nthumbi peno masiye akukumbwa pa mwala. Iye akhala m’kufa ntsiku zitatu. Mphapo, Mulungu amulamusa muli akufa.—Machitiro 2:24.

40 Iye abwerera kudzulu. Anakwanisa cincino kuphemba Mulungu kuti aphedze ale anabvera Mulungu.—Ayeberi 9:24; 1 Juwau 2:1, 2.