Jésus ayeke hunzi ande abira

Na temps so Jésus ayeke lani na sese, lo fa so lo ye azo mingi na lege so lo mû même fini ti lo ndali ti ala (Matthieu 20:28; Jean 15:13). Fafadeso, lo yeke kiri ti fa so lo ye azo na lege so lo yeke sara kua na komandema so lo yeke na ni tongana Gbia ti Royaume ti Nzapa ti “sara si abira ahunzi na ndö ti sese kue.”—Psaume 46:9.

Bâ tongana nyen la Bible afa ye so Jésus ayeke sara ande:

• “Lo yeke zi awayere so atoto ti tene a mû maboko na ala, nga na zo ti mawa na zo kue so zo ti mungo maboko na lo ayeke dä pëpe. Lo yeke bâ mawa ti azo ti mawa nga na ti awayere; lo yeke sö fini ti awayere. Lo yeke zi ala na yâ ti pasi nga na yâ ti ye ti ngangu so a yeke sara na ala.”—Psaume 72:12-14.

Tongana nyen la e peut ti fa so e kiri singila ndali ti aye kue so Jésus asara ndali ti e laso nga na yâ ti angoi so ayeke ga? Na Luc 22:19, Jésus atene lani na adisciple ti lo ti tene ala dabe ti ala na kuâ ti lo. Ndani la ngu oko oko, aTémoin ti Jéhovah ayeke bungbi ndo oko ti dabe na kuâ ti lo. E tisa mo ti bungbi legeoko na e ti dabe na kuâ ti Jésus na dimanche 24 mars 2024.

Gi ti wara mbeni ndo so a yeke sara Mémorial ni dä