Tinakhala na Nkhombo Zizinji Tingatawira Kupfundziswa na Mulungu

THANGWI YANJI MPHYAKUFUNIKA: Mpfundzisi Wankulu, Yahova, asatipfundzisa munjira yadidi kakamwe. Iye nkhabe kutiphemba kobiri toera kutipfundzisa kuti tinakhala tani na umaso wadidi cincino na ntsogolo. (Iza. 11:6-9; 30:20, 21; Apok. 22:17) Pontho Yahova asatipfundzisa kuti tinamwaza tani mphangwa zakuti zinaphedza anthu toera apulumuke.—2 Akor. 3:5.

TINACITA TANI PYENEPI:

• Wangisirani toera mukhale wakucepeseka na wakukhurudzika.—Masal. 25:8, 9

• Bandzani miyai yakusiyana-siyana inaphatisira Yahova cincino toera kutipfundzisa, ninga kukhala nyakupfundza wa xikola inacita ife pakati pa sumana

• Nyerezerani njira zakuti zinakuphedzani kucita pizinji m’basa ya Yahova, pontho wangisirani toera kuzikwanirisa.—Afil. 3:13

• Wangisirani toera mukhale na miyai mizinji yakupfundziswa na Yahova.—Afil. 3:8

ONANI VIDHYU YAKUTI ENRIQUECIDOS ESPIRITUALMENTE PELO ENSINO DE JEOVÁ, BULUKA PENEPO TAWIRANI MIBVUNDZO IYI:

• Ndi mipingizo ipi idakunda amwazi mphangwa anango toera akwanise kuenda ku Xikola ya Amwazi Mphangwa a Umambo?

• Ndi nkhombo zipi zinakhala na ale anaenda ku Xikola ya Amwazi Mphangwa a Umambo?

• Anthu m’mipingo aphedza tani abale apswa adabuluka ku Xikola ya Amwazi Mphangwa a Umambo?

• Kodi tisafunika kucitanji toera tikhale akuthema kuenda ku Xikola ya Amwazi Mphangwa a Umambo? (Umambo wa Mulungu tsa. 189)

• Mwa maxikola onsene ali mu gulu ya Yahova, ndi ipi yakuti musafuna kakamwe kucitambo khundu?