Dikongo ye na tâ lege ni

1 Timothée 4:13

NA NDURU TËNË: Diko na kota go tâ gï ye so a sû na lê ti mbeti ni.

LEGE TI SARANGO NI:

• Leke terê nzoni. Gbu li na ndö ti ndani so a sû mbage so mo ye ti diko so. Tara terê ti mo ti diko agroupe ti atënë, me gï lê ti atënë oko oko ape. Sara hange si mo yôro ambeni tënë nde dä pëpe, mo sauté ambeni tënë ni ape wala mo diko ambeni tënë nde na place ti ambeni ape. Bi bê ti mo na ndö ti akpoto, apoint nga na avirgule.

• Diko atënë oko oko atoto na lege ni. Tongana mo hinga pëpe tongana nyen la a yeke dï mbeni mot, gi ni na yâ ti bakari, mä audio ti mbeti ni, wala hunda mbeni zo so ahinga ti diko ye nzoni ti aidé mo.

• Sara tënë polele. Zia li ti mo angbâ na nduzu nga zi yanga ti mo kota ti sara si lê ti atënë ni asigi polele. Sara kue ti dï lê ti atënë ni oko oko kue.