Harmaguédon: Azo atene a yeke ti lo nyen?

“Na ala bungbi ala na ndo so ala di iri ni na yanga ti Hébreu, Harmaguédon.”​—APOCALYPSE 16:16, La Sainte Bible en sango.

TI MO, tongana mo mä tënë “Harmaguédon,” nyen la aga na li ti mo nyen? Peut-être mo yeke pensé na mbeni kota ye ti ngangu so ayeke si ande. Atâa so tënë “Harmaguédon” asigigi gi fani oko na yâ ti Bible, awagosinga nga na amokonzi-nzapa ayeke di ni mingi na yanga ti ala.

Bango ndo ti azo na ndo ti Harmaguédon alingbi tere na ti Bible? A yeke nzoni ti hinga kiringo tënë ni. Senge ape, ngbanga ti so ti hinga tâ tënë na ndo ti Harmaguédon ayeke sara si mbeto ayeke gbu mo senge senge pëpe, ayeke zi lê ti mo na ndo ti aye so ayeke ku e azo, nga ayeke changé bango ndo ti mo na ndo ti Nzapa.

Bâ ahundango ndo ota so ge, na haka bango ndo so azo ayeke na ni na ndo ti Harmaguédon na ye so Bible afa biani.

1. AZO LA AYEKE GA NA HARMAGUÉDON?

Awagosinga na ambeni wandara atene mingi ni so tënë “Harmaguédon” aye ti fa akpale so azo la ayeke na gunda ni. Na tapande, ala tene Kozo Bira so Amû Sese Kue nga na Use ni ayeke Harmaguédon la. Na peko ti abira so, azo asara mbeto ti tene Amerika na Union soviétique atokua anene ngombe na ndo ti mba. Laso, awandara so asara mbeto ndali ti chauffengo ti ndo so amû ndo ti sese kue ayeke gboto mê ti azo atene chauffengo ti ndo ni so ayeke ga na Harmaguédon.

Ti azo ni so: Azo la ayeke sara ande si sese na aye kue so ayeke na ndo ni ayeke ngbâ wala pëpe. Tongana angorogbia asara ye na ndara ape, sese ni ayeke buba biaku biaku.

Ti Bible: Nzapa ayeke zia ande lege na zo ape ti futi sese ni. Bible adë bê ti e atene so Jéhovaha asara sese ni pëpe “ti ga ye so afuti,” me lo leke sese so “si azo alingbi duti dä”. (Ésaïe 45:18). Ahon ti tene lo zia si azo afuti sese ni kue kue kue, Nzapa ayeke “buba, wala ayeke futi, azo so ayeke buba sese.”​—Apocalypse 11:18.

2. YENGINGO TI SESE WALA SUKUNGO TI NGU, NI LA AYEKE HARMAGUÉDON NI?

A si ka so awagosinga ayeke di iri ti “Harmaguédon” ti fa na mara ti aye tongaso. Na tapande, na ngu 2010, mbeni mbeti-sango asara tënë ti “‘Harmaguédon’ so asi na Haïti.” Lo tene tongaso ngbanga ti kota yengingo ti sese so asi lani kâ na so afâ azo mingi, azia azo na yâ ti vundu nga abuba aye gbani gbani. Awagosinga nga na ambeni zo so ayeke sigigi na afilm ayeke sara kua na tënë “Harmaguédon” ti fa gi na aye so asi awe so pëpe me nga ti fa na aye so ala tene ayeke si ande. Na tapande, ala fa so mbeni kota tongoro ayeke ga ande ti gu sese ti e na ti sungba ni.

Ti azo ni so: Harmaguédon ayeke mbeni ye so ayeke fâ azo kue, azo ti nzoni na azo ti sioni. Zo alingbi ti kpe ni ape.

Ti Bible: Harmaguédon ayeke pëpe mbeni ye so ayeke futi azo gi kirikiri tongaso, me gi azo ti sioni la ayeke kui ande. Bible amû zendo so na yâ ti kete ngoi “fade azo ti sioni ayeke mbeni pëpe; fade mo bâ ndo so ala duti dä, na ala yeke mbeni pëpe.”​—Psaume 37:10.

3. NZAPA AYEKE FUTI ANDE TÂ LO SESE NI NA HARMAGUÉDON?

Awamabe mingi atene so Nzapa na azo ti lo ayeke tingbi tere na Satan na azo ti lo, na ye so ayeke futi sese ti e biaku biaku. Mbeni gingo nda ti ye so ambeni wandara asara na tere ti azo ti Amerika abâ so na popo ti ala 100, azo 40 atene so “bira ti Harmaguédon” ayeke futi ande dunia so.

Ti azo ni so: Azo ayeke ngbâ kpu na kpu na ndo ti sese ape, na même sese ni kue ayeke ngbâ lakue lakue ape. Nzapa asara azo ti tene a si na mbeni ngoi ala kue akui.

Ti Bible: Lo fa polele so Nzapa ‘aleke gere ti sese, si a yengi lâ oko pëpe.’ (Psaume 104:5). Na ndo ti azo so ayeke na ndo ti sese ni, lo tene so ‘sese ni ayeke ga ye ti héritier ti azo ti mbilimbili, na fade ala yeke duti dä lakue.’​—Psaume 37:29.

Biani, bango ndo ti Bible ayeke tâ nde mingi na ti azo na ndo ti Harmaguédon. Tongana a yeke tongaso, Harmaguédon ni ayeke nyen biani?

[Kete tënë na gbe ni]