La Bible: une force dans votre vie

Bible amû maboko na azo mingi ti gbian fini ti ala ti ga nzoni. Ambeni ndia wa ti Bible so tongana zo asara ye alingbi na ni alingbi ti mû maboko na lo ti hon ndo ti akpale ti laso? Kite ayeke pëpe so tere ti mo ayeke nzere ande tongana mo wara kiringo tënë na hundango tënë so na bango La Bible: une force dans votre vie, so ayeke use ti alimon ota so ayeke na ndo ti DVD La Bible: un livre historique et prophétique. Na peko ti bango limon so, mo lingbi ti kiri tënë na ahundango tënë so ge?

(1) Ngbanga ti nyen e lingbi ti tene so Bible ayeke pëpe gi mbeni senge pendere mbeti? (aHéb. 4:12). (2) Tongana biani Bible ayeke mû maboko na azo na yâ ti fini ti ala, ngbanga ti nyen azo ayeke na akpale mingi tongaso? (3) Mama-tene ti Bible ayeke nyen? (4) Aversê wa ti Bible na yâ ti DVD so alingbi ti mû maboko na azo so asara mariage (a) ti maï lisoro ti ala na (b) ti hon ndo ti ngonzo ti ala? (5) Tongana nyen bango ndo ti Chrétien na ndo ti mariage agbian fini ti sewa ti ga nzoni? (aÉph. 5:28, 29). (6) Tongana nyen Jéhovah Nzapa azia mbeni pendere tapande na ababâ na amama? (Marc 1:9-11). (7) Tongana nyen ababâ na amama alingbi ti sara si mandango ye na sewa anzere? (8) Nde na mandango Bible, mbeni ye nde wa Mbeti ti Nzapa apusu ababâ na amama ti mû na amolenge ti ala? (9) Tongana nyen wango ti Bible amû maboko na asewa ti luti na gbele kpale ti nginza? (10) Andia wa ti Bible so andu aye tongana dutingo na saleté pëpe, nyongo mbangi, nyongo sämba ahon ndo ni nga na gingo bê ahon ndo ni, so tongana e sara ye alingbi na ni, alingbi ti mû maboko na e ti duti na kpale ti seni mingi pëpe? (11) Azendo wa ti Bible alingbi ti kpengba e? (Job 33:25; Ps. 145:16). (12) Tongana nyen afango ye so ayeke na yâ ti Bible amû maboko na mo ti gbian aye na yâ ti fini ti mo? (13) Mo lingbi ti sara kusala na vidéo so ti mû maboko na azo tongana nyen?