“Ufuni wa Kristu usatikulumiza.”—2 Akor. 5:1
KUKHALA MASO NINGA AKRISTU
Kodi Imwe Munadzatumikira Ninga Mpainiya Wakuphedza Mwezi wa Março na Abril?
Kodi imwe musafuna kuthimizira utumiki wanu mu ndzidzi wa Cikumbuso? (2 Akor. 5:14, 15) Mwezi wa Março na Abril, apainiya akuphedza anakwanisa kusankhula kupereka maora 30 peno 50. Khala imwe musafuna kudzatumikira ninga mpainiya wakuphedza miyezi ineyi, munakwanisa kupereka petisau kuna Komiti Yakuyang’anira Basa mu Mpingo. Miyezi yonsene, madzina a ale adatawiriswa toera kutumikira ninga apainiya akuphedza anadziwiswa mu mpingo. Pyenepi pinaphedza abale na alongo toera kumwaza mphangwa pabodzi na apainiya anewa. Natenepa, tendeni ticite pyonsene pinakwanisa ife toera kuthimizira maluso athu akumwaza mphangwa mu ndzidzi unoyu, pontho toera kuwangisana unango na ndzace.—1 Ates. 5:11.