Bokosi Ya Mabvunzo

◼ Kodi mphyakuthema kugumanya mphangwa zinafuna kudzadingwa m’Xikola Ya Utumiki Wa Mulungu mbamuzigawira anango?

Mphyakutawirika kucita pyenepi kwa imwe ene, piwalo pya banja na axamwali angasi apantima. Mbwenye, mphangwa zenezi nee zisafunika kugawirwa anthu onsene peno kucinja na kobiri, kucita pyenepi ndi kuswa mwambo wa kudinda.—Arom. 13:1.

Nkhani zinango za Xikola Ya Utumiki Wa Mulungu, zisapaswa nsolo basi; nkhabe pangizwa kudabuluswa izo. Kodi kunakhala kwakuphindulisa kwa unango kunsakira ndandanda wa mudabuluswa nkhani peno kugumanya mphangwa zakuti zingakwanise kuphatisirwa na ule adatambira nkhani? Nkhabe. Na pang’ono pene kunakhala kwakuthema kugumanyira anango matawiro a kubwerezera pidapfunzwa pa Xikola Ya Utumiki Wa Mulungu, pyenepi nee pinadzaaphedza kukoya ntsonga zakufunika m’nsolo. Anyakupfunza asafunika kusaka okha. Ineyi ndi njira yadidi kakamwe ya kupfunzisa inapereka Yahova kubulukira ku xikola towera ‘kutipfunzisa pinatongwa ife kulonga.’—Iza. 50:4.