Ye ti Tene na ndo Apériodique

Tour ti Ba Ndo 15 Sept.

“A lingbi ti wara azo so andoye tâ tene na yâ mingi ti alege ti vorongo kue. Ye oko, mingi ni alege ti vorongo ayeke kangbi popo ti azo. Ye nyen a hunda ti bungbi azo ti be-ti-mbilimbili oko? [Na peko ti so zo ni akiri tene, diko Sophonie 3:9.] Périodique so afa tongana nyen hingango ye ti tâ Nzapa ayeke bungbi azo oko na ndo kue.”

Réveillez-vous! 22 Sept.

“Mingi na popo ti e abi bê so gbâ ti kobe ayeke duti ande dä lakue. Me fadeso azo ayeke gi bê ti ala so senda-ye alingbi ti sala si a yeke duti ande ngangu ti wara kobe. Périodique so afa ambeni ti agingo bê so nga beku so Bible amu na ndo tâ yorö ti kpale ni.”

Tour ti Ba Ndo 1 Oct.

“Mo lingbi ti yeda so tene ti mabe na Nzapa aga mbeni tene so azo mingi aye ti sala tene na ndo ni pepe. Me ngbanga ti nyen a yeke tongaso? [Na peko ti so zo ni akiri tene, diko aHébreu 11:1.] Périodique so asala tene na ndo ye so ayeke tâ mabe na kangbi so alingbi ti duti dä tongana e yeke na mabe wala pepe.”

Réveillez-vous! 8 Oct.

“Tongana ti so mo hinga, Halloween (na lango 31 ti nze ti octobre) ayeke mbeni kota matanga, na amolenge mingi aye ni. Mo wara mbeni lâ awe lege ti manda ye na ndo lingu ti matanga so? [Zia zo ni akiri tene.] Dikongo périodique so ayeke nzere ande na mo mingi, mbilimbili tongana mo yeke mbeni babâ wala mama ti sewa so tene ni andu lo.”