Kuthimizira Maluso Athu Mu Utumiki​—Kukhunganya Mafala Athu Akutoma

Thangwi Yanji Mphyakufunika: Mafala athu akutoma angakhonda kukulisa cifuno, mwanaciro nyumba panango anamalisa makani athu mbatidzati kupereka umboni. Natenepa, amwazi mphangwa azinji asaona kuti mafala awo akutoma ndi akufunika kakamwe pakupereka umboni. Maseze njira za maperekero aumboni zisaperekwa mu Utumiki Wathu Wa Umambo na mu bukhu Raciocínios, maonero anewa nee asaphataniza mafala onsene anafunika ife kuphatisira, toera kucinja khala mphyakufunika. Ngakhale kuti maonero ndi akukwana, amwazi mphangwa anakwanisa kuasasanyira, peno kukhunganyika maonero awo ene. Natenepa, tinaphindula kakamwe tingakhunganyika mwadidi mafala athu akutoma, mbuto mwakulonga mafala onsene anatifikira mu nsolo mwanaciro nyumba angafungula nsuwo.​—Mis. 15:28.