Ba Ngangu ti Bible!

Tongana nyen? Na bango limon ti kasete vidéo La Bible: une force dans votre vie. A yeke ndangba kasete ti mbeni molongo ti akasete ota so li ti tene ni ayeke La Bible: un livre historique et prophétique.

Mo ye si mariage ti mo atambela nzoni? Mo ye ti wara maboko ti hon ndo ti akpale ti laso? Ye nyen apendere alingbi ti sala ti yö akungba so ahunda na abiazo? Limon ti kasete vidéo ni afa so Bible alingbi ti duti mbeni ye ti mungo maboko ti ngele ngangu. Fade ambeni koli na wali ayeke tene na mo tongana nyen Bible aga mbeni ngangu so aga na ye ti nzoni na yâ fini ti ala. Fade ala yeke fa na mo tongana nyen akpengba-ndia ti lo amu maboko na ala ti leke akpale ti fini.

Kasete vidéo so ayeke mbeni gbakuru ti kota ngele ti mu maboko na azo so asala nzala ti Bible ade ti ninga pepe ti hinga na aye ti nzoni so ala yeke wara ande na ziango Tene ti Nzapa ti fa lege na fini ti ala. Société ayeke na kasete La Bible: une force dans votre vie so. Mo lingbi ti hunda mbeni oko na ita so aba lege ti ambeti na yâ ti kongrégation ti mo.