Ndandanda Wa Nsonkhano Wa Basa

Sumana Inatoma Pa 11 Ya Nthanda Ya Nyenzi

Nyimbo 20

Mphindi 10: Pidziwiso pyapampingo. Pidziwiso pyakusankhulwa m’Utumiki Wathu Wa Umambo. Wangisani onsene kuona vidiyu ya Os Jovens Perguntam: Como Fazer Verdadeiros Amigos? m’kukhunganyikira nkhani inafuna kudzacitwa pa Nsonkhano wa Utumiki pa sumana 25 ya nthanda ya Nyenzi. Khala vidiyu ineyi nkhabepo, wangisani onsene kuti aleri nsolo 8 na 9 wa bukhu Os Jovens Perguntam— Respostas Práticas. M’kuphatisira maperekero umboni anagumanika pa tsamba 8 peno maperekero umboni anango akubverana na cisa canu, pangizani kuti munagawira tani A Sentinela ya 15 de Setembro na Despertai! ya Setembro. Pa citsanzo cibodzi, pangizani kuti munatawira tani munthu anafuna kulimirisa makani m’kulonga kuti “Ndina uphemberi wanga kale.”—Onani bukhu ya Raciocínios tsamba 18-19.

Mphindi 20: Kudzindikira Mbuto Ya Kristu M’masasanyiro A Mulungu. Nkhani yakubuluswa m’Utumiki Wathu Wa Umambo wa nthanda ya Nyenzi ya 2006, tsamba 3-4 mpaka pa nsolo ung’ono wakuti “Kusabvekanji Kudzindikira Mbuto Ya Yezu.”

Mphindi 15: Nkhani pabodzi na kuceza na anyakubvesera yakubuluswa m’tsamba inagumanika pa tsamba yakutoma ya Utumiki Wathu Wa Umambo. Phatanizani mafala a Perguntas Respondidas anagumanika m’Utumiki Wathu Wa Umambo wa Janeiro de 2005.

Nyimbo 126 na phembero yakumalisa.

Sumana Inatoma Pa 18 Ya Nthanda Ya Nyenzi

Nyimbo 213

Mphindi 5: Pidziwiso pyapampingo.

Mphindi 15: Kodi Tacitanji M’caka Cidamala? Muyang’aniri wa mmunda alonge pidacitwa m’caka cidamala na kugomezera pinthu pyadidi pidakwaniriswa m’utumiki. Asimbeni mwadidi. Longani ntsonga ibodzi peno ziwiri zinafunika kutsalakanwa m’caka cinafuna kudza. Fokotozani basa ya apainiya na asimbeni na basa yawo yaphinga. Longani maphindu adidi adagumanwa m’kuphedza ale adalimira kumwaza mphangwa.

Mphindi 25: “Kugawira Kwakupambulika Kunafuna Kudzatoma Pa 16 Ya Nthanda Ya Malandalupya Mpaka 12 Ya Nthanda Ya Bingu!” Nkhani yakugalamuka yakucitwa na nkulu wa mpingo. Pakumala kuleri cidziwiso cinagumanika m’tsamba idatumizirwa nsoka wa akulu a mpingo ya 6 de Junho de 2006, gawirani anthu onsene anagumanika pa nsonkhano tsamba ibodzi ya Mphangwa Za Umambo N.° 37. Buluka penepo pitirizani na nkhani m’kucita mabvunzo na matawiro. Tcululani masasanyiro a mpingo adacitwa towera kupereka umboni cisa consene. Kulumizani amwazi mphangwa onsene kuti acite khundu mwakukwana m’kugawira kweneku kwakupambulika. Pangizani citsanzo cacigwagwa.

Nyimbo 50 na phembero yakumalisa.

Sumana Inatoma Pa 25 Ya Nthanda Ya Nyenzi

Nyimbo 94

Mphindi 10: Pidziwiso pyapampingo. Lerini lipoti ya kobiri pabodzi na tsamba ya filiali ya kupereka takhuta. Kumbusani amwazi mphangwa kuti apereke lipoti ya basa ya mmunda ya nthanda ya Nyenzi. M’kuphatisira maperekero umboni anagumanika pa tsamba 8 peno maperekero umboni anango akubverana na cisa canu, pangizani kuti munagawira tani A Sentinela ya 1.° de Outubro na Despertai! ya Outubro munacita imwe umboni wa m’nseu.

Mphindi 25: “Vidiyu Yakuthema Kunyerezerwa Mwacidikhodikho.”a Munadinga imwe ndima 1, phembani anyakubvesera kuti alonge mwacigwagwa pya vidiyu ya Os Jovens Perguntam: Como Fazer Verdadeiros Amigos? Buluka penepo tomani mwakucimbiza kudinga mbvunzo ubodzi na ubodzi unagumanika pa ndima 2-7. Khala vidiyu ineyi nkhabepo, dingani nsolo 8 na 9 wa bukhu Os Jovens Perguntam— Respostas Práticas, m’kuphatisira “Perguntas Para Consideração” anagumanika kunkhomo kwa nsolo ubodzi na ubodzi.”

Mphindi 10: Pyakugumana napyo pyapampingo. Phembani anyakubvesera kuti alonge pyakugumana napyo pidakhala na iwo m’kugawira revista ya Despertai! yacincino peno m’kutomesa pfunziro ya Biblya pa ulendo wakutoma m’kuphatisira bukhu yakuti Biblya Isapfunzisanji. Mungakwanise kupangiza cakugumana naco cibodzi peno piwiri.

Nyimbo 183 na phembero yakumalisa.

Sumana Inatoma Pa 2 Ya Nthanda Ya Malandalupya

Nyimbo 36

Mphindi 10: Pidziwiso pyapampingo. Bokosi Ya Mabvunzo.

Mphindi 15: Pyakufuna pyapampingo.

Mphindi 20: “Kupereka Umboni Nyumba Na Nyumba.”* Nzidzi ungakhalapo, phembani anyakubvesera kuti afokotoze malemba akusowa mafala m’ndima.

Nyimbo 127 na phembero yakumalisa.

[Footnotes]