Kiringo tënë na ahunda ti azo

Zabolo abâ gigi tongana nyen?

Nzapa aleke Zabolo pëpe. Me lo leke lani mbeni ange so na pekoni aga Zabolo, so a iri nga lo Satan. Na yâ ti mbeni tënë ti lo, Jésus afa so Zabolo ayeke lani nzoni, lo sara sioni oko pëpe. So aye ti fa so na tongo nda ni, Zabolo ayeke lani mbeni nzoni ange ti Nzapa.​—Diko Jean 8:44.

Tongana nyen si mbeni ange aga Zabolo?

Ange so aga Zabolo asoro lani ti ke yanga ti Nzapa na lo pusu Adam na Ève ti mû peko ti lo. A yeke tongaso si lo wani lo sara si lo ga Satan, so aye ti tene “Wato.”​—Diko Genèse 3:1-5; Apocalypse 12:9.

Legeoko tongana ti azo nga na ti tanga ti a-ange, ange so aga Zabolo ayeke lani na liberté ti soro ti sara ye so ayeke nzoni wala ti sara ye so ayeke sioni. Me lo zia si nzara ti tene azo avoro lo adü na yâ ti bê ti lo. Lo sara nzara mingi ti wara gloire ahon ti nzere na lê ti Nzapa.​—Diko Matthieu 4:8, 9; Jacques 1:13, 14.

Ngangu wa Zabolo angbâ ti sara lakue na ndo ti azo? A lingbi mo sara mbeto ti lo? Mo lingbi ti wara akiringo tënë ni na yâ ti Bible.