KUTAWIRWA KWA MIBVUNDZO YA BHIBHLYA

Ninji Cinacitisa Anthu Azinji Kukhulupira Kuti Nciti Alipo?

Mu pyaka 3.000 nduli, nyamasalmo alemba: “Ndine basa yanu yakudzumisadi.”(Masalmo 139:14) Mungadinga makuliro a khombwani kubulukira mu selula ing’ono, kodi nee pisakudzumatirisani? Anthu azinji asatawira kuti pinthu pya umaso pyacitwa na Mulungu.​—Lerini Masalmo 139:13-17; Ahebere 3:4.

Ule adacita kudzulu na pantsi, acitambo pinthu pyaumaso na kucitisa kuti dziko yapantsi ikhaliwe. (Masalmo 36:9) Mulungu alonga na anthu na atipanga pya iye ene.​—Lerini Izaiya 45:18.

Kodi Ife Tabulukira Ku Pinyama?

M’makhundu mazinji, manungo athu ndi sawasawa na a pinyama. Mbwenye kulandana kweneku ndi thangwi yakuti anthu na pinyama pyacitwa na Mulungu toera kukhala pa dziko yapantsi. Mulungu acita munthu wakutoma, tayu kubulukira ku cinyama, mbwenye kubulukira ku mataka.​—Lerini Genesi 1:24; 2:7.

Anthu ndi akusiyana na pinyama mu njira ziwiri zakufunika. Yakutoma, anthu ali na maluso akudziwa, kufuna na kulemedza Nciti. Yaciwiri, anthu acitwa toera kukhala kwenda na kwenda, mbwenye pinyama nkhabe. Cincino, anthu onsene asafa thangwi munthu wakutoma akhonda citsogolero ca Nciti.​—Lerini Genesi 1:27; 2:15-17.

Toera kudziwa pizinji onani nsolo 1 wa bukhu iyi yakubuluswa na Mboni za Yahova

Isagumanikambo toera kucita download mu site www.jw.org/seh