Psaume

Bia ti sepela ti David.

א [Aleph]

145 Nzapa ti mbi so mo yeke Gbia,+ mbi yeke gonda kota ti mo,

mbi yeke sepela iri ti mo lakue lakue nga kpu na kpu.+

 2 Na yâ ti lango ni kue, mbi yeke sepela mo;+

mbi yeke sepela iri ti mo lakue lakue nga kpu na kpu.+

 3 Jéhovah ayeke kota nga lo lingbi ti tene a sepela lo ahon tanga ti azo kue;+

zo apeut ti gi nda ti kota ti lo pëpe.*+

ד [Daleth]

 4 Azo ti angoi nde nde kue ayeke gonda akusala ti mo,

ala yeke fa tënë ti akpengba ye so mo sara.+

 5 Ala yeke sara tënë ti gloire ti mo so ayeke kota mingi+

nga mbi yeke gbu li na ndö ti akusala ti mo ti dongo bê.

 6 Ala yeke sara tënë ti akusala* ti mo so apika bê mingi,

nga mbi yeke fa tënë ti kota ti mo.

 7 Na ngoi so ala yeke dabe ti ala na nzoni ti mo so ayeke mingi, ala yeke tene tënë ni mingi mingi,+

nga ala yeke dekongo na ngia ndali ti mbilimbili ti mo.+

 8 Jéhovah abâ mawa ti zo* nga lo sara nzoni bê na zo,+

lo sara ngonzo hio hio pëpe nga tâ ndoye ti lo ayeke kota.+

 9 Jéhovah asara nzoni na azo kue,+

nga a yeke bâ nzoni bê ti lo na yâ ti akusala ti lo kue.

10 Jéhovah, akusala ti mo kue ayeke mû gloire na mo,+

nga azo ti mo so ayeke be-ta-zo ayeke sepela mo.+

11 Ala yeke fa tënë ti gloire ti komandema ti mo ti gbia+

nga ala yeke sara tënë ti ngangu ti mo,+

ל [Lamed]

12 ti sara si azo ahinga akpengba kusala ti mo+

nga na kota gloire ti komandema ti mo ti gbia.+

13 Komandema ti mo ti gbia ayeke ti lakue lakue,

na komandema ti mo ayeke ngbâ na yâ ti angoi nde nde kue.+

14 Jéhovah agbu maboko ti azo kue so aye ti tï;+

azo kue so aba bango, lo mû ala na nduzu.+

15 Lê ti azo kue ayeke gï na mbage ti mo ti ku mo;

mo mû na ala kobe ti ala na ngoi ni.+

16 Mo zi yâ ti maboko ti mo

na mo mû na aye kue so ayeke na fini ye so ala sara nzara ni.+

17 Jéhovah ayeke mbilimbili na yâ ti alege ti lo kue,+

nga lo yeke be-ta-zo na yâ ti aye kue so lo sara.+

18 Jéhovah ayeke nduru na azo kue so ayeke iri lo,+

azo kue so ayeke iri lo na bê ti ala kue.*+

19 Lo mû na azo so akpe mbeto ti lo aye so ala sara nzara ni;+

lo mä toto so ala toto na lo ti mû maboko na ala, na lo zi ala.+

20 Jéhovah abata azo kue so aye lo,+

me lo yeke futi azo ti sioni kue.+

21 Yanga ti mbi ayeke sepela Jéhovah;+

iri ti lo so ayeke nzoni-kue, zia si aye kue so ayeke na fini* asepela ni lakue lakue nga kpu na kpu.+