“Tene ti Nzapa Ayeke . . . na Ngangu”
1 Bazengele Paul asû na mbeti: “Tene ti Nzapa ayeke na fini nga na ngangu.” (aHéb. 4:12, NW) Lo ye ti tene nyen? Tene, wala tokua, ti Nzapa so a wara na yâ ti Bible alingbi ti sala ngangu mingi na ndo ti azo. Ndara so ayeke na yâ ti Bible ayeke na ngangu ti gbian fini ti mbeni zo ti ga nzoni ahon. Dengo bê nga beku so lo mu ague na azo ndulu na Wamungo Fini, Jéhovah Nzapa. Tokua ti lo alingbi ti zia azo ti bê ti mbilimbili na ndo lege so ague na fini ti lakue lakue. Ye oko, ti ba ngangu ni, a lingbi e sala kusala na Bible na ngoi so e yeke sala tene ti témoin na ambeni zo.
2 Diko mbeni versê na lege oko oko kue so azi: A ba so awafango tene mingi asala kusala mingi pepe na Bible na yanga-da ti azo. A yeke biani tongaso teti mo? Teti so azo mingi aba so ala yeke na ngoi pepe teti mbeni yongoro lisoro, peut-être na hingango ni pepe mo lï yeke yeke na yâ mbeni ngobo ti fango gi ambeti wala ti fango gi peko ti mbeni versê. E wa awafango tene kue ti sala kota ngangu ti diko kamême versê oko na yâ ti Bible tongana ala fa nzo tene, tongaso a yeke mu lege na zo ni ti ba so tene ti e alondo biani na yâ Tene ti Nzapa.
3 Atä so azo mingi pepe ayeke diko ka Bible, azo angbâ biani ti ba ni na nene ni. Même azo so ayeke na aye mingi ti sala ayeke mu apenze-ngbonga oko wala use ti mä mbeni tokua so a diko polele na yâ ti Tene ti Nzapa. Tongana a diko na wâ mbeni versê so alingbi nga a fa nda ni kete, ngangu ti tene ti Jéhovah alingbi ti sala mbeni nzoni ye na ndo ti zo so ayeke mä mo. Me tongana nyen mo lingbi ti zia kamba na popo ti kozo tene ti mo na dikongo mbeni versê na yâ ti Bible?
4 Tara kode so na yâ kusala ti kangbingo apériodique: Mbeni surveillant so ague na ndo nde nde asala kusala nzoni na aversê tongana lo sala kusala ti kangbingo apériodique. Lo zia na yâ poche ti lo mbeni kete Bible. Na peko ti so lo fa apériodique nga, na lege ti mbeni ndulu tene, lo fa tene so ayeke na yâ mbeni article, na gingo bê oko pepe lo zi Bible ti lo na lo diko mbeni versê na yâ ni so ague oko na article ni. Zo alingbi ti sala ni gi na tenengo, “Bibe ti mo na ndo kpengba zendo so ayeke tongana nyen?” nga na pekoni to nda ti diko mbeni versê so mo soro.
5 Zia na gbele mo ti kangbi mbeni versê oko wala use na yâ ti Bible na azo oko oko kue so ayeke mä mo. Ngangu ti lo so apusu zo ti sala ye alingbi ti zi lege na azo mingi ti ga ndulu na Nzapa.—Jean 6:44.