Nyen la Royaume ti Nzapa ayeke sara ande ndali ti bira?

Bira amû yâ ti dunia kue na asara si azo ayeke bâ pasi. Bâ ambeni rapport so a fa na gbe ni ge:

• “Wungo ti azo so akui ndali ti bira na yâ ti ngu so ahon ayeke mingi ahon ti ambeni ngu ni depuis na ngu 1994 ti ga na ni, surtout ndali ti bira ti Éthiopie nga na Ukraine.”—Institut de recherche sur la paix d’Oslo, 7 juin 2023.

• “Bira ti Ukraine ayeke mbeni oko ti abira so akiri aga sioni mingi na yâ ti ngu 2022. Na yâ ti dunia kue, sarango ye ti ngangu na zo so aye ti poroso aga na ni ague na li ni 27%, nga ajoué mingi na ndö ti azo ahon milliard oko na ndambo.”—The Armed Conflict Location & Event Data Project (ACLED), 8 février 2023.

Bible amû beku na azo. A tene so “Nzapa ti yayu ayeke sigi na mbeni royaume so a yeke futi ni lâ oko pëpe.” (Daniel 2:44). Na gbe ti Royaume ni, wala gouvernement ni, Nzapa ayeke sara ande si “abira ahunzi na ndö ti sese kue.”—Psaume 46:9.