Longani Nsolo Ubodzi, Mbwenye Gawirani Marevista Mawiri
M’marevista athu musagumanika misolo yadidi yakusiyana-siyana. Mbuto mwakuyesera kulonga misolo yonsene nyumba na nyumba, mphyadidi kulonga basi ene nsolo ubodzi. Tingaona makhaliro, pontho tingaleri marevista, tinakwanisa kusankhula mu A Sentinela peno Despertai! nsolo wakuti unadzakhuya ntima wa mwanaciro nyumba. Mwacitsandzo, tingaona pinthu pinasenzeka na anapiana panyumba, tinakwanisa kusankhula nsolo unalonga pya umaso wa banja. Khala tagumana mamuna panyumba, tinakwanisa kulonga cinthu cakuti amuna azinji asacifuna, ninga utongi wadidi. Ngakhale kuti tinalonga nsolo ubodzi basi, tisafunika kugawira marevista mawiri mwanaciro nyumba angapangiza cifuno.