Bible atene ti lo nyen?

Zabolo ayeke zo wa wala nyen?

TI MO, Zabolo ayeke . . .

• Mbeni yingo?

• Gi sioni so ayeke na yâ ti bê ti zo?

• Mbeni ye so azo la asigigi na ni?

YE SO BIBLE AFA

Zabolo asara tënë lani na Jésus nga lo ‘tara’ lo. (Matthieu 4:1-4). Tongaso, Zabolo ayeke dä biani, na lo yeke pëpe sioni so ayeke na yâ ti bê ti zo. Lo yeke mbeni sioni yingo.

AMBENI YE WA LA BIBLE AFA NA NDO NI?

• Na tongo nda ni, Zabolo ayeke lani mbeni nzoni ange, me “lo ngbâ na yâ ti tâ tënë pëpe”. (Jean 8:44). Lo ga zo ti mvene nga lo ga wato ti Nzapa.

• Ambeni ange nga amû peko ti lo.​—Apocalypse 12:9.

• Zabolo avuko lê ti gbâ ti azo ti tene ala pensé so lo yeke dä ape.—2 aCorinthien 4:4.

Eskê Zabolo alingbi ti duti na ngangu na ndo ti azo?

AMBENI ZO ATENE so Zabolo alingbi ti duti na ngangu na ndo ti azo ape, me ambeni ayeke sara mbeto ti tene asioni yingo alï na yâ ti ala. Ka mo, mo tene ti mo nyen?

YE SO BIBLE AFA

“Dunia so kue ayeke na gbe ti Zo ti sioni.” (1 Jean 5:19). Zabolo ayeke na kota ngangu na ndo ti azo ti dunia so, me a yeke azo ti yâ ti dunia ni kue la si lo yeke na ngangu na ndo ti ala ape.

AMBENI YE WA LA BIBLE AFA NA NDO NI?

• Zabolo ayeke sara ye na handa ti wara na gbâ ti azo.—2 aCorinthien 11:14.

• A lingbi ti si so asioni yingo alï na yâ ti mbeni zo.—Matthieu 12:22.

• Na lege ti mungo maboko ti Nzapa, mo lingbi ti ‘dö sese na Zabolo’.—Jacques 4:7, Mbeti ti Nzapa, Tënë so amu fini.