Tisango Ndo Ti E Na Mo

E wara ngia na salango lisoro na mo na lege ti alembeti ti brochure so. E yeke na beku so a nzere na mo ti manda ye mingi ahon na ndo aTémoin ti Jéhovah. Tongana mo ye, yeda na tisango ndo ti e ti ga ti ba Da ti Royaume ti e. Ba tongana nyen e yeke sala abungbi ti e. Ba tongana nyen e yeke sala ngangu ti kangbi na ambeni zo nzo tene ti mbeni paradis na ndo sese na gbe ti Royaume ti Christ.

Nzapa amu zendo ni. “Na lege ti zendo ti Lo, e yeke ku ayayu ti fini na sese ti fini so mbilimbili aduti na yâ ni.” (2 Pierre 3:13) Asiècle mingi ahon awe. Ngoi ti kungo zendo so aga ndulu ti hunzi. Aye so asi na sese afa ni.

Bazengele Paul atene “teti i ba lango ni aga ndulu,” “zia e bi bê na ndo mba na popo ti e ti wa tele ti duti na ndoye nga na anzo kusala, na ziango pepe ti bungbi tele ti e.” (aHébreu 10:24, 25, NW) E tisa mo ti bata wango ti Paul so na bungbingo legeoko na e.