KUTAWIRWA KWA MIBVUNDZO YA BHIBHLYA
Kodi Umaso Uno Ndi Pyonsene Piripo?
Kodi mwabvundzika kale khala pana pinthu pinango mu umaso kusiyapo kusendzeka, kuphata basa, kumanga banja, kutsalakana banja na kukalamba? (Yobe 14:1, 2) Bhibhlya isapangiza kuti ngakhale anthu andzeru kakamwe abvundzikambo tenepo.—Lerini Koelete 2:11.
Kodi umaso uli na mabvekero? Pakutoma tisafunika kubvundzika kuti, Umaso watoma tani? Pakumala kudinga kucitwa kwakudzumatirisa kwa ongo na manungo athu, azinji adzindikira kuti tacitwa na Nciti wandzeru. (Lerini Masalmo 139:14.) Khala ndi tenepo, iye ali na thangwi toera kuticita! Kupfundza thangwi ineyi kunathimizira mabvekero makulu a umaso wathu.
Thangwi Yanji Anthu Acitwa?
Mulungu apasa nkhombo banja yakutoma ya anthu na aapasa basa yakutsandzayisa. Cifuniro cace cikhali cakuti adzadze dziko yapantsi na kuicita paradizu, mbakhala kwenda na kwenda.—Lerini Genesi 1:28, 31.
Cifuniro ca Mulungu capingizwa mudapandukira anthu utongi wace. Mbwenye Mulungu nee atisiya, peno kucinja cifuniro cace. Bhibhlya isatipasa cinyindiro cakuti Mulungu ali kuphata basa toera kupulumusa mbumbace yakukhulupirika, pontho kuti cifuniro cace na dziko yapantsi cinadzakwanirisika! Mulungu asafuna kuti mudzakhale na umaso ninga mukhaufunira iye! (Lerini Masalmo 37:29.) Pfundzani kubulukira m’Bhibhlya kuti imwe pamwekha munakwanisa tani kuphindula na cifuniro ca Mulungu.
Toera kudziwa pizinji, onani nsolo 3 wa bukhu iyi, yakubuluswa na Mboni za Yahova
Isagumanikambo mu www.jw.org/seh