Abibe na ndo Kasete Vidéo La Bible—Une force dans votre vie
Na kiringo tene na ahundango tene so ge, fa na gigi tene ti bê ti mo na ndo tokua so ayeke na yâ vidéo so. (1a) Ye nyen amu ngangu na azo kutu mingi ti gbian fini ti ala si a ga nzoni ahon? (aHéb. 4:12) (1b) Ye nyen a hunda ti wara ngangu so na ti zia ni a sala kusala na yâ fini ti mbeni zo? (2) A fa peko ti aversê wa ti Bible ti mu maboko na azo so asala mariage (a) ti maï lisoro ti ala na (b) ti hon ndo ti ngonzo ti ala? (3) Tongana nyen bango ndo ti Chrétien na ndo mariage agbian fini ti sewa ti ga nzoni? (aEph. 5:28, 29) (4) Tongana nyen Jéhovah Nzapa azia mbeni pendere tapande na yâ mungo na amolenge aye ota so ala kue aye ti wara na ahunda ni, na tongana nyen ababâ na mama laso alingbi ti sala tongaso? (Marc 1:9-11) (5) Ngbanga ti nyen a lingbi gi ababâ na mama si amanda Bible na amolenge ti ala, na ye nyen afa nene ti sala ni lakue? (Deut. 6:6, 7) (6) Tongana nyen ababâ na mama alingbi ti sala si mandango ye na sewa anzere? (7) Nde na mandango Bible, mbeni ye nde wa Tene ti Nzapa apusu ababâ na mama ti mu na amolenge ti ala? (8) Tongana nyen wango ti Bible amu maboko na asewa ti luti na gbele kpale ti konomi? (9) Tongana a sala ye alingbi na ni, akpengba-ndia wa ti Bible amu maboko ti sala si zo awara akpale ti seni mingi pepe? (10) Tongana nyen akpengba-ndia so ayeke na yâ Tene ti Nzapa agbian ye na yâ fini ti mo? (11) Ngbanga ti nyen bango vidéo so alingbi ti mu maboko na mbeni zo so mo sala vizite na lo na yâ fango tene ti yeda ti manda Bible?