Ti duti zo so ate nyama ape nga so ake aye kue so a sara na nyama: Bible atene nyen na ndö ni?

Na yâ ti dunia kue, anzere na mingi ti azo ti ga azo so ate nyama ape nga so ake aye kue so a sara na nyama.

• “Véganisme wala azo so ate nyama ape nga so ake aye kue so a sara na nyama ayeke mbeni fason so azo ayeke pensé na ni nga so ala yeke vivre na ni ti sara ye kue so ala peut ti sara ti kpe ti sara sioni na anyama, ti te ni wala ti utilisé ni ti sara na bongo wala ti sara na ambeni ye nde.”—The Vegan Society.

So ambeni zo ate nyama ape ayeke gï pëpe ndali ti so ala yeke gi bê ti ala na ndö ti nzoni duti ti anyama, me a yeke nga ndali ti so ala ye ti bâ lege ti aye so angoro e, seni ti ala wala ndali ti araison ti bungbi ti Nzapa ti ala.

• “Véganisme ayeke nde na mingi ti ambeni régime ndali ti so azo ni abâ ni tongana mbeni fason ti vivre na ni, desizion so abâ zo oko oko, nga a yeke mbeni ye so apeut ti mû lege na zo ti changé dunia ti tene aga nzoni.”—Britannica Academic.

Eskê véganisme la ayeke solution ti aproblème so ayeke na yâ ti dunia? Bible atene nyen na ndö ni?

Bango ndo ti Lo so acréé e na ndö ti azo nga na anyama

Bible afa so Jéhovah Nzapa,a so acréé e, abâ azo na nene ni ahon ahon anyama nga so lo mû na azo komandema na ndö ti anyama (Genèse 1:27, 28). Asi na mbeni ngoi, Nzapa amû lege na azo ti te anyama (Genèse 9:3). Me, lo ke ti tene zo asara sioni na anyama.—aProverbe 12:10.

Ti gue oko na ye so Bible afa, zo oko oko la ayeke mû desizionb ti te nyama wala pëpe. Choix ti e la ayeke sara pëpe si e ga nzoni na lê ti Nzapa (1 aCorinthien 8:8). Zo oko adoit pëpe ti kasa mbeni zo ndali ti ye so lo soro ti te.—aRomain 14:3.

Ye so ayeke sara si gigi ti e ti kekereke aga nzoni

Bible afa so ayeke pëpe achoix ti e la ayeke leke aproblème ti dunia so. Mingi ti aproblème ni ayeke ga na lege ti aye ti poroso, tënë ti nzoni duti ti azo nga na kpale ti konomi ti dunia so, nga zo oko apeut ti leke ni ape. Bible atene:

• “Ye so aba awe, a peut ti kiri na ni droit pëpe.”—Zo-ti-fa-tene 1:15.

Lo so acréé e ayeke leke ande akpale so e wara. Bible asara kua na lege ti fä ti fa ye so lo yeke sara ande.

• “Na pekoni, mbi bâ mbeni fini yayu na mbeni fini sese; ndali ti so ngbene yayu nga na ngbene sese ni ahon awe, nga ngu-ingo ayeke dä mbeni pëpe.”—Apocalypse 21:1.

Nzapa ayeke zi ande agouvernement ti azo, wala “ngbene yayu” na lo yeke zia na place ni “mbeni fini yayu,” so ti tene, gouvernement ti lo so ayeke na yayu. Royaume ti lo ayeke futi ande “ngbene sese,” so ti tene azo ti sioni, na lo yeke komande ande na ndö ti “mbeni fini sese,” wala na ndö ti azo so ayeda na bê ti ala wani na komandema ti Nzapa.

Gï na gbe ti Royaume ti Nzapa la azo ayeke manda ti duti na siriri na anyama nga ti bâ lege ti aye so angoro e nzoni.—Ésaïe 11:6-9.