Abungbi ti Kusala ti Juillet

Yenga ti 3 juillet

Bia 113

pn 8: Akete tene. Atokua ti Kusala ti Royaume so alingbi.

pn 17: Angbongboro tene ti buku Prophétie ti Daniel. Diskur so azo amu mbage ti ala dä. I kiri i ba akota mbage ti fini buku ni: akota li ti tene ti chapitre so apika bê, apendere foto, a-encadré ti dango bê na hunzingo ti chapitre oko oko, acarte nga na atableau ti gbu nda ti anzene nzene ye nzoni ahon. Mu tapande ti fango nda ti ye so akpengba zo, so afa mbilimbili na lege wa Mikaël ayeke “londo.” (al. 289-90) Sala lisoro na ndo nene ti gbu ngangu tongana wafango Tene ti Nzapa. (al. 311-12) A lingbi e kue e diko buku so nzoni na e tisa azo so tâ tene anzere na ala ti sala tongaso nga.

pn 20: Ala soro nzoni mbage ni. Diskur na lege ti Tour ti Ba Ndo ti 1 novembre 1997, al. 15-18, § 3-16. Fa peko ti atene ti apionnier so aba so ala sala kusala na fini ti ala na lege so ayeke pendere nga so aga na ye ti nzoni mingi ahon. Wa zo kue ti ba lege so azi ti ga pionnier.

Bia 182 na sambela ti nda ni.

Yenga ti 10 Juillet

Bia 107

pn 10: Akete tene.

pn 15: “E Fa Iri ti Jéhovah na Ndo Sese Kue.” Na lege ti ahundango nga na akiningo tene. Yôro na yâ ni ambeni bibe na ndo ti fango tene na ngoi kue so azi ti buku Notre ministère, al. 94-5.

pn 20: Sorongo ye ti e na lege ti ndara na ndo kaïngo kobela na lege ti mênë pepe. (Kus. 15:28, 29) Mbeni ancien so alingbi asala tene ti nene ni ti sû ye kue na ndo carte “Instructions médicales/Pas de sang.” Atene so asû na gbe ti yingo so azia na yâ ti Psaume 19:8 (19:7, NW) afa so fango lege so ayeke na Kusala 15:28, 29 ayeke mbeni fango na gigi ndia ti mbilimbili ti Nzapa na ndo ti mênë. Awavorongo lo be-ta-zo asala ngangu ti kpe ni. Mbeti so afa ye so bê ti e aye na ndo ni na lo sala tene na place ti e tongana e lingbi pepe ti sala ni. (Ba aProverbe 22:3.) Carte ni amu lege ti fa tene so e kiri e tene na ndo ti kengo mênë. Na peko ti bungbi, fade a yeke mu fini carte na aTémoin so awara batême awe so aye ti wara ni, na ala so ayeke na akete molenge so ade ti wara batême pepe ayeke wara Carte d’identité teti molenge oko oko. A lingbi asû ni fade fade pepe. A lingbi zo oko oko asû ni nzoni na da ti lo na lo sû maboko na gbe ni. Ancien ni aluti na ndo nene ti tambela na ni lakue. Tongana ala ye, fade awafango tene so ade ti wara batême pepe asû teti ala mveni nga teti amolenge ti ala ambeni tene so alingbi na dutingo ti ala nga na aye so ala mveni amä na bê dä na salango si a gue oko na tene ti carte ni. Fade azo so amu li ni na mandango buku ayeke ba na lege ti mbeti ti molongo ti iri ti azo kue ti centre ti ala tongana azo kue awara maboko so a hunda ti sû na atene ti carte ni kue.

Bia 155 na sambela ti nda ni.

Yenga ti 17 juillet

Bia 12

pn 10: Akete tene. Tondo na ndo ti tene ti acompte.

pn 15: Aye so atia kongrégation.

pn 20: “E Sala Kusala na Atract ti To Nda ti Ambeni Lisoro.” Sala tene na ndo ti atract osio so a sala kusala mingi na ni na yâ ti territoire ti i. Teti tract oko oko, hunda mbeni tene so tract ni akiri tene na ni, na pekoni hunda azo so aga ti fa ambeni lege ti sala kusala na hundango tene ni ti ga na mbeni lisoro nga, tongana lege ayeke dä, ti hunda ti manda Bible na zo ni. Adémonstration na lege ti use ti atract so.

Bia 57 na sambela ti nda ni.

Yenga ti 24 juillet

Bia 110

pn 10: Akete tene na aye so asi na fango tene.

pn 15: “E Bi Bê na Tene ti Jéhovah Lâ Oko Oko.” Diskur na mungo mbage ti azo so aga. Wa zo oko oko ti sala nzoni kusala na brochure Gingo Nda ti Tene ti Nzapa Lâ Oko Oko—2000. Fa peko ti abibe ti akozo tene ni, al. 3-4. Tisa awafango tene ti sala tene na ndo ti akota ngangu so ala yeke sala ti gi nda ti versê ni na tene ti ndo ni lâ oko oko.

pn 20: “Ti Mo, Mo Yeke Duti Ande Dä?” Diskur so mbeni ancien asala ni so asala nga tene ti aye so asi. Ngbele ye na ngoi so a sû Bible, akota bungbingo tele ayeke kota ye mingi ti kpengba mabe ti awakua ti Nzapa. (Ba abuku Prédicateurs, l. 254, § 1-3, na Étude perspicace, vol. 1, l. 882, § 3.) Wa zo kue ti to nda ti leke tele fadeso si lo gue ande na kota bungbi ti district ti lango ota ti ngu so. Tisa azo so aga ti fa peko ti aye ti nzoni so ala wara na lege ti yingo teti so ala sala ngangu ti gue na akota bungbi so.

Bia 157 na sambela ti nda ni.

Yenga ti 31 juillet

Bia 16

pn 12: Akete tene. Dabe awafango tene ti bi rapport ti kusala ti ala ti juillet. Fa abrochure so e yeke fa na tene na août. Diskur na adémonstration. Fa abrochure so kongrégation ayeke na ni, na wa awafango tene ti wara ni teti fango tene.

pn 15: A ye ti tene nyen ‘ti ba lege ti mbeni zo’? Diskur so mbeni ancien asala ni na lege ti La Tour de Garde ti 15 juillet 1999, al. 29-31.

pn 18: Tongana nyen ti mu maboko na mbeni zo ti hinga tâ lege ti vorongo. Lisoro na popo ti mbeni serviteur ti mungo maboko so ayeke na akode na awafango tene use wala ota so ayeke nga na akode mingi: ngoi na ngoi, azo ayeke yekia aTémoin ti Jehovah. Ye oko, ala zia kangbi pepe na popo ti lege ti vorongo ti e na ti ala. I kiri i ba akota tene bale oko so ayeke na yâ ti Réveillez-vous! ti 8 mai 1995, l. 20. Fa tongana nyen atene so ge alingbi ti mu maboko na mbeni zo so ayeke na nzobe ti hinga kangbi so ayeke na popo ti tâ lege ti vorongo na ti wataka ni, nga nene ti manda ye na lege ti awakua ti Jehovah na ti bungbi na ala.

Bia 60 na sambela ti nda ni.