Eskê aTémoin ti Jéhovah ayeke na akota zo ti nzapa so ala yeke payé ala?

A-Témoin ti Jéhovah ayeke mû peko ti tapande so akozo Chrétien azia; na aTémoin ti Jéhovah, tënë ti akota zo ti nzapa na ti asenge zo ayeke dä ape. Na ngoi so ala wara batême, ala kue aga awafango tënë ti Nzapa, so ti tene ala kue ayeke mû mbage na kua ti fango tënë ti Nzapa na azo. A-Témoin ti Jéhovah akangbi yâ ti terê ti ala na yâ ti acongrégation nde nde, so na yâ ni a yeke wara azo 100 tongaso. Na yâ ti acongrégation oko oko, ambeni koli so agbu Tënë ti Nzapa ngangu ayeke sara kua tongana a-ancien (Tite 1:5). Ala yeke sara kua ti ala sân ti tene a payé ala.