Ababâ na Mama, I Mu Tapande na Amolenge ti I
1 Tene ti Nzapa atene so, “babâ [mama nga] ti zo ti mbilimbili aduti na ngia mingi”. (aProv. 23:24, 25) Ababâ na mama so amu tapande na amolenge ti ala ayeke wara futa ni. Oko ti azo ti mbeni komite ti filiale atene na ndo ti ababâ na mama ti lo: “Tâ tene ayeke la ni fini ti ala kue, na mbi ye si a ga tongaso teti mbi nga.” Ye nyen a lingbi amolenge aba na ndo ti ababâ na mama ti ala?
2 Anzoni salango ye na kota yekiango tele: Ababâ na mama ayeke na kungba ti mu maboko na amolenge ti ala ti lê pendere zo ti yâ ni. Amolenge amanda pepe gi anzoni salango ye na lege ti tene ti yanga; ala yeke manda ni na lege ti ye so ala ba nga na mungo pekoni. Tongaso, asalango ye wa i fa na lë ti ala? Amolenge ti i ayeke mä i na tenengo: “pardon”, “mbi gbu gere ti mo” na “singila”? Na yâ ti sewa ni, i yekia tele mingi? I mä ndo tongana mbeni zo asala tene? Tongana amolenge ti i ayeke sala tene na i, i yeke dengi mê ti mä ala? Na a yeke ba pendere salango ye so na Da ti Royaume nga na ndo so azo ayeke dä pepe, na da?
3 Mbeni dutingo ti yingo so akpengba nga kusala so a sala na wâ: Mbeni ita-koli so asala ngu ahon 50 na yâ kusala ti ngoi kue adabe ti lo: “Babâ na mama ti e aba abungbi na nene ni mingi na ala yeke la ni na wâ na yâ kusala ti fango tene; ye so aduti teti e mbeni pendere tapande.” Tongana nyen i yeke fa na amolenge ti i so i bi bê ti i na ndo dutingo ti yingo ti azo ti da ti i? I yeke ba versê ti lâ oko oko legeoko? I yeke manda ye lakue na sewa? Amolenge ti i ayeke ba i na dikongo Bible nga na ambeti ti Société? Ye nyen ala yeke mä tongana i sambela na sewa ti i? I yeke sala lisoro na ala na ndo ti aye ti yingo so akpengba zo, so na yâ ni i sala nzoni tene ti tâ tene nga na ndo ti kongrégation? I leke na bê ti i ti gue na abungbi kue na ti fa tene na sewa?
4 Ababâ na mama, i gbu li ti e na ndo tapande so i yeke mu na amolenge ti i. I mu na ala tapande ti nzoni ahon, na fade ala yekia ni na yâ ti fini ti ala kue. Wali ti mbeni surveillant so ague na ndo nde nde na so ngu ti lo ahon 70 atene: “Mbi yeke wara ye ti nzoni lakue na lege ti nzoni tapande so ababâ na mama ti mbi so ayeke aChrétien na so asi singo na ndoye azia na mbi. Na mbi sambela mingi ti tene mbi fa lakue na gigi kota bibe ti kiringo singila ti mbi teti ye ti héritier so na salango kusala na ni nzoni na yâ ti asiècle kue so ayeke ga.”