Pidziwiso

◼ Mabukhu anafuna kugawirwa: m’Nthanda ya Nyenzi: Kodi Mwandimomwene Biblya Isapfunzisanji? Tisafunika kuwangisira towera kutomesa mapfunziro a Biblya pa ulendo wakutoma. Munthu onsene adapasa ife bukhu asafunika kucitirwa ulendo wakubwerezera na cifuno ca kutomesa pfunziro ya Biblya yapanyumba. Nthanda ya Malandalupya: Gawirani A Sentinela na Despertai! Pangaoneka kufuna, pangizani bruxura yakuti Khalani Akulindira! towera kusakulira cifuno cakuthimizirika ku Biblya. Nthanda ya Bingu: Bruxura yonsene ya matsamba 32: Njira ya ku Umaso okhonda mala Kodi Imwe Mwaigumana Kale?, Khalani Maso Kwenda Na Kwenda Mwa Kutsanzaya M’Dziko Yapantsi! Pangaoneka kufuna, pangizani bruxura na ndokoni kutsogolo na cifuno ca kutomesa pfunziro ya Biblya yapanyumba. Nthanda ya Maindza: Bukhu Yanga Ya Mbiri Za Bibilya. Nthanda ya Thongwe ya 2007: Khala mpingo uli na mabukhu a Conhecimento, anewa angakwanise kugawirwa, khala nkhabe, taphata mwendo gawirani mabruxura akuti Khalani Akulindira! peno Kodi Mulungu Alikuphembanji.

◼ Akulu a mpingo asakumbuswa kutoweza pitsogolero pinaperekwa m’A Sentinela ya 15 de Abril ya 1991, tsamba 21-3, inalonga pya akubuluka okha peno akubuluswa m’mpingo akuti ali na cipendamiro ca kubwezereswa.

◼ Mipingo isafunika kutoma kuphemba Anuário das Testemunhas de Jeová de 2007 pabodzi na phembo yawo inafuna kudza ya mabukhu. Ineyi ndi phembo yakupambulika, natenepa, isafunika kuphembiwa basiene khala iri na mwanaciro adaiphemba. Mpaka pa ntsiku inafuna kubuluswa Anuário na kutumizwa, phembo ineyi inadzapangizwa pa ndandanda wa pidaphembwa ninga “Pendente” pa tsamba idalembwa mabukhu adatumizwa inagumanika m’bokosi ya mabukhu. Mpingo usafunika kudziwiswa kuti pasafuna kucitwa phembo ya Anuário. Amwazi mphangwa nee asafunika kudembuka kucita phembo yawo kwa ntumiki anatsalakana mabukhu, na Muyang’aniri Mabukhu nkhabe funika kudembuka kutumiza phembo ineyi ku filiali.

◼ Kazinji kene, pidziwiso pyakufunika pinalonga pya macitiro a kuphemba mabukhu pisagumanika m’Utumiki Wathu Wa Umambo. Ici ndi cikumbuso ca midzidzi yonsene cakuti Atumiki anatsalakana Mabukhu asafunika kutambira Utumiki Wathu Wa Umambo panamala iwo kwene kufika pa mpingo. Iwo asafunika kudziwa mwadidi pidziwiso pinagumanika mwenemo na kupitoweza mwakukwana.

◼ Ofesi ya filiali inadzafungwa Nsabudu, ntsiku 23 ya nthanda ya Malandalupya ya 2006, thangwi ya basa yathu ya kucenesa inacitwa pa caka. Nkhabe kudzaoneka masasanyiro a kuona filiali pa ntsiku ineyi.

◼ Tiri akukomerwa kukudziwisani kuti mipingo iri pantsiapa yamalisa kumanga Nyumba zawo za Umambo: Chibututuine, Chilowa, Kaswende, Katete, Makowe na Nyam’bandu.