Tisafunika Kucitanji Toera Tikwanise Kuleri Bhibhlya Ntsiku Zonsene?

Nakuti muli na pizinji toera kucita, kodi imwe musanentseka toera kuleri Bhibhlya ntsiku zonsene? (Yos. 1:8) Khala musanentseka, maonero anatowera anakuphedzani kakamwe.

• Ikhani alarmi. Ikhani alarmi mu telefoni yanu peno mu komputadhori toera akukumbuseni ndzidzi udakhazikisa imwe toera kuleri Bhibhlya.

• Siyani Bhibhlya yanu pakweca. Khala musaphatisira Bhibhlya yakudhindwa, iikheni pa mbuto yakuti munaiona ntsiku zonsene.—Dheu. 11:18.

• Bveserani Bhibhlya yakugravarwi. Bveserani Bhibhlya yakugravarwi mu ndzidzi unacita imwe mabasa anu a ntsiku na ntsiku. Mulongo Tara wakuti ndi mpainiya, nyakubala, pontho asaphata basa namasiku alonga: “Kubvesera Bhibhlya yakugravarwi mu ndzidzi unacita ine mabasa a panyumba kusandiphedza toera kuleri Bhibhlya ntsiku zonsene.”

• Pitirizani kuwangisira. Khala nee mwakwanisa kuleri Bhibhlya mu ndzidzi udakhazikisa imwe, wangisirani toera muleri mavesi mangasi mbamudzati kugona. Kuleri Bhibhlya ngakhale mavesi akucepa, kusaphedza kakamwe.—1 Ped. 2:2.