Fini programme ti assemblée ti lango oko
1 Atâa so andokua kue ti asango na awafango ye ayeke mû gloire na mosoro ti mitele, Tënë ti Nzapa awa e mingi ti ‘wu na nzo kusala’. (1 Tim. 6:18). So a yeke kota li ti tënë ti programme ti assemblée ti lango oko so ayeke komanse na nze ti septembre ngu 2002. Wango wa e yeke wara ande na ngoi ti kota bungbi so?
2 Fade surveillant ti circonscription ayeke fa ye nyen aye ti tene ‘Dutingo na mosoro na lê ti Nzapa’. Fade lo yeke hunda tënë na ambeni ita so asala ngangu ti wara amosoro na lege ti yingo. Na yâ kozo diskur ti lo ti lango ni so, fade wamungo diskur so aga gango ayeke fa tongana nyen awakua ti Nzapa ayeke sala “Nzo kusala na ngoi ti kongo le-kobe”. Fade a yeke wa zo oko oko na popo ti e ti bâ tongana nyen e lingbi ti mû mbage mingi ahon na yâ kusala ti kongo le-kobe so Nzapa ahunda na e ti sala laso.
3 Tongana e bâ aChrétien so ade pendere na gingo mosoro na lege ti yingo, bê ti e anzere mingi! A yeke mû gloire na Jéhovah, na a mû maboko ti leke apendere nzoni teti amatabisi ti kusala so ayeke ga ande. Diskur “Gondango apendere teti anzo kusala so asepela Jéhovah” ayeke gboto lê na ndo anzo kusala so apendere ayeke sala na yâ ti circonscription ti e.
4 Aye ti nzoni wa a yeke ga na peko ti salango anzo kusala? Fade wamungo diskur so aga gango ayeke sala lisoro na ndo ni na yâ ndangba diskur ti lo “Ngbâ lakue ti sala anzo kusala, na wara adeba nzoni ti Jéhovah”. Lo yeke fa ande alege osio so na yâ ni e lingbi ti wara adeba nzoni: (1) Zo lo mveni, (2) na yâ ti asewa, 3) na yâ ti kongregation, nga (4) na bungbi ti Jéhovah na ndo sese kue.
5 Fade lege ayeke zi na ala so amû tele ti ala na Jéhovah awe ti wara batême. Tongana mo yeke ndulu ti sala ni, sala tënë ni fade fade na surveillant président.
6 Tongana a fa awe lango ti assemblée so mo yeke mû mbage ti mo dä, leke aye hio si mo lingbi ti gue dä. Sala kue ti ga na l’heure, si mo lingbi mû mbage na hengo bia nga na sambela ti tongo nda ni. Ti gue, na ti dengi mê nzoni ti mä programme ti assemblée ti lango oko ni kue a yeke kpengba ande e ti ngbâ lakue ti sala ye so ayeke ga na e mosoro na lê ti Nzapa ti e Jéhovah.