Mbeni fini membre ti Bebungbi

Na mercredi na ndapre na lango 5 ti septembre, ngu 2012, a tene na asewa ti Béthel ti Amerika na ti Canada so a wara mbeni fini membre ti Bebungbi ti aTémoin ti Jéhovah. A yeke Ita Mark Sanderson. Lo komanse kua ti lo ti membre ti Bebungbi na lango 1 ti septembre, ngu 2012.

Babâ na mama ti Ita Sanderson ayeke aChrétien, lo kono na San Diego, Californie, na Amerika. Lo wara batême na lango 9 ti février, ngu 1975. Lo komanse kua ti pionnier na lango 1 ti septembre, ngu 1983 na Saskatchewan, na Canada. Na décembre ti ngu 1990, lo gue na mbasambala klase ti Ekole ti Formation Ministérielle (so a iri ni fadeso Ekole ti aita-koli so ayeke kumbamba) na Amerika. Na avril, ngu 1991, a tokua Ita Sanderson ti sara kua tongana pionnier spécial na Terre-Neuve, na Canada. Na pekoni so lo sara kua tongana suppléant ti surveillant ti circonscription, a tisa lo ti ga membre ti sewa ti Béthel ti Canada na février, ngu 1997. Na novembre ti ngu 2000, a tokua lo na Béthel ti Amerika. Kâ, lo sara kua na Ndokua ti sango na ndo ti ada-nganga na pekoni lo sara kua na Bureau ti service.

Na septembre 2008, Ita Sanderson ague na Ekole ti amembre ti Komite ti Filiale na pekoni a tokua lo membre ti Komite ti Filiale na Philippines. Na septembre 2010, a tisa lo ti kiri na Amerika na lo mû maboko na Komite ti Bebungbi so abâ tënë ti kusala.