Ye ti tene na ndo apériodique

Tour ti Ba Ndo 1 mai

“Na ndo ti sese kue, azo kutu mingi ayeke bâ pasi ngangu mingi ndali ti nzinga. Ti mo, nyen la a lingbi ti sara ti mû maboko na ala? [Zia zo ni akiri tënë. Na pekoni, diko 1 Pierre 2:21.] Périodique so afa tongana nyen e lingbi ti mû tapande ti Jésus na ndo bingo bê na awanzinga.”

Tour ti Ba Ndo 15 mai

“Mo pensé so a yeke nzere na mo ande ti wara mara ti dutingo so a fa ni na yâ ti versê so ge? [Diko 2 Pierre 3:13. Na pekoni, zia zo ni akiri tënë.] Périodique so afa ye so afini yayu na fini sese ni aye ti tene. A fa nga tongana nyen fini ayeke duti ande nde mingi na ngoi so Nzapa ayeke sara si aye so lo leke ngbanga ti sese aga tâ tënë.”

Réveillez-vous! mai

“Ambeni zo apensé so ti tene zo abâ nzoni na yâ ti sese ti laso, a lingbi lo sara ye na ngangu. Nde na so, bâ ye so Jésus afa ge. [Diko Matthieu 5:5, 9.] Mo yeda na ye so e diko? [Zia zo ni akiri tënë.] Réveillez-vous! so agboto lê na ndo ti aye ti nzoni ota so zo alingbi ti wara tongana lo gi ti duti na siriri na azo.” Gboto lê na ndo ti article so ato nda ni na lembeti 28.

Tour ti Ba Ndo 1 juin

“Na yâ ti mingi ti ando, azo ayeke ne lani azo so aga mbakoro awe, legeoko tongana ti so e lingbi ti bâ ni na yâ ti ndia so ge. [Diko Lévitique 19:32.] Ti mo, laso azo angbâ ti ne azo so aga mbakoro awe? [Zia zo ni akiri tënë.] Périodique so afa tongana nyen Nzapa ayeke bi bê na azo so aga mbakoro awe. A fa nga tongana nyen e lingbi ti sara tongaso.”

Réveillez-vous! juin

“Kpale ti aterroriste ayeke fini ye pëpe. Ye oko, laso kpale so amû ndo ti sese kue na a ndu fini ti mingi ti azo. Ti mo, mo tene nyen na ndo ni? [Zia zo ni akiri tënë.] Réveillez-vous! so afa tongana nyen Bible afa so fade kpale ti aterroriste ayeke hunzi. A fa nga lege so Nzapa ayeke zia ande tâ siriri na ndo sese.” Diko Michée 4:4.