Ye ti tene na ndo apériodique

Tour ti Ba Ndo 1 juin

“Na yâ ti mingi ti ando, a yeke ne lani ambakoro tongana ti so a fa na yâ ndia so, so a sû ni giriri na yâ Bible. [Diko Lévitique 19:32.] Mo bâ so a ngbâ ti ne ala nzoni laso? [Zia zo ni akiri tënë.] Périodique so afa lege so Nzapa ayeke bi bê na ambakoro nga lege so e lingbi ti sara tongaso nga.”

Tour ti Ba Ndo 15 juin

“Mo pensé so e lingbi ti duti na ngia atâa akpale so e yeke wara? [Zia zo ni akiri tënë.] Périodique so afa na e mbeni ye so alingbi ti mû maboko na e ti hon ndo ti akpale ti e. A fa nga ngangu so tâ beku ayeke mû ni na zo.” Diko Apocalypse 21:3, 4.

Réveillez-vous! juin

“Mo bâ pëpe so akpale tongana ngu-nzapa so apika mingi nga na kota pupu so afuti ndo, so asi ade ti ninga mingi pëpe, agboto lê na ndo nene ti mä gbotongo mê? [Zia zo ni akiri tënë.] Article so afa ye so azo so asö kuâ amanda na peko ti so mbeni kota pupu so aga na ngu afuti kodoro ti ala. A fa nga mbeni gbotongo mê so a yeke nzoni e kue e mä ni laso.” Gboto lê na ndo article so ato nda ni na lembeti 14.

Tour ti Ba Ndo 1 juillet

“Na yâ ti sese ti laso, so aye ti wusuwusu ayeke dä mingi, azo mingi ayeke hunda tere ti ala: ‘Ngbanga ti nyen fini ti azo asi singo na akpale? Tongana Nzapa ayeke dä, ngbanga ti nyen lo sara mbeni ye pëpe ti zi azo na yâ ti pasi?’ Mo hunda tere ti mo ti hinga nda ni awe? [Zia zo ni akiri tënë.] Na yâ ti périodique so, Bible akiri tënë polele na ahundango tënë so.” Diko 2 Timothée 3:16.

Réveillez-vous! juillet

“Laso, azo ayeke wara akpale mingi na yâ ti amariage ti ala. Ti mo, azo so asara mariage awe alingbi ti bâ nzoni na sarango ye alingbi na awango so ge? [Diko aEphésien 4:32. Na pekoni, zia zo ni akiri tënë.] Réveillez-vous! so afa akpengba-ndia so amû maboko na azo a ninga awe, na so alingbi ti mû maboko na e ti wara ngia na yâ mariage ti e.”