Kodi Imwe Musaphatisira Mwadidi Audhyu ya Bhibhlya?

Audhyu ya Bhibhlya ninji? Ndi Bhibhlya ya Dziko Ipswa yakugravarwi. Maaudhyu anewa ali kubuluswa pang’ono-pang’ono mu pilongero pizinji kakamwe. Cakutsandzayisa kakamwe ndi cakuti audhyu ya Bhibhlya iri na mafala akusiyana-siyana toera kupangiza anthu analonga. Mafala asalerwi mwakugalamuka na mabvero toera kubvekesa mwadidi mphangwa za m’Bhibhlya.

Anthu anango asaphedzeka tani na audhyu ya Bhibhlya? Azinji anabvesera audhyu ya Bhibhlya asakomerwa kakamwe na njira inalerwi Mafala a Mulungu. Iwo asaona kuti kubvesera mafala akusiyana-siyana a anthu analonga m’Bhibhlya, pisaphedza toera kunyerezera pinthu pidacitika na kubvesesa mwadidi pidalembwa m’Bhibhlya. (Mis. 4:5) Azinji asaonambo kuti kubvesera audhyu ya Bhibhlya kusaaphedza toera kukhala akukhurudzika angakhala akupswipa ntima.—Mas 94:19.

Kubvesera Mafala a Mulungu angalerwi mwakugaluza kusaphedza kakamwe. (2 Kro. 34:19-21) Khala khundu ibodzi peno Bhibhlya yonsene isagumanika na audhyu mu cilongero cakuti musacibva, munakwanisa kuibvesera ndzidzi onsene?

ONANI VIDHYU YA NSOLO WAKUTI BASA YAKUGRAVARI AUDHYU YA BHIBHLYA—VIDHYU YAKUGWANDWA, BULUKA PENEPO TAWIRANI MBVUNDZO UYU:

Ninji pinadzumatirwa na imwe thangwi ya basa yakugravari audhyu ya Bhibhlya?