panitan/stock.adobe.com
KAPA TI TISANGO AZO NA MÉMORIAL
Jésus ayeke hunzi ande yere
Na temps so Jésus ayeke lani na ndö ti sese, lo fa so lo ye azo mingi, surtout azo so ayeke awayere nga na azo so ayeke na yâ ti aye ti vundu (Matthieu 9:36). Lo mû même lani fini ti lo na sandaga ndali ti nzoni ti azo (Matthieu 20:28; Jean 15:13). Na yâ ti kete ngoi, lo yeke kiri ande ti fa so lo ye azo mingi na lege so lo yeke sara kua na komandema nga na ngangu so lo yeke na ni tongana Gbia ti Royaume ti Nzapa ti hunzi yere na ndö ti sese kue.
Bible afa ye so Jésus ayeke sara ande na lege ti apendere tënë so:
“Zia si lo gbu koko ti azo ti mawa so ayeke na popo ti azo ni, zia si lo sö amolenge ti awayere.”—Psaume 72:4.
Tongana nyen la e peut ti fa so e kiri singila ndali ti aye kue so Jésus asara ndali ti e laso nga na yâ ti angoi so ayeke ga? Ti gue oko na atënë so ayeke na Luc 22:19, Jésus atene lani na adisciple ti lo ti tene ala dabe ti ala na kuâ ti lo. Ndani la ngu oko oko, aTémoin ti Jéhovah ayeke bungbi ndo oko ti dabe na kuâ ti lo. E tisa mo ti bungbi legeoko na e ti dabe na kuâ ti Jésus na dimanche 24 mars 2024.