Kota zo so ayeke bâ tënë ti seni agboto mê ti azo na ndö ti akpale so aréseaux sociaux apeut ti ga na ni na amaseka: Bible atene nyen na ndö ni?

Na lango 23 ti mai 2023, mbeni kota zo so ayeke bâ tënë ti seni na États-Unis agboto mê ti azo na ndö ti akpale so aréseaux sociaux ayeke ga na ni na mingi ti amaseka.

• “Atâa so aréseaux sociaux apeut ti ga na aye ti nzoni na amolenge nga na amaseka, aye mingi afa so aréseaux sociaux apeut nga ti ga na akota kpale na ndö ti seni nga na nzoni duti ti amolenge nga na ti amaseka.”—Social Media and Youth Mental Health: The U.S. Surgeon General’s Advisory, 2023.

Mbeti ni afa so arecherche so a sara afa araison so ndali ni e yeke gi bê ti e.

• Mingi ni, amolenge so ayeke na popo ti ngu 12 na 15 “so ayeke mû l’heure 3 chaque jour na ndö ti aréseaux sociaux apeut ti wara kpale ti kobela ti li, na tapande dépression nga na gingo bê.”

• Ti amolenge so ayeke na ngu 14 so “ayeke sara kua mingi na aréseaux sociaux ayeke lango nzoni ape, azo ayeke gi yanga ti ala na ndö ti Internet, ala yeke na nzoni bango ndo na ndö ti ala wani ape, ala bâ so ala yeke ye oko ape nga ala yeke na dépression. Ye ni so ayeke si mingi ni na amolenge-wali ahon amolenge-koli.”

Tongana nyen la ababâ na amama apeut ti bata amolenge ti ala contre akpale ni so? Bible amû anzoni wango na ndö ni.

Ye so ababâ na amama apeut ti sara

Sara mbeni ye. So mo yeke babâ wala mama, gi ti hinga akpale so aréseaux sociaux apeut ti ga na ni nga décidé wala molenge ti mo ayeke sara kua na ni wala pëpe.

• Mama-ndia ti Bible: “Fa na molenge lege so a yeke nzoni lo mû.”—aProverbe 22:6, kete tënë na gbe ni.

• Ti hinga ye mingi na ndö ni, diko article “Enfants et réseaux sociaux (partie 1) : Mon enfant devrait-il utiliser les réseaux sociaux ?”

Tongana mo yeda ti tene molenge ti mo asara kua na aréseaux sociaux, gi ti hinga akpale so lo peut ti wara nga na aye so lo yeke sara na ndö ti Internet. Mo peut ti sara ni tongana nyen?

Bata molenge ti mo contre asioni ye. Aidé molenge ti mo ti hinga aye so ayeke sioni na ndö ti Internet nga tongana nyen la lo peut ti kpe ni.

• Mama-ndia ti Bible: “Zia a sara même tënë ti lango-sioni, tënë ti sioni ye nde nde kue wala ti bê ti warango ye na popo ti ala pëpe. Nga, zia a sara tënë ti asarango ye ti kamene, abuba tënë nga na angia ti buba na popo ti ala pëpe.”—aÉphésien 5:3, 4.

• Ti wara anzoni wango, diko article “Enfants et réseaux sociaux (partie 2) : Protégez votre adolescent des dangers des réseaux sociaux.”

Zia alimite. Na tapande, lu ndia na ndö ti ngoi nga na l’heure oke la molenge ti mo apeut ti sara kua na aréseaux sociaux.

• Mama-ndia ti Bible: “Zia ala sara hange mingi na tambela ti ala si aduti . . . tongana ti azo ti ndara, na sarango kusala nzoni na ngoi ti ala.”—aÉphésien 5:15, 16.

• Sara kua na adessin abougé na lê ti tableau Zia si aréseaux sociaux ahanda mo ape ti aidé molenge ti mo ti hinga ndani so mo zia na lo alimite.