Ye ti tene na ndo apériodique

Tour ti Ba Ndo 22 déc.

“E kue e ye si amolenge ti e aduti na ngia nga na fini so aga nzoni. Ti mo, ambilimbili ye wa a hunda ti tene amolenge awara si ala hon ndo ti agingo bê ti gigi ti laso? [Zia zo ni akiri tënë. Na pekoni diko aProverbe 22:6]. Numéro ti Réveillez-vous! so asala tënë na ndo aye so a hunda ti tene amolenge awara, nga tongana nyen ababâ na mama alingbi ti mû ni na ala.”

Réveillez-vous! 1 janv.

“Azo mingi ayeke na kota nzara ti duti na siriri na ndo sese. Ti mo, mbeni lâ e yeke bâ ande gango tâ tënë ti atënë so? [Diko Psaume 46:10. Na pekoni zia zo ni akiri tënë]. Numéro ti Tour ti Ba Ndo so afa tongana nyen atënë so ayeke ga ande tâ tënë, nga ngbanga ti nyen e lingbi ti zia bê kue na zendo ti Nzapa ti mbeni sese so bira ayeke dä pëpe.”

Tour ti Ba Ndo 8 janv.

“Na ndo sese kue, azo kutu mingi ayeke na akobela so ayeke mû na ala kota vundu. Wasalango e ayeke bi bê mingi na mara ti azo tongaso [diko Psaume 34:19]. Mbeti so afa tongana nyen azo ti kobela so alingbi ti wara mungo maboko. A gboto nga lê na ndo zendo ti Bible so na yâ ngoi kete a yeke lungula ande akobela kue.”

Réveillez-vous! 15 janv.

“Teti so batango pëpe azendo ayeke tâ mbeni ye so amû ndo kue laso, mingi ti azo abâ so a yeke ngangu ti zia bê ti ala kue na mbeni zo. Mo bâ so mbeni zo ayeke dä so e lingbi ti zia bê kue na azendo ti lo? [Zia zo ni akiri tënë. Na pekoni diko Josué 23:14]. Mbeti so afa tongana nyen e lingbi ti kpengba ziango bê kue ti e na ndo azendo ti Nzapa so a sû na yâ Bible.”