E Yeke Fa Tene na Ziango na Gbele E Mbeni Ye?
1 Jéhovah Nzapa ayeke na aye so lo zia na gbele lo (És. 55:10, 11) na a wa e ti mu tapande ti lo. (aÉph. 5:1) Ye so andu mbilimbili lege so e yeke sala na kusala ti e ti fango tene. Tongaso, a hunda tene so: “E yeke fa tene na ziango na gbele e mbeni ye?”
2 Fango tene da na da, fango tene na ngoi so aku pepe, kangbingo ambeti, akusala so kue ayeke mbage ti mbeni kusala ti fango tene so nda ni ayeke. Ye oko, e glisa pepe so kusala ti e ayeke gi pepe ti fa tene, me nga ti sala adisciple. (Mat. 28:19, 20) Na pekoni so e lu alê ti tâ tene so andu Royaume, a lingbi e kiri e zia ngu dä na e ba lege ni lakue, na ziango bê ti e na ndo Jéhovah ti tene lo maï ni. (1 aCor. 3:6) A lingbi e sala na bê ti e kue afini vizite na e gi ti to nda ti amandango Bible.
3 E kono yâ ti kusala ti e: Lakue tongana e ba na peko ye so e sala na yâ kusala, bê ti e ayeke na ngia tongana e lingbi ti tene na bê ti e: “Mbi wara ye so mbi zia na gbele mbi.” Na lege ti 2 Timothée 4:5, Paul amu wango so: “Mo sala kusala ti mo kue.” So a hunda mbilimbili ti sala ngangu ti kiri ti ba ala kue so asala nzala ti tene ni. Na yâ ngoi so i leke ti sala na yâ kusala ti Nzapa yenga na yenga, bata mbeni ngoi nde teti salango afini vizite. I gi ti to nda ti mandango Bible na azo so andoye mbilimbili. A lingbi a duti ye so e zia na gbele e tongana e mu mbage ti e na fango tene.
4 Hunda na ambeni wakua ti sala tene ti bibe ti ala tongana ala ba azo so ala manda Bible na ala awara batême na mbeni kota bungbi. Ala wara ngia alingbi peut-être na ngia ti ala so awara batême. Biani, ala wara mbeni pendere ye so ala zia na gbele ala! Mbeni ita-wali Chrétien so asala adisciple afa tene ti bibe ti lo tongaso: “Mingi ahon e yeke sala adisciple, mingi ahon a yeke mu gonda na Jéhovah. Ti ala so ayeda na tâ tene, a ye ti tene fini. Mbi ye mingi ti manda tâ tene na azo; a yeke ye so anzere mingi ahon! . . . Mingi ti ala so ayeda ti ndoye Jéhovah ayeke fadeso atâ ndeko ti mbi.”
5 Bi bê kete so mo wara lege ti mu maboko na mbeni zo ti ga mbeni wakua ti Jéhovah. So ngia si ayeke duti ande! E yeke ko amara ti alengo so tongana e bi tele ti e na yâ kusala ti fango tene na ziango na gbele e mbeni ye ti wara.—aCol. 4:17.